زواج عن حب

يعتمد .. على مدى التوافق بين الزوجين

سوى كان عن حب .. او بدون حب ...

كلما زاد توافق الطرفين .. لكما دامت علاقتهم مع بعض .. وزادت السعاده بها

والعكس صحيح

هلا وغلا غناتي ..

عآد ابصراحة مدري شقولج،
آنا زوآجي كآن عن حب مع الآخذ بالاعتبآر الجوآنب الحياتيه المهمة {بمعنى انه ماكآن حب لأجل الحب }

و مايعني آني رآفضة فكرة تزويج هلي لي آهو كآن نصيب .. آحيانآ الحب آيي عقب الزوآج

و فشله من نجاحه يعتمد على مدى تفآهمكم كشخصين نآضجين ::

آي مآفي نسبة محددة للحآلتين ولو إني اقول بآن فشل الحآلة الثانية "الخطبة التقليدية" قد تكون آقل لوجود الآهل بالموضوع
آي ان المووضع رسمي آكثر و إن صآرت مشاكل فبتتقلص على حسب تدارك الآهل لها ..

آيضآ الموضوع يعتمد على الآهل و مدى تقبلهم لموضوع العريس اللي من اختيارج

آتمنى آكون سآعدتج يال غ لآ

.:.

:032:

انا اتمنا اتزوج عن حب لانه يكون غير احس وشخص ممكن عرفتيه اكثر

لاني تزوجت زواج تقليدي وفشل لو كنت اعرفه زين كان ما فشل

لكن الله يوفق الجميع وتعطيني الي ببالي يارب

ريوف نجد;11073199:
انا اتمنا اتزوج عن حب لانه يكون غير احس وشخص ممكن عرفتيه اكثر

لاني تزوجت زواج تقليدي وفشل لو كنت اعرفه زين كان ما فشل

لكن الله يوفق الجميع وتعطيني الي ببالي يارب

رضا الاهل الاول وبعدين البنت تشوف هل الشخص ده متوافق معاها ولا لأ, بس اهم شيء موافقة الاهل لانهم اكثر خبرة واكتر ناس بتحبنا

أنا أشوف في هدا الزمن الزواج عن حب هوا الحل

لأن صرت أشوف أغلب الرجال يتزوجو الزواج التقليدي

وبعدين يتعرفو على وحده ويحبوها وتنظلم الزوجه

فأحسن شي الواحد يريح نفسو ومن البدايه

يتزوج عن حب

هذا رائيي ويمكن يكون غلط

والله انا وايد احب الزوااج الي عن حب ..لكن امييل اكثثر لان البنت تنخطب تقليدي ويا اهلها يعني ..لان النصييب نصييب سواء حبيتي ولا لا ادا الله كاتب لج هاي الزوج خلاص حبيتي قبل ولا لا هاي هو ريلللج

اذا انتوا متفاهمين وهالشخص يعني حآآآبته انتي .
فحبيبتي خلااص مو نآآآقص الا انه يتقدم لج ...

يعتمد على الطرفين .. في ناس تزوجوا عن حب و فشل زواجهم .. و في ناس تزوجوا عن حب و ما شاء الله عليهم زواجهم ناجح و الناس تمدح فيهم و في عيالهم
و إذا تبين رايي .. سواء كان زواج تقليدي أو عن حب .. لازم الطرفين يكونوا مقتنعين من بعض و متفاهمين

زواج عن حب او عن طريق الاهل ماله علاقه بنجاح الزواج او فشله

اهم شي الاحترام و التفاهم والثقه .. و الحب بين الطرفين

و طبعاً قبل كل شي .. حسن الاختيار

عن نفسي .. افضل الزواج عن حب ..
لأن الحب الحقيقي يقوي العلاقه بين الطرفين

و على الاقل شخص اعرفه و يعرفني ..

ما اتخيل ارتبط بانسان غريب عني ..
ما اعرف شخصيته ولا تفكيره ولا اهدافه ولا عيوبه و مميزاته ..

مجرد شخص اهلي رشحوا لي اياه !!


مشكووره حبيبتي
و الله يعطيج العافيه

و حبيت أضيف شي..
في حالة الزواج عن حب .. أنا ما بخلي الريال يتقدم لي إلا إذا كنت متأكده مليون بالميه أن هالشخص يناسبني و اني أقدر أكمل حياتي كلها معاه .. لازم تكونين واثقه فيه و متأكده من قرارج .. فكري من كل النواحي .. أما إذا كانت عندج ذرة شك .. فالأفضل تستخيرين و تتوكلين على ربج .. الاستخاره لازمه في كل الحالات بس في حالة الشك بالذات .. كثري منها .. و عقب الاستخاره فكري .. جيبي ورقه و قلم .. و شوفي شو ايجابياته .. و شو سلبياته .. و اللي فيه الخير الله بيجدمه
أما إذا كان زواج تقليدي .. ما يكفي الكلام اللي سمعتيه عنه .. يعني لو أهلج قالو لج ان الريال زين و أي بنت تتمناه .. هذا مب معناته انكم راح تتفاهمون و تعيشون مرتاحين .. عشان جيه فترة الخطوبه وااااااااايد مهمه .. وايد بنات يغفلون عن هالشي و يستحون و ما يكلمون الريال .. بس أنا رايي انهم لازم يتكلمون و يتعرفون على بعض و يفهمون شخصيات بعض عشان يقررون اذا يقدرون يكملون مع بعض ولا لأ

السلااام عليكم اول شي ويامرحبا بج في المنتدى ثاني شي ..
اما بالنسبه لسؤالج فأعتقد ان عن طريق الاهل احسن لان رضى الاهل مهم وبعديين مرات تفشل الحياه الزوجيه اللي كان قبلها علااقه حب وممكن ان ياتي الحب بعد الزوااج..
وشكرا..

و بعد عندي إضافه <<< يا كثر الأشيا اللي أضيفها هههههههه
المهم .. شوفي حبيبتي
سالفة أن الزواج يفشل إذا كان عن حب ............ غلط
يمكن قبل .. بس الحين الناس تثقفت و تفتحت .. مب نفس قبل .. الحين الريال صار يعرف يفرق بين البنت المحترمه و البنت ال مو محترمه .. و ما في واحد يرضى يتزوج بنت و هو شاك في أخلاقها .. لأنها بتصير أم عياله