و الله فيني صيحه ابي ابكي
الحكايه اني الحمد لله اشتريت غسالة ال جي 7,5 كيلو وفتحتها من الاعلى
واصريت عليها مع ان زوجي كان مقتنع بتوشيبا لكن انا اصريت على ال جي و اقنعته اني قرأت عن استخدامها
وانها سهله ومن هالكلام المهم يا بنات اليوم اول مره استخدمها اخترت غسيل عقلي اللي هو يحدد كل شي
وعبت مويه وحطيت المسحوق و اشتغلت لكن بعد كم دقيقه رجعت عبت ثاني على المويه الموجوده لحد ما امتلت الغساله وشوي قامت تصرف المويه وجلس الغسيل بدون مويه هذا كله صار في عشر دقايق يعني ما خلصت مدة الغسيل
قمت قفلتها و حاولت اختار تجفيف لف الحوض شوي ثم قام يعبي مويه فقفلتها و مو عارفه ليش كذا يا ريت تساعدوني
وغير كذا ابي منكم تعلموني كيف اختار العمليات بنفسي يعني غسيل ثم شطف ثم تجفيف ؟
وهل اقدر اجفف فقط بدون غسل ؟ وهل اقدر اغسل فيها شمغ زوجي ؟
وهاذي صورتها
معلش يا بنات ادري طولت بس ما ابي زوجي يشمت فيني ويقول انت اصريتي انتم عارفين الرجال
شي ثاني في احد عندهم غسالة مواعين ال جي مثل هالنوع ؟
هل تغسل رف واحد فقط ام لازم الرفين ؟وهل لازم اعبيها مواعين ؟؟
وشكرا مقدما