اغراض طفلي على قدي ,,,,بحرينيات تعالو وجوفوا

زينة العقل خيتوو
آنا لما ولدت بعد ما حبيت أكلف فخذيت لي طقم ناعم جدا ً
وساده من ماذركير وسعر المفرش ما تعدى 8 دينار وكملت كل السوالف ساده
وخذيت لهم رسومات تطريز
أحجام مختلفة بنفس الثيم وسعرها رخيص تلصق بحرارة المكواة
وصار طقمي حلو وجنه من ذولي الغالييين هههههههههه
بالسلامة حبيبتي

هلا أمهات

توقعت إن يكون في تفاعل أكثر في الموضوع لأن في وايد أمهات ميزانيتهم على قدهم مثلنا فقاعدين ندور الرخيص والقوي فيا ريت كل وحدة تدش تحط الأشياء اللي شرتها إذا تقدر وتخبرنا من وين (عشان يكون في تفاعل أكثر) عسى نستفيد نحن أيضا منكم
طبعا أخت أمتياز وعدتنا إنها بتحط مشترياتها ............جاري الأنتظار
أخت ورد محمدي دلينا على محل قطوف اللي بالرفاع وخبرينا شلون أغراضه وأسعاره

يوم الخميس رحت أزياء النهرين وأخذت فراش على 5 دينار ومعاه شنطة صغيرة ب 3 دينار و3 قماطات (الواحد بدينار)وفوطة خفيفة(اللي فيها نفس القبعة) بدينار
كنت باخذ بعض البيجامات والأوفرول بس كانوا مخمل حسيتهم ثقال لأن ولادتي شهر 3 وأتوقع يبتدي يتغير الجو فسألته إذا كان في قطن قال إن شاء الله نهاية الشهر بيجيب بضاعة جديدة أخف
وبعدين مريت على أنصار جاليري لأن سمعت عندهم جلابيات خفيفة وحلوة حق النفاس أخذت لفة سريعة وما حصلتهم لأني كنت مستعجلة لكن شفت عندهم ثياب حوامل حلوين وايد
وطبعا كان لازم أمر على قسم أغراض الرضع وأجوف
عندهم معظم أغراض الرضع بأسعار متفاوتة بعضها يسوى وبعضها ما يسوى لكن حلوة
حصلت أوفرولات قطنية وايد بس ما كان في وقت أتشرى فلي عودة له

مريت البارحة على مشوار النويدرات (المحل صغير وايد) بس لأن قريب من بيت أبويي فبين فترة وفترة أمر عليه طلعتي من بيت أبوي يوم الجمعة بس هالمرة شكله معظم البضاعة مخلصة وكان قريب يصكون المحل فأخذت أربع قطع عالسريع للبيبي على دينار ونص
أنهبل عليهم زوجي ما أتوقع عندهم شي بهل حلاوة
قلت بمر مشوار الرفاع على الأسبوع الياي لأن كبير وايد وسمعت صاحبة المحل تقول في أحتمال هاليومين ينزلون بضاعة جديدة