كل يوم بشكل لحد ما تجننيه .... لازم يحس إنه متجوز 4

s

sherrykitty

عروس ركن العناية بالبشرة والجسم

24-01-2010 | 02:37 PM

طبعا كلنا بنزهق من شكلنا فما بالك بأزواجنا؟
لازم نجدد ليهم كل يوم خصوصا مع إللى البنات عاملينة اليومين دول فى الشوارع و فى التليفزيون وفى كل مكان
بس أولا وأخيرا لازم نستحضر نية إرضاء الزوج وإننا نكون عصمة ليهم من الحرام
وربنا يعيننا عليهم ويدخلنا الجنة برضاهم أمين يا رب العالمين

للأمانة كل الصور دى منقولة من الإنترنت لأن زوجى رفض إنى أصور أى شئ من ملابسى الشخصية بس المهم تكون الفكرة وضحت

1- اليوم البلدى

حتلبسى جلابية أو أى حاجة شبهها تكون شعبية زى جلابية نانسى عجرم الشهيرة بس الحمد لله مش فاكرة خالص إسم الأغنية لأنى توقفت عن سماع الأغانى بفضل الله
طبعا الرجالة بيموتوا فيها بالإجماع وخصوصا لو ضيقة وبفتحة كبيرة من فوق وعند الرجلين

ومش لازم دى بالذات ممكن أى فستان يكون قصير وبكرانيش مثلا

طبعا دى لون الرصيف فى أسكندرية ههههه إختارزا لون تانى جذاب زى الأحمر مثلا أو أى لون بيحبة زوجك

وتربطى شعرك بأى إيشارب لايق على ألوانها
وتحطى فول ميك اب
وخلخال وحلق كبير والباقى عليكى بقى إنتى وذوقك

وتربطى شعرك بأى إيشارب
وخلخال وحلق كبير والباقى عليكى بقى إنتى وذوقك

وأو ما جوزك يرجع من الشغل تقولى له إنت جيت يا سى .... طبعا بيتصدم من شكلك واصلا أنتى حتتكسفى بس بيبقى مسخرة أوى الجو
وتساعديه يغير هدومة وبعدين تجرى تجيبى كروانة وتمليها ماية سخنة وملح وتجرى عليه تدعكى له رجليه
الحركة دى بقى بجد حلوووووووووووة جدا بين الراجل ومراتة
أنا لما عملتها جوزى فضل فاتح بقة وراح قايل تعالى لى يا ماما شوفى دلع إبنك ههههههه
المسخرة بقى أكتر إنى كنت حامل وبطنى زى البلونة فكان شكلى كوميدى جدا

وبعدها تجهزى له الأكل ويا ريت يتماشى مع اللبس يعنى ملوخية مثلا أو لو الستايل إسكندرانى إعملى سمك يومها

وإنتوا وإبتكاراتكم بقى :037:

محدش يرد لسة باقى اللوكات
يتبع

s

sherrykitty

عروس ركن العناية بالبشرة والجسم

24-01-2010 | 02:55 PM

2-اليوم المثير :03:

حتحطى ميك أب شبه دة والتعليم يا بنات فى ركن المكياج البنات عاملين حركات تجنن إختارى إللى يناسبك

والمفاجأه إنك حتلبسى قميص أبيض من بتوع زوجك يكون طويل زى إللى بتلبسة الممثلات
وتحتة ملابس داخلية جذابة باللون إللى يناسب بشرتك بس طبعا أنا أخترت ملك الألوان الأسود
وتسيبى كل الأزرار مفتوحة معادا واحد بس فى الوسط
وتسيبى شعرك بدون أى توك ولا شئ

اليوم دة متحسسيش زوجك باى حاجة وبعد ما يناموا الأولاد وهوة قاعد يتفرج على التليفزيون تكونى مجهزة كل حاجة وتسيبيه وتدخلى تظبطى نفسك وتطلعى له وأنتى ماشية بطريقة جذابة:049:

وطبعا غرقى نفسك من البرفان إللى بيحبة لأن اللوك دة معتمد على الجاذبية يعنى بتشتغلى على عينية وعقلة وأنفة وكللللة هههه

