السلام عليكم ورحمة الله
بدخل في الموضوع على طول عشان ما اطول عليكم
انا بنتي عمرها 3 سنوات ونص ومن النوع اللي تحب تتكلم مع الناس
واذا رحنا اي مكان يعني مثلا في السوق او السوبر ماركت تحب تتكلم مع اللي يشتغلون
وبعدين تقلدهم
وساعات تلعب على انها دكتوره او طياره مثلا
وماكان عندي أي اشكال من يوم كانت صغيره اني اوديها المستشفى لو مرضت
او اوديها حق فحص او تطعيم
لأني ولا عمري خوفتها من المستشفى او من الابر
يعني اذا كان عندها تطعيم ابر ما اقول لها بس اخبرها ان احنا رايحين المستشفى
وهناك لما يعطونها التطعيم اسوي نفسي ان انا بعد ما كنت ادري
ويمشي الموضوع عليها وتنسى السالفه
أما الحين مادري شفيها صايره تخاف من روحة العيادة او المستشفى
مادري اذا في احد مخوفها من الابر لانه دايما تفكر ان روحة المستشفى يعني ابره
او يمكن لانها تشوفني وايد امرض هالايام وبسبب مضاعغفات الحمل ساعات احتاج لابر او مغذي
آخر مره كانت مصخنه ووديتها عيادة الاطفال
ما خلت الدكتور يفحصها حتى وهي بحضن ابوها
سوت زلزال من زود صراخها واظطر الدكتور ان ينادي الممرضات
ومسكوها من ايدينها ورجلينها عشان يفحصها
وانا ما عجبتني هالطريقه
اصلا احس ان خوفوها زياده:039:...
المشكله الكبيره الحين
ان قبل فتره اكتشفت ان عندها ضرسين مسوسيييين وحالتهم حاله
يعني ذايبين
وامس ما شفتها الا تصيح من الالم
اشوه ان خف عليها بعد شويه .. بس لازم اوديها عيادة الاسنان حق علاج
لان الاسنان رايحه عليهم واخاف يضربون عليها مره وحده
شلون اقنعها بطبيب الاسنان؟؟؟:01:
ما اعتقد بترضى تروح واذا وديتها مستحيل بتخليهم يعالجونها
نوروني شسوي؟؟؟؟:042:
