السلام عليكم ورحمة الله وبركاته
شخباركم ياعرايس وياحوامل ان شاءالله كلكم بخير
ببتدي معاكم قصة ولادتي
انه ماكنت عارفه متى موعد اخر دورة فكنت مشككه بين تاريخين
فعطوني موعد على حسب التاريخ اللي عطيتهم اياه 7/1
وعلى حسب الالتراساوند تاريخ 21 /12
ولما دخلت الشهر التاسع عطوني موعد تاريخ 13 /12 على حساب الالتراساوند
كنت مستانسه وايد انه الموعد قرب
وكنت احس بالالام لكنها اتيي وتروح ومو منتظمه
يه اليوم الموعود وقعدت انتظر وماكان في شي
ولما رحت موعدي الثاني عطوني تاريخ 23 /12
ونفس الشي مر هالتاريخ من غير اي بوادر
وكنت وايد تعبانه نفسيا وجسديا
كانت اتيي لي الالام واحس انها طلق بس الله ماكتب لي
تاريخ 23 رحت المستشفى وسوو لي التراساوند
وقالو لي ان البيبي مكتمل والراس تحت بس مو نازل للحوض ويبيله فترة على ماينزل فخطر اني اصبر وايد وعطوني مهلة يومين قعدت انتظر هاليومين ان شاءالله ايي لي طلق بس مافي اي شي خلاني اتفاءل نطرت 5 ايام تاريخ 28 رحت مستشفى البحرين التخصصي وقالت لي الدكتورة فرح نفس الكلام اللي قالته لي الدكتورة اللي قبل وقالت لاتنتظرين ولا يوم لانج طوفتي موعدج وخطر انج تطولين لانه البيبي ممكن يخرج في بطنج فتتسممين انتي والبيبي وحولتني السلمانية على طلق صناعي فقلت انه وزوجي خلاص نتوكل على الله ونروح رحت السلمانية وماكان في سرير فحولوني مستشفى محرق وعلى الرغم اني كنت شاطبه هالمستشفى من بالي لكن حق سلامتي وسلامة ولدي رحت
رحت وكانت الساعه 9 يات لي دكتورة وفحصتني وقالت لي ان الراس للحين مو نازل تحت واحنه الحين مانقدر نسوي لج بس حظج انج بتصادفين الدكتورة الروسية وهالدكتورة ماتحب الا العمليات القيصرية فبتقصبج قصاب حطموني وايد لاني كنت حابة اني اولد طبيعي وربي ماكتب فسلمت امري للصناعي
يوم ثاني الصبح يات لي الدكتورة الروسية وسوت لي التراساوند وقالت ان الراس مو في الحوض و بما اني في بداية شهري جربت الطلق الصناعي ومااستفدت منه ولاتجاوبت وياه فما في حل الا القيصرية لانه حتى لو جربت الصناعي مابينزل الراس بسرعه فبظطر للقيصرية وبتعب مرتين
تكلمت مع زوجي وتوكلنه على الله ووقعنه ع القيصرية مع اني امي وابوي ماكانو راضيين بس خوفي على ولدي وشوقي له كان اقوى من كل شي وتمنيت العملية تكون تاريخ 29 بس ماكان عند الدكتورة مجال فخلتني ليوم ثاني
صوموني ليلة العملية وودوني غرفة الولادة ليلة عملية وجفت جم وحده يمي يولدون وكل ماتصرخ وحده اقول ان شاءالله انه اصير معاهم واولد طبيعي
الساعه 4 الفجر يات لي السستر و حطت لي تحميلة تنظف البطن وانتو بكرامه
وحطت لي سيلان غفيت شوي وقعدت الساعه 7 على ولادة وحده كانت يمي وبس طارت النودة قرب موعد العملية وماكنت حاسه بخوف نهائيا
بس لما يو الدكاترة ونقلوني على سرير ثاني وودوني غرفة العمليات وجفتهم يجهزون العده قام جسمي ينتفض دخل الدكتور دكتور البنج وقعدني وخلاني انحني على مخده حطاها في حضني وقوس اكتافي وكانت الوضعيه وايد تالم وضربني ابر البنج في ظهري كانت وايد تالم وحسيت بكهربه في ريلي اليسار وقال حق الدكتورة توكلي على الله البنج كان نصفي
انبطحت ورفعو جدامي قطعة خضره وكان يبين ظل الدكاترة والنرس وكل شي يسونه كنت احس بالقص والشق بس بدون الم
دخلت غرفه العملية الساعه عشر الا عشر
والساعه عشر وست دقايق سمعت صيحة الغالي مااقدرت ايود روحي ويابوه لي وحبيت يده وقعدت اصيح وقعد يصيح دكتور البنج وياي وقعد يقولي انتي توج صغير توج 21
كانت هذي اخر جمله سمعتها وبعدين رقدت قعدت الساعه 11 ونص وكانو ينظفون الخياطه ودوني غرفة النعاش ودخلو علي زوجي و امي وام زوجي وصار الصياح خصوصا امي كانت خايفه علي وايد وماكانت راضيه ع العملية وام زوجي اول مرة تصير يده وزوجي اول ضنا له
وكان شكلي كلش تعبان الاوكسجين والسيلان فكان موقف كلش حلو ومؤثر
وبعدين يابو لي ولدي وخلوه يمي وقعدت اجوفه واصيح من الوناسه كنت ابي اشيله بس مو قادره
ودوني غرفة الملاحظة وكانت امي وام زوجي وياي وفي نفس اليوم مشوني للغرفة الخاصه وكانت المسافة طويلة فمااقدرت واغمي علي في الحمام وانتو بكرامه حسيت بالموت لانه تاثير البنج راح وبده الالم يزيد
تميت 3 ايام في حالة ربي يعلم فيها كنت اجوف ويوه بس مااسمع شي ماتوقعت الم القيصرية بهالشكل لي درجة اني طلبت اجوف اهلي كلهم لاني حسيت بالموت
وولدي مااقدرت اشيله وارضعه الا رابع يوم والمشي ماقدرت امشي الا عقب عشرة ايام وبمساعدة اهلي
ومسكين ولدي صاده ضيق في التنفس وزكام وخذوه من عندي 4 ايام وخلوه في الشيشه كانت ايام صعبه ومااكنت اتحمل اجوفه في الشيشه وعليه تخطيط القلب والسيلان وجهاز التنفس فزعت العالم من الصياح ابي ولدي ابي ولدي
بس الحمدلله تحسنت حالة ولدي بس الدكتور ماكان راضي يرخصه لكني وقعت على مسؤوليتي وطلعته لانه ماكان يبين فيه شي نهائيا وخذيته ووديته عند اخصائي وطمني عليه
قضيت في المسشتفى 10 ايام كانت حلوة ومرة في نفس الوقت
حلوة بجوفة الغالي حمودي ومرة بالالم اللي لازلت اعاني منه
وهذي صورة الغالي
قولو ماشاءالله
شخباركم ياعرايس وياحوامل ان شاءالله كلكم بخير
ببتدي معاكم قصة ولادتي
انه ماكنت عارفه متى موعد اخر دورة فكنت مشككه بين تاريخين
فعطوني موعد على حسب التاريخ اللي عطيتهم اياه 7/1
وعلى حسب الالتراساوند تاريخ 21 /12
ولما دخلت الشهر التاسع عطوني موعد تاريخ 13 /12 على حساب الالتراساوند
كنت مستانسه وايد انه الموعد قرب
وكنت احس بالالام لكنها اتيي وتروح ومو منتظمه
يه اليوم الموعود وقعدت انتظر وماكان في شي
ولما رحت موعدي الثاني عطوني تاريخ 23 /12
ونفس الشي مر هالتاريخ من غير اي بوادر
وكنت وايد تعبانه نفسيا وجسديا
كانت اتيي لي الالام واحس انها طلق بس الله ماكتب لي
تاريخ 23 رحت المستشفى وسوو لي التراساوند
وقالو لي ان البيبي مكتمل والراس تحت بس مو نازل للحوض ويبيله فترة على ماينزل فخطر اني اصبر وايد وعطوني مهلة يومين قعدت انتظر هاليومين ان شاءالله ايي لي طلق بس مافي اي شي خلاني اتفاءل نطرت 5 ايام تاريخ 28 رحت مستشفى البحرين التخصصي وقالت لي الدكتورة فرح نفس الكلام اللي قالته لي الدكتورة اللي قبل وقالت لاتنتظرين ولا يوم لانج طوفتي موعدج وخطر انج تطولين لانه البيبي ممكن يخرج في بطنج فتتسممين انتي والبيبي وحولتني السلمانية على طلق صناعي فقلت انه وزوجي خلاص نتوكل على الله ونروح رحت السلمانية وماكان في سرير فحولوني مستشفى محرق وعلى الرغم اني كنت شاطبه هالمستشفى من بالي لكن حق سلامتي وسلامة ولدي رحت
رحت وكانت الساعه 9 يات لي دكتورة وفحصتني وقالت لي ان الراس للحين مو نازل تحت واحنه الحين مانقدر نسوي لج بس حظج انج بتصادفين الدكتورة الروسية وهالدكتورة ماتحب الا العمليات القيصرية فبتقصبج قصاب حطموني وايد لاني كنت حابة اني اولد طبيعي وربي ماكتب فسلمت امري للصناعي
يوم ثاني الصبح يات لي الدكتورة الروسية وسوت لي التراساوند وقالت ان الراس مو في الحوض و بما اني في بداية شهري جربت الطلق الصناعي ومااستفدت منه ولاتجاوبت وياه فما في حل الا القيصرية لانه حتى لو جربت الصناعي مابينزل الراس بسرعه فبظطر للقيصرية وبتعب مرتين
تكلمت مع زوجي وتوكلنه على الله ووقعنه ع القيصرية مع اني امي وابوي ماكانو راضيين بس خوفي على ولدي وشوقي له كان اقوى من كل شي وتمنيت العملية تكون تاريخ 29 بس ماكان عند الدكتورة مجال فخلتني ليوم ثاني
صوموني ليلة العملية وودوني غرفة الولادة ليلة عملية وجفت جم وحده يمي يولدون وكل ماتصرخ وحده اقول ان شاءالله انه اصير معاهم واولد طبيعي
الساعه 4 الفجر يات لي السستر و حطت لي تحميلة تنظف البطن وانتو بكرامه
وحطت لي سيلان غفيت شوي وقعدت الساعه 7 على ولادة وحده كانت يمي وبس طارت النودة قرب موعد العملية وماكنت حاسه بخوف نهائيا
بس لما يو الدكاترة ونقلوني على سرير ثاني وودوني غرفة العمليات وجفتهم يجهزون العده قام جسمي ينتفض دخل الدكتور دكتور البنج وقعدني وخلاني انحني على مخده حطاها في حضني وقوس اكتافي وكانت الوضعيه وايد تالم وضربني ابر البنج في ظهري كانت وايد تالم وحسيت بكهربه في ريلي اليسار وقال حق الدكتورة توكلي على الله البنج كان نصفي
انبطحت ورفعو جدامي قطعة خضره وكان يبين ظل الدكاترة والنرس وكل شي يسونه كنت احس بالقص والشق بس بدون الم
دخلت غرفه العملية الساعه عشر الا عشر
والساعه عشر وست دقايق سمعت صيحة الغالي مااقدرت ايود روحي ويابوه لي وحبيت يده وقعدت اصيح وقعد يصيح دكتور البنج وياي وقعد يقولي انتي توج صغير توج 21
كانت هذي اخر جمله سمعتها وبعدين رقدت قعدت الساعه 11 ونص وكانو ينظفون الخياطه ودوني غرفة النعاش ودخلو علي زوجي و امي وام زوجي وصار الصياح خصوصا امي كانت خايفه علي وايد وماكانت راضيه ع العملية وام زوجي اول مرة تصير يده وزوجي اول ضنا له
وكان شكلي كلش تعبان الاوكسجين والسيلان فكان موقف كلش حلو ومؤثر
وبعدين يابو لي ولدي وخلوه يمي وقعدت اجوفه واصيح من الوناسه كنت ابي اشيله بس مو قادره
ودوني غرفة الملاحظة وكانت امي وام زوجي وياي وفي نفس اليوم مشوني للغرفة الخاصه وكانت المسافة طويلة فمااقدرت واغمي علي في الحمام وانتو بكرامه حسيت بالموت لانه تاثير البنج راح وبده الالم يزيد
تميت 3 ايام في حالة ربي يعلم فيها كنت اجوف ويوه بس مااسمع شي ماتوقعت الم القيصرية بهالشكل لي درجة اني طلبت اجوف اهلي كلهم لاني حسيت بالموت
وولدي مااقدرت اشيله وارضعه الا رابع يوم والمشي ماقدرت امشي الا عقب عشرة ايام وبمساعدة اهلي
ومسكين ولدي صاده ضيق في التنفس وزكام وخذوه من عندي 4 ايام وخلوه في الشيشه كانت ايام صعبه ومااكنت اتحمل اجوفه في الشيشه وعليه تخطيط القلب والسيلان وجهاز التنفس فزعت العالم من الصياح ابي ولدي ابي ولدي
بس الحمدلله تحسنت حالة ولدي بس الدكتور ماكان راضي يرخصه لكني وقعت على مسؤوليتي وطلعته لانه ماكان يبين فيه شي نهائيا وخذيته ووديته عند اخصائي وطمني عليه
قضيت في المسشتفى 10 ايام كانت حلوة ومرة في نفس الوقت
حلوة بجوفة الغالي حمودي ومرة بالالم اللي لازلت اعاني منه
وهذي صورة الغالي
قولو ماشاءالله
