من يقدر يساعني

السلام عليكم

انا صار لي 7 شهور من تزوجت وللحين ما حملت
الدورة عندي تقريبا منتظمة كل فترة تتاخر يوم او يومين
بس من تزوجت صار لي ان اول 3 اشهر ما جتني الدورة بس كان كل ما اسوي شي يعورني ظهري وينزل علي دم وكل ماروح المستشفى يقولون لي يمكن حامل ويسون لي تحليل وعلى طول نفس النتيجه ما في حمل وحتى الدكتورة كانت مستغربه وتقول يمكن هذا تغير هرمونات مال الزواج :(

خفت يكون في عندي هرمونات مرتفعه او شي سويت تحاليل طلع كل شي اوكي والحمد لله
وآخر شي قدرت توصل له الدكتورة انها تقول لي كل فترة سوي تحليل حمل 8o|
واذا تبغين بعطيش حبوب عشان تنزل الدورة بس انا قلت لها ما ابغي ما ادري ليش وسبحان الله اليوم الي بعده على طول نزلت الدورة من بعدها جتني 3 اشهر جتني تاريخ 1 \10 و1\11 و 1\ 12

والحين لها 19 يوم متاخرة واحس بالم في اسفل بطني والم في صدري واحسه كبر وعلى طول احس اني برجع وحصوصا بس اقعد من النوم و صايرة حاسه الشم عندي قويه واي شي اشمه تلوع جبدي منه حتى عطوراتي الي كنت احبهم احس الحين ما اطيق استخدمهم :( وحتى الكاكو الي اموت فيه صايرة ما اشتهيه واجد وكله تعبانه وابغي انام بس في الليل ما انام وفي النهار عادي لو انام طول اليوم واقل شي اسويه يعور ظهري حتى من الوقفه والقعده بس بدون ما ينزل دم
ماكنت احس بهادي الاشياء من قبل اصلا انا ما تجيني آلام الدورة الا بس في نفس اليوم بس هالمرة كان الالم من قبل موعد الدورة باكثر من اسبوع حتى كنت احسب انها نزلت من كثر الالم بس ما في شي غير افرازات لونها ابيض

من اول اسبوع اتاخرت سويت تحليل في البيت وتحليل دم في العيادة وطلع ما في حمل وبعدين قالت لي السستر لازم اسوي التحليل عقب ما تتاخر 10 ايام وقلت يمكن عشان جدي يعني طلع على قولت السستر ما في بس ماادري ليش مااقتنعت والي استغربته انه يخلون الدم في جهاز يشبه تكرمون جهاز تحليل البول ما ادري اذا هذا الي يستخدمونه باقي العيادات انا قلت بنتظر بعدين بروح عيادة ثانيه لانه اصلا شكلها كلش كحيان ومايشجع بس هي الي كانت قدامي

تتوقعون الي احس فيه اعراض حمل لو بس جدي
انا الحين خايفة ارد اسوي تحليل وتطلع نفس النتيجه والله تعبت من كثر ما اسوي تحاليل ونفس الشي

سوري على الكلام والهرار الزايد
ادري عورت راسكم بكلامي :o بس ما عندي احد غيركم اعور راسه واغربله
وابغي استفيد من خبراتكم
مسامحه طولت عليكم