نصيحة لا تاخذين شنطة كبيرة ترى بياخذ عنك فكرة إنك ثقيلة في السفر وخصوصا ان سفرتكم أسبوع بس
نجي لترتيب الشنطة
أخذي شنطة صغيرة (مثل المقلمة حقت المدرسة) حطي فيها الأدوات الشخصية مثل الشامبو والمعجون والفرشاه والمشط والديودرنت(عطر الإبط)
شنطة صغيرة للمكياج (بودره، كحل، علبة وحده صغيرة للظل، وحمره) لأن أغلب الوقت راح تطلعون فما يحتاج مكياج كثير
3 بناطلين للخروج مع 3 فانيلات (أريح في السفر)
2 قمصان نوم (النوع اللي كأنه فستان قصير وياريت يكون حرير) هذا تقدرين تلبسينه في الفندق بعد كفستان
أخذي 3 أطقم من الملابس الداخلية (قلت أطقم مش الكلوت لون والستيان لون ثاني- عشانج عروس) واللي قالت عن الكلوت اللي يستخدم مره وحده بصراحة ما أفضل عروس تلبسه يعني توك مو متعود عليك وايشوفك لابسه كيس هههههههه ترى تفكير الشباب مو مثلنا راح يستغرب وايقول هذي ما تفهم شي ههههههه لكن إستخدمي الفوط الصحية تبع كل يوم اللي تجي خفيفه وغيريها 3 مرات باليوم عشان اتحافظين على نظافة الكلوت.
لا تنسين العطر واحد بس وبودره إذا اتحبين تستخدمينها
والذهب أخذي بس سلسال وتراكي صغار اللي دوم تلبسينهم والدبلة
شنطة يد وحده بس اللي راح تحملينها وأخذيها حجم متوسط لأن الكبيرة راح تقصم ظهرك في الشيل
والعباة اللي عليج
وبهذي الطريقة شنطة صغيرة راح تكفي بالنسبه لي لما أروح أي دولة في الخليج لمدة أسبوع آخذ شنطة صغيرة اللي فيها جرار من النوع اللي تقدرين تكبرينها لما تشترين أغراض وبجذي أروح بشنطة وأرجع بشنطة واتكون خفيفه في الحمل.