اللي حملت بالولد

اصلا مافي فرق البنت والولد كلهم حمل على الاب بيصرف عليهم ويعلمهم ويزوجهم ( ربي اوزعني ان اشكر نعمتك التي انعمت علي وعلى والدي وان اعمل صالحا ترضاه )

اكثري من الا ستغفار والالحاح بالدعاء

غيرك يتمنى بيبي وانا منهم ربي لايحرمنا ويرزقنا عاجل غير اجل
وانتي تتشرطين ياعيوني قولي يارب احمل بذريه صالحه
والرزق من الله

يااااااااانااااااااس انا عارفه انه غيري يتمنى الذريه

وانا قلت لكم من قبل اني تأخرت بحملي سنتين وذقت انواع العذاب والبكاء والتفكير كان بيموتني
لكن مع الاستغفااااااار والدعاء
والحمدلله ربي رزقني ببنونتين هم عندي بالدنيا كلها

بس قلت لكم خااطري اجيب ولد بسسسسسسسس

ولو دعوه حلوه من عرايس حلوين زيكم تكفي

لكن البعض يعيد ويزيد (اشكر ربك ع النعمه غيرك يتمنى )

اشكر كل وحده دعت لي ولها بالمثل ان شاء الله

تشكرااااااااات حبايبي

الله يرزقكم اللي تتمنون ياقلبي وان شاء الله ربي يفرحكم بالولد الصالح قريب يارب

والله يخلي لج بناتج وتشوفينهم عرايس ان شاء الله

وربي يرزق كل محروم ومحرومة بالذرية الصالحة ان شاء الله

*جمال الروح*;11075071:
هلا وغلا اختي
انا ام لولاد الحمدلله وصدقيني مافي شي معين اسويه كله كتبت ربي وشكثر مشتهيه ايييب بنوته بس ربك هو الرزاق
كل الي اقدر اقولج كثري الاستغفار والصدقه بنية انه ربي يكرمج بالولد الصالح وان شاء الله يارب تحملين فيه وربي فرح قلبج
وقلب زوجج واهل زوجج بولي العهد ان شاء الله قريييييييييييييييييب

صح كلامك اختي جمال الروح
يعني مالك الى الدعاء ياصاحبة الموضوع
والله يرزقك بالي تتمنين ياااااااارب

وه ياقلبي فديت البنات انا :040:

زهرة الجبل ليبيا;11079150:
الرسول الكريم _صلى الله عليه وسلم _قال:

إذا سبق ماء الرجل ماء المرأة كان المولود ذكرا

وإذا سبق ماء المرأة ماء الرجل كانت المولودة أنثى.

إن شاء الله أكون أفدتك أختي

وربي يناولك اللي تبينه.

اختي
خلاصة حديث الرسول
تحديد توقيت التبويض

ووقت نزول البويضه +يوم الجماع

عروووووس 2008;11074146:
احمدي ربج على النعمه الي انتي فيها غيرج يتمنى بس ضنى

الحمد لله كلنا حامدين ربنا على النعمه بس انتى ليه اسلوبك جذي اكيد ومتاكده انه عندج من الجنسين عشان جذي كان هذا ردج يا اختى الواحد لازم ياخذ بالاسباب ويمكن هالاخت الله كاتب لهاا انها تجيب ولد من وري العلاج اتمنى انه اسلوبج يكون الطف شوي

(كريستاله);11097824:
غيرك يتمنى بيبي وانا منهم ربي لايحرمنا ويرزقنا عاجل غير اجل
وانتي تتشرطين ياعيوني قولي يارب احمل بذريه صالحه
والرزق من الله

يا اختى متى تشرطت انتوا ليه جذي والله ما عندكم احساس

الله يرزقج الولد الصالح

بوووووووووووووووو ذكرتيني باللي مضى اختي انا نفس ظروفك بالضبط عندي وردتين الله يخليهم لي وحملت للمره الثالثة والحمد لله يبت محمد الله جبر في خاطري عقب اللي جفته وسمعته الله يسامحهم المهم انا حاسه فيك انا لما نويت احمل كنت ادعي الله وايد وزوجي بعد كان يدعي الله وفي كل فترة الجماع كنا ندعي الله قبل لا نبتدي وبعدين فعلا غيرنا نظام اكلنا انا واهو ومارست الرياضه بعد انا واهو والحمدلله الله ما خيب ظني والله عطاني والله يخليه لي ان شالله ويعطيج مثل ما عطاني ويحسسج بشعوري ذيج الحزه قولي امين,

دانه الدنياا;11115020:

يا اختى انا معاك والله حاسه فيك انا عندي 3 بنات يا رب لك الحمد وخاطري بولد الله يرزقنا الاولاد الصالحين يارب

تدرين الى يقولون احمدي ربك الحمد لله حنا حامدينه وشاكرينه لا تتشرطين ناس ما تفهم واكيد عندهم اولاد عشان جذي يكتبون هالكلام يا انج تقولين كلام يفيدنا اودعوه صادقه منج او تسكتين ابرك لانج ما تعرفين شلون حنا عايشين ولاتعرفين نضره الناس لنا خاصه اذا قالولج انتى ما فيج الا بنات ومن هالاكلام الجارح سبحان الله الواحدما يحس بالثانى الا لمن يكون نفس حالته

اختي
دانة الدنيا

اتمنى من العلي القدير انو ربي يرزقك بالولد الصالح البار انتي وصاحبة الموضوع
وكل من يتمنى الولد

انا معك بها النقطه انو الواحد يسعى ويخطط ويستخدم كل الطرق بخصوص الانجاب ((الولد ))
وب الاخير يجي الشي الي كاتبه رب العالمين

انا ما أقول ماتسوين وتفعلين بمثل هالشغلات سوي وفعلي وخططي
بس لاتخلين هاجس الحمل بالولد يسيطر عليك وتتضايق وتتكدرين

يعني اطلبي من الله سبحانه وتعالي
ولاتنسين الدعاء ثم الدعاء ثم الدعاء ثم الاستغفار والصدقه

وانا معك انو البنات ماعندهم هذاك الرد الي يطيب الخاطر
ولو بدعوه حلوووه


والله يرزقكم بالي تتمنونه
ولا تخلون الناس اكبر همكم ولا تتضايقون إذا قالوا لكم شي بخصوص البنات
والله لو كل وحده تقوي نفسها ولا تنكسر قدام أي كلمه تنطق قدامها مابتتجرأ أي وحده ترد عليها مره ثانيه

خليكم قوووووووويين والله بيكون وياااااااكم يااااااارب

عروووووس 2008;11074894:
انا الحين اتمنى الي ببطني بنوووته وام زوجي تبي ولد بس اطنشها لان مو بيدي احدد الجنس الله هو الرازق ليش تزعل

ليش انتي متمنية البنت ؟؟؟؟ هل الوحدة تتمنى البنت حلال واللي تتمنى الولد حرااام

معليش اختي وسعي صدرك لكل وحدة مشاعرها ورغباتها الخاصة

انا تمنيت يكون عندي بنت لأني فقدت بنت من قبل وحسيت انها بتعوضني اللي فقدته ،، وزوجي تمنى ولد عشان يكون لي سند

وفي الحالتين احمد ربي سواء على البنت او الولد ،، ولما قالولي ولد فرحت عشان فرحة زوجي كانت كبيرة ونسيت البنت

اختي صاحبة الموضوع انا قريت ان الوسط القلوي في الرحم تزيد من فرصة الولد ،، وفي دش مهبلي قلوي يستخدموه لتنظيف الرحم وهو قلوي وهو عبارة عم ماي وملح ،، لو ما حصلتيه تشطفي بماي وملح قبل وبعد الجماع ،، وتابعي التبويض وخلي الجماع يوم التبويض انشاءالله ،، وحاولي انه زوجج يسبقك بالذروة والإنزال طبقا لحديث الرسول ،، ماشاء الله البنات كاتبينه
الله يكتب لج الولد ولكل مين يتمنى :083:

Gahadaa;11117544:
ليش انتي متمنية البنت ؟؟؟؟ هل الوحدة تتمنى البنت حلال واللي تتمنى الولد حرااام

معليش اختي وسعي صدرك لكل وحدة مشاعرها ورغباتها الخاصة

انا تمنيت يكون عندي بنت لأني فقدت بنت من قبل وحسيت انها بتعوضني اللي فقدته ،، وزوجي تمنى ولد عشان يكون لي سند

وفي الحالتين احمد ربي سواء على البنت او الولد ،، ولما قالولي ولد فرحت عشان فرحة زوجي كانت كبيرة ونسيت البنت

اختي صاحبة الموضوع انا قريت ان الوسط القلوي في الرحم تزيد من فرصة الولد ،، وفي دش مهبلي قلوي يستخدموه لتنظيف الرحم وهو قلوي وهو عبارة عم ماي وملح ،، لو ما حصلتيه تشطفي بماي وملح قبل وبعد الجماع ،، وتابعي التبويض وخلي الجماع يوم التبويض انشاءالله ،، وحاولي انه زوجج يسبقك بالذروة والإنزال طبقا لحديث الرسول ،، ماشاء الله البنات كاتبينه
الله يكتب لج الولد ولكل مين يتمنى :083:

أختي
للمعلومه
حديث الرسول مايخص منو يسبق
حديث الرسول المقصد منه وقت نزول البويضه هذا هو ماء المراه
اما بخصوص الذروه منو يسبق الثاني هذي لها دخل بالشبه

وان شاء الله أبحث لكم هالموضوع واضعه بموضوع مستقل

الله يرزقكم بالذريه الصالحه يارب ويرزق كل الي يتمنى الولد او البنت عاجل غير اجل...

الله يرزقك بالولد عاجلا غير اجل.. ومافيها شي لمة الواحد يعمل بالاسباب

ربي رحمته واسعه و فضله عظيم اسالوه من خير الدنيا و الاخره قال ربي ادعوني استجب لكم و لا تستكتري الخير على نفسك بالعكس ادعي ربك بالي في خاطرك و ربي اكرم الاكرمين وان شاء الله ربي يرزقنا بالي نتمناه

الله يجزااكم كل خير

دانه الدنياا;11115020:

يا اختى انا معاك والله حاسه فيك انا عندي بنات يا رب لك الحمد وخاطري بولد الله يرزقنا الاولاد الصالحين يارب

تدرين الى يقولون احمدي ربك الحمد لله حنا حامدينه وشاكرينه لا تتشرطين ناس ما تفهم واكيد عندهم اولاد عشان جذي يكتبون هالكلام يا انج تقولين كلام يفيدنا اودعوه صادقه منج او تسكتين ابرك لانج ما تعرفين شلون حنا عايشين ولاتعرفين نضره الناس لنا خاصه اذا قالولج انتى ما فيج الا بنات ومن هالاكلام الجارح سبحان الله الواحدما يحس بالثانى الا لمن يكون نفس حالته