أعتقد إن معظم الرجالة بتحب اللوك دة جدا :014:
وإدعى لى :ok:

s

sherrykitty

عروس ركن العناية بالبشرة والجسم

24-01-2010 | 03:13 PM

3- اليوم الناعم

اليوم دة حتحطى ميك اب هادى جدا بلون إللى حتلبسيه وئيا ريت لو الألوان تبان طبيعية كأنك مش حاطة أى ميك أب
ويا ريت يكون اللون إللى حتلبسيه ناعم زى اللبنى أو البينك أو الأأبيض

بس مع خاتم شيك لأن هدفك البساطة

s

sherrykitty

عروس ركن العناية بالبشرة والجسم

24-01-2010 | 03:24 PM

4- يوم الليدى لوك

اليوم دة حتلبسى فيه لانجيرى راقى على ذوقك ويا ريت لو يكون ستان وطويل أو لو عندك فستان سواريه

ولو بتعرفى ترفعى شعرك بشكل شيك
مع السابوه طبعا والميك أب يكون معتدل لا زيادة ولا منعدم وإكسسوارات شيك
وتكونى قاعدة فاردة ظهرك وحاطة رجل على رجل بمنتهى الثقة وتتكلمى ببطء وتتحركى ببطء
كأنك أميرة البيت وأميرة زوجك إللى هوة طبعا الملك

وطبعا تكونى مجهزة عشاء شيك على ضؤ الشموع المعطرة
لازم تحسسيه إنك أميرة عشان يعاملك على أنك ملكة

&

& نعناعه &

عروس رائعة

24-01-2010 | 03:32 PM

هلا حبيبتي الموضوع جدا رائع بس الواحد يحتاج الى الثقة عشان يقوم به للعلم اني مو متزوجة بس لقافه ههههههههههههه مشكورة مرة ثانية أختي

s

sherrykitty

عروس ركن العناية بالبشرة والجسم

24-01-2010 | 03:49 PM

5- اليوم الشقى

طبعا عارفيين يعنى إيه شقى:014:

حتلبسى حاجة ملهاش لازمة هههههه ومتكونش عادية لأ يكون فيها حركات
وأنتى وسايلك طبعا ودى أشكال من إللى قصدى عليها

الأحمر دة أنا حمووووووووووووت عليه

وطبعا يفضل الألوان القوية زى الأكوا والأحمر والبربل

اليوم دة بقى عيب أتكلم عليه
ههههههههههههه
كل واحدة وشطارتها

بنات لو سمحتوا محدش يرد غير لما أخلص

a

adow

عروس مشرقة

24-01-2010 | 03:52 PM

كل يوم صعب اوى يعنى خليها فى الويك اند علشان ما يملش الزوج من كتر الحركات

s

sherrykitty

عروس ركن العناية بالبشرة والجسم

24-01-2010 | 03:59 PM

6-اليوم الكيرليس

اليوم دة بقى أنا مسمياه اليوم الخبيث ههههههه
تلبسى فيه أى فستان قطن بس لازم يكون ضيق وبيظهر جمالك

زى دول

عندى زى دة أحمر يجنن
واليوم دة تعملى له أكله بيحبها
وتحطى ميك اب هادى وبرفان خفيف يا ريت يكون بالفانيليا أو يالفواكه
وتقوليلة بحبك برقة وبصوت واطى وإنتى عينك فى عينه
وتحاولى تعملى أى حاجة تحرك مشاعرة تجاه حبك وتحرك قلبة
وتسيبيه وتمشى براحة تروحى تعملى أى حاجة فى المطبخ
وتفضلى رايحة جاية قدامة وكأنك مش شايفاه أصلا ولا هوة على بالك
بس طبعا هوة مش شايف غيرك

والباقى فى الموضوع دة بقى عليه هوة مش عليكى
ههههههههههههههههههههههههه

s

sherrykitty

عروس ركن العناية بالبشرة والجسم

24-01-2010 | 04:03 PM

7-اليوم البنانيتى

اليوم دة بقى كونى فيه طفلته المدلله

حتعملى شعرك قطتين
وتلبسى هوت شورت وتوب

شبه اللوك دة

وتحطى يا دووب كحل وبلاشر وروج بينك وجلوس وبس
وتقعدى تتدلعى طبعا زى البنانيت
ويا سلام لو ماعاكى مصاصة

*

**قطرات الندى**

عروس ماسية

24-01-2010 | 04:06 PM

رااااااااااائع جدا .. الله يعطيك العافية

s

sherrykitty

عروس ركن العناية بالبشرة والجسم

24-01-2010 | 04:18 PM

8- يوم ألف ليلة وليلة

اليوم دة بقى حتكونى فيه جارية لجوزك بمعنى الكلمة

حتلبسى حاجة شبه دة

أنا عندى زية بس من تحت ماكسى ولونه جرى فى أبيض من فوق والجيب فيها وردات صغيرة ألوان حلوة أوى
وتلبسى أكسسوارت كتيييييييييييييير بس لايقين مع بعض طبعا مش أى كلام

وأول ما يدخل تقوليلة شبيك لبيك كهرمانة بين إيديك:029:

وكل ما ينده بإسمك تقوليلة (كهرمانة ):087:
وحيفضل يتلخبط لحد ما فى الأخر تقوليلة (كهرمانة قلنا دة إيه دة؟ :039:) هههههه

اليوم دة بقى تملى البيت بخور
وتجيبى له الأكل فى صينية كبيرة لحد عندة
و
وتفضلى تبصيله بحنان وتقوليلة كل شوية مش عاوز حاجة يا مولاى؟
وتعملى كللل إلى يطلبة منك مساج بقى تدليك أى حاجة
وهمة بيستغلوا الموضوع دة جامد ههههه
بس إنتى مستحضرة النية طبعا وبتاخدى أجر على كل دة

وكل ما يطلب حاجة تقوليلة تحت أمرك يا مولاى

ا

الملاك رشا

عروس مشرقة

24-01-2010 | 04:19 PM

يسلمو كتير حلو

s

sherrykitty

عروس ركن العناية بالبشرة والجسم

24-01-2010 | 04:30 PM

9- اليوم اللولبى

طبعا باين من إسمة
دة اليوم إلى حتكونى فيه فتاه لعوب
هههههههه
مدام لزوجك يبقى لا عيب ولا حرام

حتلبسى فيه حاجة شبيهة بكدة

جويا عندة شبه ده

طبعا طبعا مفيش واحدة متجوزة معندهاش الشراب دة أو بوت
لو معندكيش لبس مناسب أظبطى أى لبس
إلبسى مثلا جيب قصيرة على بادى ضيق حمالات وأربطى إيشارب قصير على رقبتك
أو حتى الملابس الداخليه فقط على الشراب

هوة شبيه باليوم الشقى شوية بس الفكرة إن دة داخل شوية على التنكرى
بس أنا شخصيا مش بحب التنكرى لأنه مبالغ فيه موضوع الممرضة والفرينش ميد والنحلة والكلام دة

واليوم دة حطى برفان قوى وميك اب قوى قوى ههههه
وجليتر فى الجسم والوش
وتاتوا من إللى بيتشال على طول
وإعملى شعرك كيرلى
وحسنة فوق الشفايف
ومانيكير غامق

s

sherrykitty

عروس ركن العناية بالبشرة والجسم

24-01-2010 | 04:44 PM

10- اليوم السبورتيف

اليوم دة حتلبسى فيه ترينينج بس مش الكبيييييير بتاع العرق والساونا لأ
وحترفعى شعرك وتنزلى خصل على جبينك
وبس كحل وبلاشر وجلوس

s

sherrykitty

عروس ركن العناية بالبشرة والجسم

24-01-2010 | 04:52 PM

بكدة خلص الموضوع الحمدلله
ويا بنات كل واحدة تشوف جوزها بيحب إيه وتعمله وبيكره إيه وتبعد عنه
يعنى لو زوجك مش بيحب أى من اللوكات دى متعمليهوش
مثلا فى واحدة إهتمت أوى إنها تجيب لانجيرى زى بتاع البنات إللى كدة وكدة دول وفضل تحوش تمنه وتحلم بيه ولما جابتة عشان تفاجئة جوزها زعقلها ونهرها بشدة وقالها إنتى زوجة محترمة متلبسيش كدة تانى

دة ذوقة وهوة مش غلطان
هية كانت لازم تقراه وتعرف بيحب إيه وبيكره إيه

وطبعا أهم حاجة إختيار الوقت المناسب لعمل اللوكات دى
مش فى يوم يكون غضبان ومتضايق من أى مشكلة وأنتى تطلعيلة رايقة وفلة ولا على بالك ههههه

ولا مرة يكون راجع من الشغل وتعبان فميقلكيش كلمة حلوة تقوم الدنيا وتقعد

وأغرب ما فى المرأة بقى تختار وقت البيريود وتهتم أوى بقى باللبس والمانيكير والشعر والميكب عشان مفيش صلاة ولا وضوء (أختكم كانت كدة هههههههه)

أتقوا الله فى أزواجكم وإعملوا كل جهدكم لإرضائهم وأتخذوا أمهات المسلمين أسوة حسنة
وربنا يهديهم لينا يا رب وييجعلنا قرة عين ليهم وعصمة لهم من الفتنة
اللهم أمين

و يا بنات إللى حابة تضيف حاجة أو تقول أنهى لوك عجبها تتفضل يلا عشان نستفيد وإللى تجرب لوك تقولنا عملت إيه وإيه الإضافات

يلا خلص الهزار وجه وقت الجد عايزة أشوف الردود والتقييمات نازلة زى المطر ههههههه

s

sherrykitty

عروس ركن العناية بالبشرة والجسم

24-01-2010 | 04:55 PM

بنت دلوعه شويه;11157224:
هلا حبيبتي الموضوع جدا رائع بس الواحد يحتاج الى الثقة عشان يقوم به للعلم اني مو متزوجة بس لقافه ههههههههههههه مشكورة مرة ثانية أختي

نورتى الموضوع والله يرزقك الزوج الصالح ويهنيكى بيه يا رب
الثقة على فكرة داخلية يا دلوعة مش بس ثقة بالشكل
يعنى أنا كنت بفكر زيك زمان بس لقيت فى الدنيا بنات شكلهم عادى جدا بس ثقتهم بشخصيتهم مخيهم حلويييييييييييين جدا ودة أضفى جمال تانى عى شكلهم
ومع زوجك بالذات لازم تكونى قمة فى الثقة بنفسك عشان دة إلى بيحليكى فى عينة
غير إن الرضا بما رقنا الله به بيديكى ثقة إنك حلوة مهما يكون فيكى ولله الحمد على الصحة

s

sherrykitty

عروس ركن العناية بالبشرة والجسم

24-01-2010 | 04:57 PM

adow;11157417:
كل يوم صعب اوى يعنى خليها فى الويك اند علشان ما يملش الزوج من كتر الحركات

ههههههه
أنا مش قصدى كل يوم كل يوم أنا قصدى كل يوم ناوية فيه على دلع لزوجك وأنتى بقى ظبطيها براحتك ههههههههه:ok:
وبجد هوة مش حيمل نهائى
بالعكس حيبقى نفسة يروح بأى شكل :053:عشان يعرف مفاجأة إنهاردة إيه :029:

s

sherrykitty

عروس ركن العناية بالبشرة والجسم

24-01-2010 | 04:58 PM

**قطرات الندى**;11157570:
رااااااااااائع جدا .. الله يعطيك العافية

الحمد لله إنه عجبك
جازاكى الله خيرا على الدعوة الحلوة

s

sherrykitty

عروس ركن العناية بالبشرة والجسم

24-01-2010 | 04:59 PM

الملاك رشا;11157672:
يسلمو كتير حلو

الله يسلمك وشكرا لذوقك

ا

الدلوعة والحنونة

عروس رائعة

24-01-2010 | 05:10 PM

بصراحه موضوعك روووووووووووووووعة وتستاهلي التقييم انا بجرب مع زوجي ههههههههههههههههههههه انا ماجربت البلدي اما الباقي انا اسويه من بين فترة وثانية