قصة ولادتي في الوابل حكايه جميله في حياتي

هأإأإأإأإأإأإأإأإأإأإي :083:..

شخباركم :025:..

الله يسهل عليكم و يرزق الكل يااارب :065:..

أنا عندي لكم سالفه يا سامعين سالفه :013: ..

في يوم من أيام الشتا القارص بدولة الكويت وكانت تشير الساعه إلي 4 فجرا >> قصة رعب لووول:041: ..

قمت من النوم و أنا حاسه بتعب ألم ظهر مو طبيعي قلت أكيد من شغل لان كنت واقفه طول اليوم بدوام و مشيت واايد ورجعت البيت وقفت فوق ع روس الخدم خليتهم ينظفون البيت فوق تحت ..

قمت تسبحت و قعدت أقرا قران وصليت ودشيت منتدي قعدت شوي وطلعت رحت شغلي و الأم مازال موجود بظهري خلصت شغلي بسرعه رجعت البيت ضحي نمت ساعتين وقمت غديت بنوتي رسيل عوار يروح ويرد ريلي قالي فيج شي قلت لا ما فيني شي و خالتي بعد قالتلي ويهج ذبلان شفيج قلت لا ولا شي و أنا بموت من عوار بس مستحمله و نومت نتوش ( رسيل ) و بطلت المنتدي و أنا لازلت متحمله عوار و قلت لبنات بمنتدي قالوا عادي ثقل لووول و أنا قلت أي من تعب لين العصر دقيت ع دكتوره قالتلي تعالي بأخذج أنتي أول عقب أبلش بالمراجعات و قعدت ريلي و قالي ليش قلت له أحس بعوار قال و أنا من صبح أقول شفيج تقولين ماكو شي ورحنا دشيت ع طول وجيكت ع بيبي قالتلي البيبي نازل الحوض وكشفت قالت أنتي 1سم أنصدمت قالت أمشي طوارئ اشوف تخطيط الطلق قلت لها لا مافيني شي و رحت بالغصب وشافت طلق خفيف قالت أذ زاد تعالي و أنا زاد خوفي ..

رحت البيت ريلي كان عنده شفت بالليل أتصل ع دوام قال ما أقدر أيي لان دوامه بعيد أذ صار شي ع ما أيني يبيله ساعه و ربع و قعدت بيتي عندي بنيتي تلعب و أنا عوار ع حاله أحاجي بنات ولا مبينه شي قلت عوار شوي و بيروح عايشه ع أمل لووول إلي صارت ساعه 10 ونص قلت لريلي بروح عند ماما أخرع قال حاسه بشي قلت لا بس بروح أنام عندها وشلت أغراضي ورحت بيت أهلي دشيت عليهم طبعا أخترعوا داشه عليهم بهلوقت و معأي جناطي قلت لهم ماكو شي ليلحين مصره ما فيني شي نومت بنتي وقعدت مع أهلي أسولف عادي فجاه رجع عوار أكثر من قبل جان أقول لهم أنا بقوم أنام ماما قالت أذ بغيتي شي دقي علي و رحت غرفتي و أنا أتألم و تمدت ع سريري دقيت ع ريلي قاعد بدوانية بيتنا مع أبوي و يدي وعمي و عيال عمي قال فيج شي قلت لا بس بشوفك وينك و صكرته و قعدت مع عوار الين نمت و قعدت ساعه 3 من عوار رحت حمام
قعدت أفتر بالبيت و أحوس سمعت صوت بسرداب نزلت لقيت عيال عمي يدرسون و عقب صعدت شربت مأي زمزم قعدت أقرا قران الين ساعه 4 الفير صار عوار كل ربع ساعه ما قدرت أتحمله قعدت ريلي و أبجي قالي قومي روح مستشفي و رحت قعدت ماماتي و باباتي و ماما خذت بنتي ودتها حق يدتي قالت لا بروح معاكم و جان تودي بنتي عند مرت عمي و روح مستشفي و فحصوني ولا 5 سم و ع طول اليبر روم دش معأي ريلي و ماما و يدتي و ريلي كان متوتر ولا هداني فديته :087:و يقرا و يقولي أدعيه و يحط فوني سورة البقره كامله عندي و الحمد الله أنا حافظتها وكنت اردد مع القارئ و لين يت الطلقه ما أصارخ لا كنت أقول الايه بصوت عاااالي و ..

ماما كانت تخش دموعها و يدتي كانت تضحك وتسولف مع نيرسات هههههه:085: و أنا حالتي حاله و و لما صرت 7سم بطلوا المأي و زاد العوار و طلق وعقبها بنص ساعه حسيت براس البيبي يضغط حيل بيطلع ناديت الدكتوره قلت لها البيبي بينزل قالت لا توج أنتي 7سم لان كان قبل نص ساعه كشفت أقول لها لا لا بيطلع ويت شافت 9 سم و راس مبين جان تقول ما شالله و نادتهم حطوا الاغراض و قالت يلا الحين دفعي قمت أسوي بوش بوش و ريلي معاهم يلا حياتي بوش و ماما تقولي يلا شدي حيلج هانت و يدتي مستانسه هع ..

اشمخ ريلي و أقول خلاص بس ما أقدر ماما تقولي لا تقدرين يلا و ماسكه أيد ريلي حيل وحاطه ويهي عليه و مغمضه و أصرخ أقول يالله عيني أخر بوش و جان تزلق ذيج القمر جان أطيح حسيت أن أغمي عليي ع خفيف و أسمع صوتها أقول وينها أبيها أبيها و يحطونها ع صدري فديتها أتينن و بستها لميتها و النيرس تقول يلا عطيني و أنا لامتها ما هديتها و قمت أهلوس و اقول أبيها أبيها فلان:016: وين رسولتي وين البيبي أبيها ماما لا تخليني ..

و عقب أستوعبت أن خلاص خلصت و ريلي سجد سجدت الشكر ..

و خيطوني و كنت أتألم و قعدت ساعتين عقب طلعوني للسويت ..

ويبتها بالاسبوع 34 الحمد الله صحتها زينه و حطوها يوم بحضانه عشان يشفون حالتها و الحمد الله زينه و يبتها 3كيلو ما شاء لله ..


و بجذي بتاريخ 6\1\2010 ..

الساعة 6:00 صباحا ..

ولدت أحلي بنت ..

سميتها وابل ..

(( فأصابه وابل )) سورة البقره ..

معناه لغويه الغيث المنهمر و المطر المتدافع ..

و معناه مجازا الجود المتناهي بالعطاء ..