بطاااااااطس جنااااااان بطريقة جديدة ان شاء الله تعجبكم

ازيكم يابنات..
ده اول موضوع ليا فالمنتدى
واتمنى تشجعونى
طريقة البطاطس دى انا كتبتها فى منتدى اخر
والحمد لله نالت اعجاب الجميع بعد تجربتها
واليوم حبيت اكتبهالكم
ان شاء الله تعجبكم
انا بمووووووووووت فى البطاطس
وباكلها يوميا...
والنهارده جايبالكم طريقة جديدة وجنااااااان ..
للبطاطس..
وشكلها شيييك جدا جدا تنفع للعزومات..
ودى اجتهاااااااادى الشخصى
وطريقة مجربه ميه بالميه

....
..اترككم مع الطريقة..

بسم الله ..نبدأ
.................................
اولا : المقادير
5 حبات بطاطس متوسطة
بقدونس
ثوم
دقيق
ملح - فلفل - كمون - شطة - قرفة - بهارات حسب الرغبه
..................................

1- نحضر عدد من البطاطس متوسطة الحجم ونغسلهم جيدا
ثم توضع فى الحلة ومعها ماء وملح لتسلق
ولاااااااابد
ان تسلق نص سلقة
يعني تترك ع النار حوالى ربع ساعة
او تلت ساعة ع الاكثر:042:

2- ودى شكل البطاطس بعد سلقها نصف سلقة
شكلها سليم ومش مهرى زى مانتو شايفين كده

3- تقشر البطاطس
وبردو شكلها متماسك لانها مسلوقه نصف سلقة

4- تبشر البطاطس المسلوقة بالمبشرة
لتكون بهذا الشكل

5- تخلط جميع المقادير مع بعضها
البطاطس والبقدونس والثوم والملح والبهارات
وتخلط جيدا مع مراعاة
عدم هرس البطاطس
ولكن تقليبها فقط

6- بعد خلطها جيدا يوضع الخليط فى كيس
بهذا الشكل

7- يربط الكيس وتشكل العجينة باليد
على شكل مربع بهذا الشكل
ثم توضع البطاطس في الثلاجة لمدة نصف ساعه
او اكثر

8- وده شكلها بعد ماخرجت من الثلاجة
وشيلت الكيس من عليها

9- تقطع البطاطس على هيئة مربعات
كالتالى

10- تقلب المربعات فى الدقيق
حتى يغطيها تماما

11- ثم تقلى مربعات البطاطس فى الزيت

12- وتخرج البطاطس بعد تحميرها على مناديل
لامتصاص الزيت

وده شكلها بعد التقديم
(مع سلطة الجبنة)
وبالهنا والشفا

اتمنى منكم التقييم اذا الموضوع عجبكم
واتمنى كمان اللى جربها يقولى النتيجة:032:

" اسفة لو كانت الصور مش حلوة او باهته لانى مصوراها

من الموبايل مش من الكاميرا سوررررى"