هذا ما تعلمته من سنه 2009

السلام عليكم ورحمة الله وبركاته

هذه سنة وودعناها وراحت سنه من عمري وخلال هذه السنة تعلمت اشياء وايد هي صج سنة بس احس الظروف الي صارت لي كبرتني 10 سنين
وبالعكس كل ماصار شي لي حمدت ربي عليه لان كثر التجارب تعلمج وتعطيج خبرة بالحياة عالشان باجر لي صار موقف تكونين عارفه شلون تتصرفين سواء لج او لعيالج
بكتب لكم كل تعلمته واخذت حذري منه
واتمنى تفيدوني من خبرتكم

**تعلمت ان كل شي اسويه ومهما سويت ماراح اتوفق الا اذا الله كاتب لي هذا الشي **
يعني في وحدة حلوة ومو مقصرة بحق زوجها وكل مايدش ويطلع من البيت يلاقيها بشكل بس تدرون الكل تفاجأ لمن سمعوا خبر طلاقها يقول 24 ساعه صبغ الاظافربايدها وتسريحات شعرها اقولها صليتي تقول ما مسحت المانيكير مابي اخرب تسريحتي ابيك تشوفني باحلى صورها ست الحسن والدلال مالها خلق تمسح وتحط

قال اللّه عزّ وجلّ يا ابن آدم إن ذكرتني في نفسك ذكرتك في نفسي، وإن ذكرتني في ملأ ذكرتك في ملأ من الملائكة - أو قال في ملأ خير منه - وإن دنوت مني شبراً دنوتُ منك ذراعاً، وإن دنوت مني ذراعاً دنوت منك باعاً، وإن أتيتني تمشي أتيتك هرولةً"
****

"يا ابن آدم تفرغ لعبادتي أملأ صدرك غنى وأسد فقرك، وإلا تفعل ملأت صدرك شغلاً ولم أسد فقرك"

**تعلمت من حياتي اول شي اني ما اثق باي احد ثقة عمياء خصوصا الرجال **

**تعلمت من حياتي شلون اعاامل اهل زوجي بالمعامله الرسمية**
تعلمت ان "روح بعيد وتعال سالم"**
**تعلمت من حياتي اني اكون صما بكم عميا
يعني ما اسمع الكلام الي يضايقني ولا اتكلم عن الناس لا بخير ولا شر اي شي يضايقني ابعد عنه ولا اتقرب منه **
**تعلمت اني اكون عابر سبيل بهذه الدنيا ولازم اترك اثر حلو لحبايبي من بعد مايفقدني **
**تعلمت ان الزوج طفل كبير محتاج للحنان والحب عطيه كل شي يستحقه مو اكثر **
**تعلمت ان ما انشر او افضح مشاكلي مع زوجي عند اهلي تجربتي مرة كنت اقول حق امي ويوم صار شي بيني وبينها قالت لي اخاف ام زوجج تموت بعيالج حزت بخاطري هالكلمة**
**تعلمت ان ماتزرعه اليوم هو حصاد الغد اقريه عدل وشوفي جدامج ان اي شي بتسوينه بتشوفين ثماره بالمستقبل وخصوصا على اعيالج **
**تعلمت ان لازم انسى الماضي والمشاكل لانه ماراح يرد **
**تعلمت ان الشي الي لي اتمسك فيه ولا اخليه بسهوله لانه من حقي **
وراح اكمل لكم بعدين بنوم اعيالي