ده أول موضوع ليا فى ركن المطبخ وأتمنى إنه يعجبكم :)
انا مش شاطرة قوى يعنى فى المطبخ بس بحاول شجعونى بقى :025::025:
الموضوع مجهود شخصى
كفتة الأرز
المقادير:
2/1 كيلو لحمة مفرومة
2 كوب أرز مصرى (هنغسله ونحطه فى مياه لمدة نص ساعة وبعدين نصفيه من المياه)
شبت - بقدونس - كزبرة
بصل
فصين توم
مكعبات بطاطس (اختيارى)
ملح - فلفل - بهارات
الطريقة:
تفرم المقادير جيدًا فى المفرمة أو الكبة
ضعى على اصابعك زيت ثم قومى بتشكيل الكفتة كأصابع (ونستعمل الزيت حتى لا تلتصق المكونات بيديكى)
تحمر الكفتة فى الزيت ... وكده بتكون مستوية وممكن تاكليها عادى لكن هنحطها فى صلصة عشان تبقى أحلى وأحلى
نضع معلقة سمن على النار ثم فصين توم وصلصة (عصير طماطم) ونتركها لتغلى .. وبعد الغليان نضع الكفتة ومكعبات البطاطس ونتركها حتى تمام النضج
وبنعمل معاها أرز بالشعيرية وسلطة
معلش ماصورتش الشكل النهائى
وألف هنا وشفا:083::083: