الريجيم ونبض الجنين

صباح الخير صبايا

كنت مبسوطه كتير بحملي الثاني بس يا فرحه ما تمت
القصه انو اكتشفت حملي بعد خضوعي لريجيم من اخصائية تغذية وهي حذرتني من الحمل بفترة الريجيم بس هذه ارادة الله
اكتشفت الحمل بعد شهر من الريجيم وقفت الريجيم وتغذيت بصورة كويسه ومر شهر والثاني لحتى صرت بالثالث رحت الدكتور اكتر من مره خلال الشهر التاني وحكالي ما في نبض بالجنين
بس رح نصبر اسبوع وبعديها منقرر نعملك عمليه اجهاض او لا

مر الاسبوع كانو سنيين عم تاكل من عمري
ولما رحت حكالي ما فيه فايده لازم نعمل العملية .. لأنو اذا ضل الجنين بالرحم رح يتعب الرحم كتير

وعملت العملية والله بيعلم بنفسيتي واهلي بعيدين عني كنت انا وزوجي المحنه الحمدلله على كل حال
اللهم اجرني في مصيبتي واخلفني خيرا منها

حبيت انوه للكل انو الريجيم كان سبب من اسباب توقف نبض الجنين لانو بينقص الكاليسيوم والمعادن التانية الي بحاجتها الجنين في بداية تكوينه

فبنصح الكل الي بدها تخطط لحمل تاكل بشكل صحي وادير بالها على حالها

بس حبيت اشاركو بالي صار وانصحكم بهالنصيحه لانو الواحد مرات كتيره بيعمل اشياء عن دون قصد وبترجع سلبي عليه

بتمنى للكل السلامة والحمل الصحيح والله يعوضعنا خير