:016::016:مساء الورد لأحلى عرايس...:016::016:
إنشاء الله اليوم نكمل توزيعاتي (لأحلى عروس) بس الجزء الثاني إلي هو توزيعات
القرآن
وللي ما تابع معانا الجزء الأول هذه رابطته
إخترت القرآن كتوزيع لأنه أولاً بإذن الله يكون صدقه جاريه للعروسين..وثانياً لأني حصلت مِرفع(المكان إلي يرفع عليه القرآن) صغييير و كيوووووت..ووايد عجبني..وإنشاءالله براويكم أشكالهم الحين
بإسم الله نبدأ
أولاً هذه هي شكل المرافع إلي شريتهم...طبعاً هم من الخشب و فيه نقش حفر على الجوانب...والحلو فيهم مثل ما تشوفون إنهم ميني...يعني حجمهم صغير ووايد حلو
شوفوه هذا بالنسبه لغرشه الماي
وهذه هي الأشياء إلي إستخدمتهم في التزين..شرايط لون ذهبي و كرات تزيين باللون الأحمر اللماع و المقص و طبعاً صمغ القلوقن.
في البديه خذينا الشريطه الذهبيه و قصيناهم بالمقص بشكل متساوي
و سويتهم على شكل فيونكه حلوه صغيره..و ربطتهم بشريطه ضعيفه حمره إلي تشوفونها في الوسط, وهذه الشريطه أنا عندي منها ربطه كبيره..لأنها واااايد مفيده..مش للتزيين..للربط و التثبيت.
وقمت بتثبيتها بالقلوقن في وسط المرفع مثل ما تشوفون
هذه هي المرافع بعد ما ثبتت كل الشرايط عليهم
بخصوص كرات الجلتر قمت و قصيتهم و فصلتهم عن العود
ولصقتهم بالقلوقن في وسط الفيونكات...وكان شكلهم مره كيووووووت..بس ملاحظه يا بنات...لاتحطون وااايد صمغ..كفايه كميه بسيطه و بيلزق.
وجينا للجزء المهم..إلي هو القرآن الكريم..وحرصت إني أختاره صغير..وخطه واااااضح..وفي نفس الوقت يكون للجيب..يعني سهل إنا ننقله كل مكان..والحمدالله حصلت هذه القرآن و كان خطه واااضح جداً و الحلو إنه كان فيه سحاب..يعني جيد جداً لداخل الشنطه.
وقمت و لصقتهم على طرف من أطراف المرفع...وحرصت إني أحط كميه بسيطه من الصمغ على المرفع عشان مايأثر على غلاف القرآن يوم النزع.
وتقريباً هذه هو الشكل النهائي...ومثل ما تشوفون إني حطيت قطعه من الشوكولا على الطرف الثاني من المرفع و لصقت البطاقه...وتفاصيل تزيين الشوكولا و البطاقه بتحصلونه في الجزء الأول.
وتقريباً هذه هو الشكل النهائي...ومثل ما تشوفون إني حطيت قطعه من الشوكولا على الطرف الثاني من المرفع و لصقت البطاقه...وتفاصيل تزيين الشوكولا و البطاقه بتحصلونه في الجزء الأول.
وهذه صوره مقربه
أتمنى إن موضوعي عجبكم و إستفدو منه...
:072:
وحبايبي الموضوع شخصي فإذا تحبون تنقلونه الرجاء ذكر المصدر مع إسم المنتدى عروس
:072:
وحبايبي الموضوع شخصي فإذا تحبون تنقلونه الرجاء ذكر المصدر مع إسم المنتدى عروس
:016:ولا تنسوني حبايبي من دعاويكم الحلوه:016: