تجمع حوامل وامهات دار الزين ( مملكه البحرين ) لشهر صفر 1431ه

سالفتنا صارت يوم الاربعاء,, كنت رايحة المستشفى مودية حمودي لأنه ليلتين وراء بعض ماينام مسكين من بطنه,, وكان فيه قبل بعد سعلة ونزل له البلغم في صدره.. المهم فحصوا عليه وطلع ان اذونه شوي ملتهبة بعد,, واني مرة وحدة سألت الدكتورة عن تأخر الدورة عليي على الرغم اني ماارضع وخافت اني حامل هههههههه,, تقول لي يعني عادي تبين تحملين الحين؟؟ قلت لها لالالالالا واني مبطلة عيني شبرين خخخخخخخ,, قالت لي سوي تحليل أبوال.. وديته المختبر وقالوا لي عقب 3 ساعات تطلع النتيجة.. وزوجي يقول لي انتين مو صاحية.. يعني شاكة في روحش؟؟ قلت له بشوف.. ولو ان الكل قال لي اذا نزلت منش الشهر اللي طاف مو شرط ترد تنزل نفس التاريخ.. بس اني أخرتني اسبوعين.. قالوا لي ان الولادة تخربط الهرمونات,,
قالت لي الدكتروة ينزل منش حليب؟؟ ومتى آخر مرة شفطتين له؟؟ قلت لها يمكن صار لي شهر بس مااشفط له.. قالت لي وفيه حليب؟؟ قلت لها ساعات اذا اعصر يطلع نقطة بس.. قالت لي مادام ماتشفطين ولا ترضعين وللحين فيه لو قليييييييل يعني هذا هرمون الحليب هو اللي مايخليها تنزل.. المهم عشان اتطمن رحت المختبر وعطيتهم العينة.. وتالي رجعت البيت وقلت لهم بجي لها العصر,, رحت لها عقب صلاة المغرب مباشرة.. من الفشيلة خليت حمودي ويا ابوه في السيارة,, اقول له اخاف يطلع صج حامل واني ويايي جاهل عمره 3 شهور.. كل مااحن هو يعصب عليي هههههههه :085::085:,, يقول ليي بسش هرار .. المهم رحت للنتيجة وطلع الحمدلله نيقيتف.. وسألت مالت المختبر وقالت لي مثل كلام الدكتورة .. وقالت لي دخلي على الدكتورة مرة ثانية وبتعطيش دواء ينزلها.. بس الحين تغيروا الدكاترة .. قالت لي قصي موعد مرة ثانية... قلت يالله بمشي مافيني شدة انطر ,, وقلت اذا مانزلت خلال هالفترة بقص لي موعد..
المهم من فرحتي طلعت وقلت لزوجي يالله خلنا نروح مكان نغير جو.. قلت له بروح اشوف التخفيضات ,, كلش مااطلع.. واحنا نمشي صوب بوكوارة جان توقف قدامنا سيارة مرة وحدة,, ويوقف زوجي بعد.. السيارة اللي ورانا ماقدرت توقف وتدعم فينا من وراء.. وتجي سيارة وراها وتدعمها وتضربها وسيارة ثالثة تضرب بعد.. بللللل :047: خفت عدل.. وزني ان اني اقعد بحمودي وراء.. جان الله لا يقوله ماندري وش صاده.. لأن من قوة الضربة اني ضربت في الكرسي اللي قدامي بس اشوة لين وماصادنا..
وهذا ثاني حادث يصيد بو حمود في نفس الاسبوع :091:..

السلام عليكم

شخباركم وشخبار عيالكم ,, اني يديده اهني

اتمنى تقبلوني وياكم ,, بطلل عليكم بين فتره وفتره

تحياتي للجميع

ام علاوي

[COLOR=#0000ff]نور نونوتي مريضه

واني نفسيتي تعبانه لانها مريضه

طايحه عليها الطاوله وخذها منتفخ حده

من قبل هيي مريضه بعد

وكملت عليها الطيحه

هلا بناات شخبااركم
باقولكم بناات من شهيتها نفسي مسدودة مادري ليش خوب الصبح كله نايمه ماتريق وامي تيود ولدي لين اقعد حزة الغده اكل شوي كلش والعشى جذي بعد ماكل والله احس روحي كلش مقصرة في نفسي بس كلش الشهيه مسدوده وبالنسبة حق ظهري باجر باخذ موعد حق علاج طبيعي وافكر اروح حق مراخه يقولون زينه حق الشد العضلي تعدل كلشي وان شاءالله خيرر وعن اذا نتلاقى مادري شلون الصراحه خخخخخ انا ماروح مكان الا وياي صديقتي او بيتنه او زوجي يعني بروحي جنه وحده مضيعه وان شاءالله اذا صار ظهري زين انجوووفكم

[B]بناات في شي في قلبي قلت اقولكم تشوورون علي لان تعبت نفسيتي ومابي انزل موضوع في قسم الحلول والمشاكل الله يسلمكم انا عورت راسكم بسالفة ظهري بس تحملوني
الحين صار لي شهرين وزود على حالي ماجندس ولا شي ومثل ماتعرفون من قبل قلت لكم ان ولدي حتى ماشلته والشغل كله على امي لان وانا نايمه او باقوم او امشي فجأة اتييني عقصه في ظهري شد واطيح ويطيح الي في يدي المهم الحين صار لي 25 يوم من ولدت وزوجي كل يوم ايي يجوفني على هالحال وجم مره يساعدني حق اقوم واروح الحمام بس كل يوم يقهرني بكلامه يقولي انتي تبالغين وحسسني ان انا عياااره جذاابه يعني شنو باستفيد اذا قمت ومثلت وسويت روحي جذي والله انا كل يوم اصيح على حالي وخصوصا لين اجوف ولدي جدامي ماقدر اقوم له او اجوف امي تعبت مع شغل البيت فتحملت 25 يوم وانا اسمع كلامه الي يقهر كل يوم يزورني واليوم يوم زاروني اهله كنت طبعا كله على سريري ويوم طلعوا قالي اتسوين روحج توج والده امس وماتقدرين تقومين وانا بدون شعور قلت له خلاص انا مابي اقعد وياك وتعال كل يوم جوف ولدك وانا مابي اجوفك خخخخ وطلعت من الغرفه ولا رجعت له ويوم بيطلع ياب لي ولدي الصاله وراح بس الحين انا محتارة شسوي لاتقولون لي انا غلطانه لان اهو الي يسوي يقهرر انا اتمنى اصير زينة اليوم قبل باجر علشان ارجع مثل قبل اشيل ولدي واساعد امي واسفه على الاطاااله ساامحوني

[COLOR=#ff00cc][COLOR=#000000]سلااام عليكم
شلوونكم امهات شمسووين ؟؟
وحشتوني الصراحه من زمان مادشيت بس الحين عندي اجازه شهر بدش لكم كل وقت ااذا قدرت