صباح الخير
قبل كل شئ دعواتي لبنات عروس اللي تتمنى الحمل الله يعطيها و يعطي المحرومات من هالنعمة و يبلغ كل ام في ضناها :083:
قصة ولادتي بالضبط فيلم هندي خخخ :037:
اني من حوامل شهر نوفمبر و كانت دكتورة فهيمة عطتني حسب الألتراسوند 11/11 تاريخ حلو بس ما صار عطتني عل حسب حجم البيبي مالتي لأنها كان فيها وزن زين
مستشفى الأمل عطوني 15/11
و الحكومي عطوني 17/11 على حساب الدورة
و الحكومي عطوني 17/11 على حساب الدورة
بس إرادة الله إني ما أولد و لا في أي تاريخ من اللي عطوني
آلام الولادة أبتدت عندي من تاريخ 10/11
و قلت خلاص دكتورة فهيمة صدقت و رحت المستشفى و قالو لي متوسعة بس سانتي إرجعي البيت لأن توها الناس
و قلت خلاص دكتورة فهيمة صدقت و رحت المستشفى و قالو لي متوسعة بس سانتي إرجعي البيت لأن توها الناس
و ظليت مع هالألم و بعد يومين زاد عندي الألم كلللللللش
رحت المستشفى إلا تقول لي للحين بس سانتي
يووووووو وش السالفة خخخخخ
كل يوم شلنا شلايلنا و رحنا المستشفى
مافي إلا زوجي شايل و حاط في الشنطة :037:
مافي إلا زوجي شايل و حاط في الشنطة :037:
إنزين خلها في السيارة خخخ مسكين زوجي
المهم تاريخ 17/11 كان عندي موعد مع الدكتورة
بس شافتني ..... هاااااااا ما ولدتين ؟؟ :057:
قلت لها : لا دكتورة ما ولدت ... فحصتني إلا تقول ... للحين توش سانتي و شو ي
فحصت راس البيبي الا تقول الوضع عدل الراس تحت بس صاير الراس بعيد عن فتحة العنق المفروض ينزل في الحوض و أني ما نزل ... لهالسبب ما قاعدة أتوسع
المهم عطتني مهلة أسبوع و أرجع لها
في هاليوم زوجي أخذني السيتي سنتر و لافاني لاف و دوخني العشرين دوخة حفظت المحلات و حفظت حتى الكوارتين خخخخخ
مشينا ساعتين تقريبا
و ما صار شئ :039:
طاف الأسبوع و كل يوم أقول اليوم و مافي بوادر
كل من يتصل فيني ... اخوات زوجي ... زوجات أخوي .. صديقاتي و أني نفسيتي دون
بندت التلفون و صارو يتصلون على ماما يسألونها خخخخخخخ<< طيحتها في راسها
تاريخ 25/11 موعدي مع الدكتورة قالت لي خلاص أحين تروحين ترقدين و نسوي طلق صناعي
حجزنا الغرفة و في الليل رحت و رقدت
ما حطو لي طلق صناعي لأنهم كانو كلش مشغولين و أجلو الطلق للصبح على أساس يحصلون لي سرير في غرفة الولادة
يوم ثاني الصبح اللي هو تاريخ 26/11 نفس الشئ مافي أسرة بغرفة الولادة
الظهر زارني زوجي و أمي و أولادي و قعدو لين الليل و بس طلعو صادني ألم طلق وقالت لي الممرضة خلاص بنزلوني الولادة و أستانست قلت خلاص قرب الفرج
الظهر زارني زوجي و أمي و أولادي و قعدو لين الليل و بس طلعو صادني ألم طلق وقالت لي الممرضة خلاص بنزلوني الولادة و أستانست قلت خلاص قرب الفرج
أتصلت بزوجي و خبرته
دخلوني غرفة الولادة و أنقطعت عني الأخبار لأن أخذو موبايلي
خلو علي السيلان و الأكسجين فحصوني متوسعة 3 سانتي
و ظليت أتألم و أتألم و كل ما يفحصوني مو متغيرة
أهل زوجي و أهلي وياهم ولدي الكبير (عمره 12 سنة) ينتظرون برة
أمي دخلت شافتني و كلمتني و صبرتني
و أني طول الليل أقرأ الآيات و أصلي على محمد و آل محمد و كل ما حسيت بالألم أدعي لكل اللي يعزون على قلبي و اللي طلبو مني الدعاء
صارت نص الليل و صار الفجر و عيوني على الساعة و أهلي ناطرين برة يحاتون و قلقانين
الساعة 6 الصبح يعني يوم الجمعة يوم العيد 27/11 الدكتورة فحصتني توني متوسعة 4 سانتي أستغربت تقول لي كل هالمدة و اني والدة من قبل و للحين ما توسعت عدل
المهم الدكتورة نزلت مني الماي كامل و حاولت تعدل وضعية راس البيبي لأنها للحين راسها صاير بعيد عن الحوض
و عطتني فرصة لين الساعة 2 الظهر .. رجعت لي بس ما تغير التوسع يعني يا دوب توه 5 سانتي
و الماي نازل مني صار له 8 ساعات و أني صار لي تقريبا يوم كامل ما أكلت و لا شربت شئ و لا حتى ماي و لا نايمة يعني حدي تعبانة .. لهالسبب نبضات البيبي بدت تضعف
خافت الدكتورة فخيرتني
طلق صناعي و يسحبون البيبي أو عملية قيصرية
و طبعا العملية أضمن
نادت زوجي و فهمته و اتفقنا إن العملية أفضل لي و للبيبي
و طبعا العملية أضمن
نادت زوجي و فهمته و اتفقنا إن العملية أفضل لي و للبيبي
طبعا زوجي دخل و مسك إيدي و باسني وصار يصيح لأن شافني شلون أتألم و شلون خايفة رغم اني ما حبيت أبين له شئ
جهزوني للعملية و حطوني على السرير و زوجي ماسك إيدي و أهلي ماشين وراي << أقولكم فيلم هندي :037:
لما وصلنا باب الغرفة طردوهم خخخخخخ
دخلت الغرفة و بنجوني نص بنج في الظهر
قالت لي الدكتورة القسم التحتي راح يتخدر بس من التعب تخدرت كامل :060:
لكن سبحان الله من سمعت صرخت بنوتتي اوتعيت و شفتها و طلبت أحطها على صدري و عطوني إياها .. اللهم صل على محمد و آل محمد .. بستها و همست لها (أني ماما) << يعني من الخدامة :085:
و أنتهت معاناتي و أرتحت و رحت في نومة عميقة
ولدت بنتي (آية) الساعة 3 الظهر 27/11 و صار العيد عيدين
أوتعيت بعد ساعة .. عطوني بنوتتي ودوني غرفتي
لما طلعت من غرفة العمليات إلا الأهل يهللون و مستانسين و الكل يتحمد لي بالسلامة و يبوسني .. و المضحك أمي جايبة لي صحن من غدا العيد اللي ما أكلو منه شئ
من وراء الكواليس
بعد ولادتي لما رحت الغرفة قالو لي بالأفلام اللي صارت :03:
غدا العيد محد أكله لأن الكل قلقان
زوجات أخواني في المستشفى و أخواني صارو البيبي سيترز للصغار في البيت
أولادي رفضو يلبسون الثياب الجدد و رفضو يآكلون لأن ماما مريضة و تحت شعار (لا عيد و ماما بعيد)
زوجات أخواني في المستشفى و أخواني صارو البيبي سيترز للصغار في البيت
أولادي رفضو يلبسون الثياب الجدد و رفضو يآكلون لأن ماما مريضة و تحت شعار (لا عيد و ماما بعيد)
ولدي الكبير علاوي كان يقول ( شلون آكل و أشرب و ماما جوعانة ) و رفض الأكل و الشرب و ما نام إلا ساعتين .. أمي أخذته لغرفتي في المستشفى و طلب يتلحف بعبايتي لأن فيها ريحتي )<< فديته ولدي طلع كللللللش يحبني الله يخليه لي
زوجي كان يصيح و أول مرة ماما تشوف دموعه و تالي صلى شكرا لله بعد ولادتي
ماما رجعت البيت عشان ترتاح و هناك شافت أخوي الكبير و حضنته و صار فيلم هندي عدل لأن أخوي الكبير أكثر واحد يحبني
بابا صام عن كل شئ حتى الكلام بس كان يدخن و يحرق جكاير
و في ختام هالفيلم الهندي خخخ
أدري نشف ريقكم
أدري نشف ريقكم
شوفو بنوتتي و صلو على خير الأنام محمد و آل بيته الأطهار
