لك الحمد يا الهي على هذه النعمة باركولي تراني ولدت بسلامه :)

بسم الله الرحمن الرحيم

اللهم صلي وسلم وزد وبارك على محمد وآل محمد

الحمد الله لقد رزقني ربي بنوته مثل القمر بتارخ 11/10/2009 قدمت عن موعد ولادتي تقريبا 10 ايام ههه :) واسمتها وديعة

لكم قصتي

تاريخ 10/10/2009 عمتي ولدت وجابت حسوون رحت زرتها بالمستشفى في نفس اليوم بس كان بعد صلاة المغرب وكنت اعاني من الم ظهري وثاني يوم الصبح على ساعه 6.30 زاد الم ظهر مع خروج دم بسيط ورحت المستشفى ودخلوني غرفة العمليات وقتها كان بس 2 سانتي مفتوحه وتميت اعاني الى ساعه 4.45 العصر ولدت الحمد الله طبيعي في مستشفى جدحفص بعد ما يأسو وقالو لي خلاص عمليه لانج وايد تعبانه مو قادره وراس البيبي كان لا اهو داخل ولا اهو بره صاير في نص وخافو عليه بأن يختنق لاني كنت ما بين فتره وفتره نفس الي يغمى عليي واحيانا يكلموني بس ما اكون في وعيييييي كنت اعاني من الم في ظهري شديد ولله الحمد
بس ما زلت اعاني من الم لخياط حيث انفتح الجرح بعد ما طاح سيم ولما رحت المستشفى قالو لي خلاص ما في فايدة لان الي قامت بعملية لخياط في اخر الغرز ما تخيط عدل وراح تعانين منه حتى تولدين مره ثانيه وما زلت اعاني منه تكرموون حتى الماء ما اقدر يصيده اصير في دنيا ثانيه من زود الحرقان والالم كاني محترقه وتعرفون منطقة حساسه وما يدخلها هواء ولا اكسجين تخيلو ولا اقدر انام ولا اقعد من كثر الالم

وبس :)