مستشفى البحرين التخصصي

انا حاليا اتابع في التخصصي عند د. فرح وناوية اول هناك بإذن الله وعندي تأمين طبي، كأن في التاسع وايد متأخره اختي انا اللي اعرفه ان المفروض تتابعين معاهم على الأقل خمس مرات علشان شركة التأمين تغطي مصاريف الولاده والمستشفى يطرشون للشركه الابروفال اذا يسمحون بالتغطيه او لا ، وكل شركة تأمين لها حد معين للولادة يعني مبلغ معين وهذي شامل الولادة والغرفه طبعا، تشوفين اهمه كم ماعطينج حق ولاده ، المبلغ طبعا حق الولادة الطبيعيه او القيصرية لا سمح الله ، وشاملة كل شي ، اي زياده في سعر الغرفه عن اللمت اللي ماعطينج تدفعينها انتي ...
وربي يسهل علينا وعليج ان شاء الله :)

مشكورة حبيبتي بس تحبطت انا :(
مابي اروح السلمانية اخاف منه :(
بشنو تنصحيني ؟؟؟
يعني كل مستشفى لازم اتابع فيه على الاقل خمس مرات ؟؟؟؟

انتي روحي لج يوم التخصصي وكلمي التأمين وشوفي اي دكتوره تقدر تتابعج في هالفتره مو شرط فرح لان المواعيد صعبه تتحصل عندها هالأيام ، يمدحون ايزابيل الفلبينية بعد ، وقوليلهم انج تبين تولدين عندهم واكيد ان شاء الله بيسوون لج شي ، لو تتابعج الدكتوره كل اسبوع اظن بيكفي وبيوفي بس خلي قسم التأمين في المستشفى يطرشون اوراقج حق التأمين مالج وخلاص ان شاء الله خير لاتحاتين احس يمديج ...

ان شاء الله
مشكورة حبيبتي على ردج
الله يعطيج العافية

الله يعافيج ، وربي يسهل عليج ان شاء الله ...

مسامحه ورد ما اقدر افيدش
بس عندي سؤال اذا ماعندي تأمين تقريبا كم السعر مكسمم
سوري ورد سألت في موضوعش

تفضلوا خواتي هذي اسعار الولادة في التخصصي ...

Daloo3t_Obooy مشكورة يا قلبي على ردودج

حبيبتي بسالج الحين اذا انا عندي تأمين لازم يكون عرضهم بس للغرف المشتركة صح ؟؟؟

طيب شلون هذي الغرف المشتركة زينة والا شلون ؟؟؟ وهل هي مشتركة بكل شي

ياليت اللي تعرف او شافتهم تفيدنا

لكم الشكر

حاضرين لج اختي ولو :)
لا مو شرط الغرفه المشتركه ، تقدرين تختارين اي غرفه تعجبج بحيث يكون مبلغ التأمين يغطيها واذا زاد شوي المبلغ تدفعين انتي الزياده ...
انتي شوفي جم حاطين لج مبلغ للولاده واخذي في هالحدود ، والغرفه المشتركه اهي غرفه عاديه وفيها سريرين يعني حق شخصين انتي و وحده ثانيه والده واحتمال تكونين فيها انتي بروحج على حسب الولادات حزتها يعني شلون بتكون زحمه او لا بس اللي اعرفه فيها حمام واحد وتلفزيون وثلاجه مشتركين ...

تسلمين يا قلبي على تواصلج وسرعة ردج
الله يعطيج العافية

مشكوره دلوعه عالتوضيح

الله يعافيكم وحاضرين ، ربي يسهل علينا ان شاء الله ...