تجمع حوامل وامهات دار الزين ( مملكه البحرين ) لشهر صفر 1431ه

روحي وليد;11243395:
ههههههههههه ام يسور عيل شكلهم توأم بنت وولدخخخ
بس اهم شي طلع الخفقان طبيعي ومثل ما قلتي الخفقان يزيد لما اقوم باي مجهود حتى لو كان بسيط انا بعد كل ما اقول لاحد يقولون لي نفسي ولانج تحاتيين وتفكريين على قولة دكتورتج انته تفكر واجد هههه وناس يقولون عادي ممكن يصير جذي من تعب الحمل
اللهم آميين مشكوره عمري

صوت الحنان;11230141:
صلو على محمد و آل محمد
توتتي :062:
إهني فيها الصيحة و أني أبي أصورها خخخخ و ما شغلت الفلاش خخخخخخ

nooral9ba7;11237912:
زهرة السعادة: الحمدلله على سلامتج ويتربى ابراهيم في عزكم ان شاء الله



تهاني العروسة: شلونج ابوي شخبارج

ام يسوور: حياج الله بيننا والحمدلله على سلامتج ويتربى علي بعزكم

صحوبه: انا خذيت حق بنتي جهاز البخار اسمه اظن سعره في ال 60 ناصحتني فيه د. مريم الكوهجي يوم حصه فيها ضيجه من الحساسيه والمميز فيه ان ماله حس مو مثل باقي الاجهزة الي تبط الراس من حنتها وبعد حجمه صغير

فاتي: ماعليها شر الوالده، طمنينا عن صحتها، الله يخليها ويخلي امهاتنا كلنا ولا يحرمنا من شوفتهم، والله يعطيهم الصحه والعافيه
والحمدلله على سلامتكم في الحديد ولا فيكم

ام نواف: ما عليه شر نوافي الحمدلله على سلامته

دمعه: انا بنتي بعد هلون الظاهر كل اليهال هلون، لما انزل بيت اهل زوجي وام زوجي تيود حصه تذبح روحها من الصياح ابوها يتفشل من امه خخخخخخخخخخخخخ ويقعد يحاول مع حصه انها ما تصيح في حظن يدتها " عيب بابا " والله ولا تفتكر تبيني او تبي ابوها، بس لما امي اتيي معانا بيت اهل زوجي حصوه الشيطانه تيلس اتضحك لها خخخخخخخخخخخخخخ وتقعد ساكته في حضنها خخخخخخخخخخخخخخ تفرقة عنصريه، لا بس صج حتى خواتي بعد تقعد عندهم ساكته وتضحك لهم لأنها تقريبا كل يوم تشوفهم ومتعوده عليهم، بس ذاك الصوب لا خخخخخخخخخ.

ههههه انا بعد خليفة يفشلني ويا ام ريلي ويهي يحترق.. امي يتفدع ويموت من الضحك ... مثل حالتي ام حصوصه لان متعود عليهم وعند الناس عادي ايروح لهم وخدامتنا يتفدع لها ويضحك هههه

اسوره: فديته خليفة الله يخليه لج وتفرحين فيه يوم عرسه ان شاء الله وسيم ما شاء الله تبارك الرحمن

تسلمين حبيبتي ولا تقطيعينا:016:

الام الحنون: عن تنظيم الوقت بين الزوج والبيبي والبيت والسهر ، لازم راح تقصرين في بعض الاشياء ، انا هلون مقصره في ترتيب الشقه، وبعد في قعداتي مع ماي هزبند، بس الشي الوحيد الي ماعطته كل اهتمامي ووقتي هي حصاصه لأن كلشي ممكن يتأجل الا اهتمامنا بعيالنا

ام يسور: ما عليج شر عطي علي شبعته لين شبع بروحه بيدزه، وبالنسبه عن ظهرج روحي الدختر يتراوالي تحتاجين علاج طبيعي، وعادي عن السهاية عوديه عليها تهدّيه، ولا تعور بلاعيميه ولاشي


وكل الي حطو صور عيالهم اللهم صلي على محمد حلوين ما شاء الله تبارك الرحمن

علموني بالتفصيل اشلون احط هاذي الصور الي بداية النص ونهايته مادري شيسمونهم ترا انا ميح في هالسوالف

nooral9ba7;11237941:
صباح الخير

شلونكم بنات

ادعو حق اختي مرقده في السلمانيه مادري شفيها للحين ما قالو لنا

بس كانت تصرخ من الالم في رقبتها وجتوفها ما تقدر تتحرك

يوم قالت لي امي ان الاسعاف شالها ببرنوصها بغيت ادش في بيك اب بس ربي ستر

بطة حلوة;11239083:
بنتي اليوووووم 5 شهووووور خخخخخ

بحرينيه عسل;11239123:
الف مبرووووووووووك يتربى في عز الله وعز والديه :072:

بطة حلوة;11239080:
انا هووون

بس مريوووم مريضة وكله تسعل
ورحت اعطيها ادويتها
رجعت علي واضطريت اسبح وابدل وانظف واغسل واعدل
اهئ اهئ

زهورحلوه;11239253:
صوت ايه والله يبي ليي خيوه وياش

يلا ما عليه بطه خيوه

اني بعد خاطري اسافر ويا زوجي ونور انا لن ما سافرت بعد ما تزوجت مع زوجي يبي لي سفره وياه بس سافرت ويا اهلي انا خاطري اروح ايران بس السنه ان شاء الله ناويه على الحج والله يسر الامور بحق محمد وال محمد

nooral9ba7;11239327:
صحوبة: احسن دكتور حق اذن انف حنجره هو د احمد جمال استشاري في مجمع الخليج الطبي الي يم السلمانيه انا اتعالج عنده عن الحساسيه وايد شاطر



بحرينية عسل: انا قضيت اذون بنتي عقب السادس كأنه

روحي وليد: نسيت ما قلت لج

دايمن شغلي القرآن وخاصة سورة البقرة كل يوم، واول ما تقعدين الصبح اقري الرقية الشرعية واهم شي المعوذات ترا الياهل يتعود على صوت امه وهي تقرا قرآن لا تنسين ونفخي عقب كل سورة، ولا تخبرين احد الا القريبين كلش يعني امج وخواتج وامه بس حاولو حتى خواته واخوانه ما تقولون لهم لأن ما تدرين يمكن اهمه يحبون الخير لكم بس بعد العين حق والعين يمكن تصيدج من اقرب الناس لج وانتي ما تدرين وحاسبي على نفسج

صوت: قريت لج رد على زهور قلتي لها تسوي كسترد في مرضعه، اشلون نسويه؟؟؟

انا بعد ابي اعرف>>>>> قلدت:085:

لولو: ما عليه شر عموري اشلونه الحين

مس روز: انا من راي امج انج تسوين عيد ميلاد شواقه في البيت لأنها ما تفهم

وحده من اهل زوجي سوت حق بنتها لما كملت سنه في فندق قصر ريفيرا من الفسق والبنيه ولا تدري بالدنيا وتصيح صياح والناس يرقصون على انغام الديجي خخخخخخخخ حلوة

دمعه: ههههههههههههههههههههههههههههههههههههههههاي شنو همبرغته عيب هههههههههههههههههههههههههههههههه
وكل سنة وانتي طيبه

قطرات الندى: اخبر الزيرتك حبوب يعطوني عن الحساسيه لأنه مضاد للهستامين

رنين الوتر وام فروس: كل سنة و عيالكم طيبين وعقبال ما تفرحون فيهم معاريس ان شاء الله

ام نوافي: وديه المستشفى يمكن يعطونج له دوا نقط تسوينه في جهاز البخار وايد زين

عيون: عليج بالعافيه المضروبه خخخخخخخخخخخخ

شروق: ما عليها شر فتومي اشلونها الحين ان شاء الله احسن؟

هديل: تفسير الحلم ان فيج بنيه

ام فوفو: مبروك النجاح ان شاء الدكتوراه

صحوبة: استعملي فانيش يطير البقع

نايس غيرل: الصور نايس مثلج تابعي التصوير

اسوره: فديتج على السؤال ، اينن الجباتي الابيض ذبحتي مع جبن كرافت السائل وآلو المدور نسيت اسمه خخخخخخخخخ ويا جاي حليب خادرررر

الو جاب اشفيج نسيتيه انا ذبحتي الالو ويا الجباتي

يالله بنات ذبحتوني مع الواجب وصلت ص 76 انجااااااااااااااااااااز

الحمدلله طلعوها اختي من الطوارئ طلع عندها شد عضلي قوي في عضلات رقبتها كله من التسدح على الابتوب 24 ساعه على الفيس بوك واليووتيوب والمسن والخرابيط بنات هلوقت خخخخخخخخخخخخخخ :039:

صاحبة الظل الخفي;11239358:
نور
غيرتله الدكتور ووديته حق محمد شرف في ابن النفيس
وقالي عنده التهاب شديد وخمشه منسد بالكامل وسألني اذا احد من اهلج فيه حساسيه قتله اختي قالي ولدج بدايه حساسيه
وعطاني بخاخ وزرتك وموعدي معاه يوم السبت

nice-girl;11239380:

نور الصباح

ماعليها شر اختج من قلتي الاعراض عرفت انه صيدها شد وعن الصور اشكثر عندي بس مافيه وقت وباجر بنروح لندن يومين ....اهلي بيرجعون جريب ان شاء الله والله استانست معاهم

بنات بكتب لكم قصة ولادتي انا ماقط كتبتها لانه كنت خايفة وماحب اتذكر الحين الحمدلله هانت وبصراحه كنت اظن الوحيدة اللي تالمت جذيه بس والله قريت قصص ولادة جم وحدة اقول الحمدلله على كل شي وابي اكتبها علشان اتذكر المواقف اللي صارت وطبعا بكتبها بس لكم اهني ..

nice-girl;11239448:

بسم الله اهي شوي طويلة مابذكر التفاصيل بالتفصيل .. بحاول اختصر واسهل عليكم وبنات ادعو لي بالذرية الصالحة والولادات السهلة


اول شي بداية حمالي كان سهل الحمدلله ترجيع الصبح كالعاده من الخامس بدى الحااااااااااااارج ( الحموضة ) كان فظيع انا يصيدني قبل بس اللي نعرفه وقام يزيد ماتم مكان مارحت له وطبعا انا حامل مايصير يعطوني اي شي بس اكثر شي استخدمه الحبوب اللي كانها مصاص تخفف بس ماتروحه والثامن زااااااااااد والتاسع وصل حده ماشتهي اكل يزيد الحارج الماي الحليب الموز ابتعدت كلش عن السويت كل شي يزيد الحارج ماقدر ارقد الليل والله ارقد وانا قاعده ماقدر انبطح احس معدتي بتطلع ..احس ولدي واصل جبدي مب نازل ماشاءالله عليه ..الكل عرف بمعاناتي .. مالبس حمالات صدر لاني ماقدر استحمل ..انا كان سايزي 34 ..ماقص عليكم جربت 36 -38 -40 وبعد ماقدرت استحمل هههههههههه البس بس لين اطلع منعا للاحراج .. لين ارقد ابرز 3 قراش ماي صحه ووحدة اخليها داخل صدري علشان تبرد علي احس ضو داخلي .. حتى اللي بتولد قبلي اخبرها تدعي لي يروح الحارج ..التاسع قمت ارجع دم بسبة الحارج ..ماعرف شاكل ..ابي اكل وماقدر اخااااااااف .. يقولون لي من قلة الحركة .. وانا امشي على طول ولا اقعد في البيت..ابي اولد بس علشان افتك منه لانه ادري من الحمل .. والكل يقول لي راجعي دكتور بعدين شكلي المرئ عندي احترق بسبة الحارج ... واللي مايعرف اهو عبارة عن عصارة المعده الحمضية تطلع منها للاعلى للمرئ وتسبب الحرارة والاحتراق ..صرت خبرة.. ودي اقعد في بركة ماي بارد ولا اطلع منها ههههههههه وزوجي كله يضحك علي خصوصا اذا اشرب ماي بارد من قرشة او بيبسي وعلى طول احطه على صدري وقام يقلدني ههههههه فشلة والله



يتبع بعدين

صوت الحنان;11239480:
زهووووووورة أني بعد ناوية على الحج إن شاءالله تنكتب لنا
وش رايش إذا أكيد بنروح وية بعض؟؟

نور الصباح
تسوين الكسترد العادي بس سويه ماهي لا تسوينه غليظ عشان تقدر تشربه في المرضعة و النيبل مالت المرضعة خليها لارج
تذوبين كسترد و حليب بودرة في ماي و تتأكدين إنه ذاب عدل وتالي حطيه على الضو لين يستوي و مثل ما قلت لش لا يستوي غليظ و حطي شكر بس لا تسوينه حالي واجد يعني شويونة الشكر يطلع

الجهال يستانسون عليه و يشبعهم و بنفس الوقت زين لأن فيه حليب

أني من الشهر السادس أبتدي أعطيهم

نايس
في إنتظار القصة

صوت الحنان;11239719:
نايس واصلي قصتش

وينكم اليوم؟
أسور وينش؟؟

كل يوم هادي سالفتي بس أني أهاجل :039:

أسوي لي جم شغلة و أرجع ما تغير شئ :039: