أفيدوني <<< لف الطفل الرضيع (نعم أو لا)

هلا اختي لا زم تلفينه ف المهاد احسن له الله يحفظهم لك يارب

ان شالله البنات يفيدوكي

هلا خيوه

ايه لازم اتلفينه على شان ارجوله تصير سيده

اشوف جهال واجد ارجولهم تكون مايله لانه مالفوهم

وعادي خيوه الجاهل 7 شهور يلف ناس واجد جدي طبعا بس وقت النوم

ايه اختي لازم تمهدينه عشان جسمه يكون ملمووم ويطول لك في النومه بس لا تضغطين عليه وايد يمكن بنتك ضغطي عليها وايد وخليتي الخيط كلش ما انصح فيه ابدا

اتمنى اكون افدتك اختي

هلا اختي لا زم تلفينه ف المهاد احسن له الله يحفظهم لك يارب

بالعكس الطفل وخاصة الرضيع لازم يلف عند النوم ’’

علشان ما يخاف وهو نايم من حركة يدينه او رجلينه ’’

وأيضاً يشد جسمه شوي ’’

بالعكس عادي تلفينه الى 8 شهور ’’

انا ولدي لفيته لحد ما تم 7 شهور ’’

والحمدلله ما ضره ’’

توكلي على الله ولفيه لحد ماهو يتعود من نفسه انه ينام يدون لف ’’

السلام عليكم

اختي لازم الطفل الرضيع ينلف خاصه انه صغير و عظامه لينه و كل شخص يبي يشيله لأن في وايد ناس ما تعرف تمسك جهال خاصه لما ما يكونوا مقمطين و لاسمح الله حملوهم غلط و لاشي........ فلما تلفيه تضمني انهم راح يمسكوه زين..
و بعدين يرتاح في نومه و ما يتفاجأ ...

الله يخلي لج عيالج :)

مفيد

عشان الرجول
والرضع بالفطره ينتزقون فأحسن عشان ماتقوم وهي مرعوبة
اللفة مثل المهدئ

انا في عيالي ثنينهم بس كنت الف باللفة وماكنت اضغط عليهم وكلش مانفعهم لان كان ينفتح وابد ماينامون واهل زوجي على طول ينصحوني اني اربطهم بالخيط وانا اعاند لكن هالمرة اقول بسوي مثلهم لانهم يربطونهم وينامون لهم عيالهم ساعات طويلة ما الا انا متحسرة على روحي ههه بس بعد اخاف من سيرة الخيط احس انه بيختنق انتو شنو رايكم تربطوه بالخيط او لا؟

خيوه الخيط احسن لانه مابيقدر يطلع ايده بس بعد لا تضغطين

واجد ولا ترخينه واجد

اختي لافضل انج تلفين الصغير عالشان يطول في نومته

انا لفيت بنتي سنة كاملة<<اعتقد ضربة الرقم القياسي خخخ وكنت ماخذة هالنصيحة من اختي...


بس طبعا تلفينه بس وقت النوم ...

اضم صوتي للباقي ,,
واقول لج عادي حبيبتي بالعكس اللف أحسن للبيبي
يقوي عظمه واحسن له عشان لا يتزهق من حركة أياديه أو رجايله وهو نايم
ولدي ليما كمل 6 شهور واني ألفه بعدين شوي شوي وقطعته عنه

والأخت بروكلي الخيط ما يخنقهم ولا شي بالعكس
أحسن ويساعد البيبي على انه ينام ساعات طويله ,, يذكره بلفته في كرشة امه من جذي يستانسون البيبيات على الخيط

لازم حبيبتي تلفيه عشان يتلملم و الطفل اذا التف زين يشعر بالأمان اكثر لأنهم يخافون من نفسهم و ينام زين اذا التف و عادي لو تم 7 شهور انا بنتي تميت الفها وقت النوم لين تمت 9 شهور عادي ادفى لهم و افضل و فكيت عنها اللفة بغير النوم ع الاربع شهور و ابني هالحين 4 اسابيع ما اشيله من اللفة الا اذا غيرت له اخليه يلعب شوي و بعدين ارجع الفه

صادقه الاحساس;11025459:

بس موفشله اذا تم 7 شهور واكثر

وتسلمون أمهات عرس بردودكم الحلوه

وش دعوى حبيبتي ؟!!!

لا فشله ولا شي ’’ :047:

بالعكس هذا يدل على انك أم حريصه على صحة ولدك ’’’ :087:

وبعدين وين الفشله وانتي ما راح تلفينه الا وقت النوووم ؟؟!!! ’’’

:094:

.. أم علي ..;11026078:
وش دعوى حبيبتي ؟!!!

لا فشله ولا شي ’’ :047:

بالعكس هذا يدل على انك أم حريصه على صحة ولدك ’’’ :087:

وبعدين وين الفشله وانتي ما راح تلفينه الا وقت النوووم ؟؟!!! ’’’

:094: