تستخدمين الخل في إيش؟؟

السلام عليكم
اخباركم صبايا ؟؟ان شاء الله طيبين
اللي عندها خل تستفيد منه ولا ترميه حتى لو منتهي صلاحيته لانها بتستفيد منه في التنظيف خاصه في ازالة الدهون روووووووووعه بأقولكم طريقتي
اللي هي
اخذ علبه بخاخه احط فيها فيري بالليمون وكلوركس وخل ابيض وارجها شوي واحط عليها مويه اعبي العلبه بهالمحلول وقبل ماتغسلين المواعين بخي عليها خليه ثواني بعدين غسليها عادي بالفيري بس رووووووووعه تصير المواعين تلق تلمع لمعان فضيع خاصه صيجان القلي كانت تتعبني فغسيلها والحين ارتحت كمان اذا خلصت غسيل ابخ على المجلى واخليه ثواني وامسح بمنشفه يصير يلمع بقوووووه

واستعمله في تلميع عيون الفرن تصير كأنها جديده من فرحتي غطيت الفرن قلت ماعاد ابي استعمله ابى اخليه جديد
احط في صينيه فيري وكلوركس وخل وليمون ثلاث حبات تقريبا اعصره واحط القشر كمان انقع العيون فيها واحط مويه بس مو كثير اللي يغطي العيون بس وخليها ليله كامله اذا عندك وقت وافركها بالسلك تصير تلمع

واستعمل الخل لسلق البيض عشان مايتكسر كنت اعاني من هالشي كان دايم يتكسر البيض لمن اسلقه والحين صرت احط خل واعلي عالنار للاخر ومايتكسر
وبس هذا اللي عندي
وكل واحده تقولنا تستخدم الخل في ايش؟؟