زوجة اخوي!!!

شخبااركم يا عرايس

انااا اصغر اخواني واخواتي وكلهم معرسين
المهم انه عندي زوجة اخوي ما احبها
هيه وقت الشده توقف معاج بس للاسف ماتحفظ سرج وتحب تسوي مشاكل ( يعني سوسه ومن تحت لتحت تسوي لج مشاكل )
انا وحريم اخواني الباقيات مانحبها وايد لانها مسويه مع كل وحده مشكله
مثلا حرمة اخويه الكبير كانت تقول عنها انه اهلها يحسدون ومب زينين وكل مره تحش فيها وانا وخواتي مانقول لها مع انهن واااايد مع بعض ( تشيشنا علىيها وهي توطد علاقتها معاها)
وهي من حركاتها ماتحب حرمة اخوي الثاني لانها المفضله عند اهلي وعندي وعند خواتي وحريم اخواني ويبين انها تغار منها لان بنات حرمة اخويه الثانيه شاطرات وحبوبات وااايد وعيالها هي مستواهم عادي وربي راضي عليها لانها متفوقه في حياتها ودينها وملتزمه ما شاء الله عليها
المشكله اللي بيني وبينها بدت من بعد ما اشتغلت البنت تغيرت علينا واااايد قلنا ماعليه الفلوس تغير النفوس
ومره اخوي كان مسافر وفي نفس اليوم طلعت من البيت وماقلت لاحد انها طالعه ورد متأخره واايد تقريبا الساعه 11؛30 فليل وايام شتاء يعني وااايد متاخره
اليوم الثاني ابويه سالها انتي وين كنتي؟ جان تعصب وتصارخ فويه ابويه واتقوله انها بنت شريفه وماحد يتدخل فيها وين تروح وين تدخل الا ريلها جان ابويه يعصب عليه
والله ما كان في نيت ابويه اي شي الا السؤال لانه كان خايف عليها . والله انا كنت موجوده ومنصدمه من اللي يصير والله انها سكرة الباب في ويه ابويه وتمت اتسبه وابويه كان رايح يصلي الظهر.
المهم من رد ابويه من صلاة الظهر الا وعمتي تتصل فيه و تقوله انه حرمة اخويه مشتكيه منه وانه حرام علينا نسوي فيها جذيه و والله ما خلت حد ماقالت له عن السالفه ( ضربني فبكى سبقني واشتكى ) زوجة ولد خالتي وزوجة ربيع ابويه( اكثر حرمتين ينشرن الاخبار ) وبينت للناس انها مضلومه واحنا ضالمنها وااايد, ومن عقب السالفه بنات عمتي تغيرن علينا واايد صارن كل مايزورونا اول شي يسوونه يروحن لملحقها هي قبل بيتنا او بعد مايسلمن على ابويه يروحن لها ما نشوفهن, يعني البنات وااايد متغيرات علينا قلنا ماعليه فتره وبتعدي صار للسالفه سنه وشي وبنات عمتي كل مالهن ويتغيرن علينا اكثر صارن يتلاقن وايد ويطلعن مع بعض وياحليله ابويه والله انه نسى السالفه
والله لو تشوفونها مع بنات عمتي بتقولون مستحيل هذيله كانن مايحبون بعض...حرمته اخويه كانت ماتحب حرمتة اخوهن لانه حرمت اخوهن كانت تحب اخويه قبل مايعرس فكانت حرمت اخويه وايد تكرهها ..وحرمة اخويه كانت ماتحب بنات عمتي لانهن ماكانن يعطنها ويه بس سبحان الله كل شي تغير لانه حرمة اخويه عليها لسان يخليج تصدقين كل شي تقوله ووالله انها خلت اخويه يصدقها ويجذب اهله بس اذا عصبت لسانها يصير مثل السيف والعياذ بالله
والله انها خذت كل ربيعات حرمة اخويه الثاني وخلتهم مايزورونها ولا يكلمونها ..حتى انها خذت ربيهات اختي وخلتهن يقطعنها ...الناس كلهم يحسدونا عليها بس للاسف مايعرفونها عدل هيه صارلها 9 سنين وماعرفنا انها حيه وثعبانه الا من جم سنه بس لانا صدج على نياتنا ووالله انها هي وخواتها خلن ابوهن يموت من القهر وهذا الكلام من امها هي مب من راسنا
هي ما تقرب لنا ابدا بس يات مره بيتنا وكانت تشوف اللبوم الصور اللي عند اختي وجافت صورة اخويه وتمت تسال عنه وااايد ... وبعد سنه وحده بس تزوجوا ... هي اللي اتصلت له تقوله له انها ناسيه فلوسها في بيتنا وماتعرف رقم اختي ... وخذت رقمه اخوي من ولد خالتي اللي يصير زوج اختها وخالتي دايما كانت تشتكي منها عند امي وتحذرها بس امي ما كانت تصدق بس من بدت المشاكل صدقتها والله انه اختها اسوت مشاكل لخالتي لدرجة انه خلت ولد خالتي يطلع من البيت ويجذب اهله وهذا اللي صاير عندنا بالضبط


شو اسوي مع نفس هالبنت ؟؟ وبالذات اني ما اقدر اتجاهلها لانا في نفس البيت تقهرني بتصرفاتها وبالذات لما الناس يصدقونها

ما اعرف اذا الغلط مني ومن اهلي او الغلط منها هي؟؟ ... ومعقوله البيت كله يكرها والناس تحبها؟؟ معقوله انا نغار منها بس الحمد لله انا مب محتاجين لشي والناس مايشوفون الا الظاهر والمجاملات!!!