السلام عليكم ورحمة الله وبركاته
وحشتوني اوي اوي اوي بعد طول غياب عنكم
ليا سؤال معلش حبايبي
نزلت اجيب مرتبة السرير لئيت كذا نوع ومحتارة انهي احسن وماحدش هيفيدني الا المجربين
انا سريري 180 سم وعايزة المرتبة الي اخر طبقة فيها قطن
لئيت ماستربيد العالية ب 2100 تقريبا والاقل سمك ب 1565 والسعر شامل التوصيل لحد البيت لاي مكان
يانسن ب 1150 بالتوصيل
ريتش هوم 1250 بالتوصيل
فوربيد ب 1150 بدون توصيل
وطبعا كل واحد بيشكر في بضاعته وانا محتارة
مش مهم السعر معايا لكن عايزة مرتبة تعمر وتعيش وياريت ماتكونش تقيلة اوي تقطم وسطي لما ارفعها علشان اجيب حاجة من السحارة تحت السرير ههههههه
ياريت المجربين يقوليلي كل واحدة مرتبتها نوعها ايه وايه مميزاتها وعيوبها
شوفت كفر المرتبة الي بيكون في الفنادق فوق المرتبة وبعدين تفرشي عليه الملاية ب 130 او 180 مش متذكرة اوي بصراحة ده بيكون فايبر زي اللحاف كدة بس ارق منه شوية وبيتشبك في المرتبة باستك من الاربع جوانب وبعدين تفرشوا الملاية عليه عادي ده بيحمي الرتبة من العرق وبيتشال عادي وبيتغسل حد جربه برده
أحسن نوع مراتب بالاسواق؟
أ
08-01-2010 | 03:14 PM
أ
08-01-2010 | 04:51 PM
أرجوكم يا بنات ردوا عليا
r
08-01-2010 | 07:20 PM
حبيبتى انا والله محتاره نفس حيراتك خصوصا انى كنت عايزه اجيب هابيتات بس لاقيتها ب3000 المقاس 180 حسيت كده كتير بس البنات كلهم شكرو فى يانسن كتراكت الامريكى بيقولوا حلوه وفى بنات جربوها وشكرو فيها بس انا لما سالت عليها كانت ب1470 ممكن تقوليلى انتى لاقيتها فين بالسعر ده ضرورى علشان انا فعلا شكلى هاتكل على الله واجيبها
د
09-01-2010 | 02:12 AM
اب لعيونك
أ
09-01-2010 | 09:50 AM
rozarita;11016981:
حبيبتى انا والله محتاره نفس حيراتك خصوصا انى كنت عايزه اجيب هابيتات بس لاقيتها ب3000 المقاس 180 حسيت كده كتير بس البنات كلهم شكرو فى يانسن كتراكت الامريكى بيقولوا حلوه وفى بنات جربوها وشكرو فيها بس انا لما سالت عليها كانت ب1470 ممكن تقوليلى انتى لاقيتها فين بالسعر ده ضرورى علشان انا فعلا شكلى هاتكل على الله واجيبها
حبيبتي في طريق النصر ادام مكرم عبيد في محل اسمه يانسن وادام شوية في اتجاهك لشارع احمد فخري برده محل اسمه يانسن الاتنين مش بعيد عن بعض في مدينة نصر
بس الحق يتقال انا ماعرفش اذا كان السعر الي قاللي عليه ده كتراكت ولا ايه انا اصلا اول مرة اعرف امبارح من المنتدى ان فيه كتراكت وسوبر وماعرفش ايه ... انا كل الي قلتهوله عايزة مرتبة 180 سم اخر طبقة فيها قطن قاللي هتعمل 1150
ولما قلت له طب انا عايزة حاجة برده ما تكونش تقيلة اوي علشان اعرف اجيب الحاجة الي في سحارة السرير
فقاللي فيه نوع احسن شوية اسمه ريتش هوم ده قطن من الناحيتين تقريبا وفي النص سوست برده تقيلة بس اخف من يانسن ده كلام الراجل دي كانت عاملة 1250 او 1200 حاجة زي كدة
لسة بتكلم مع قريبة ليا دلوقتي قالت لي علشان تعرفي نوع المرتبة كويس ولا لأ اقعدي عليها في المعرض لو نزلت لتحت مع القعدة ما تاخديهاش خدي النوع الي ما ينزلش لتحت لما تقعدي عليها تحسيها ناشفة شوية علشان ماتاخدش شكل الجسم من كتر الاستعمال وتفتطس لتحت بعد شوية ورازم تتقلب المرتبة كل فترة اليمين شمال والشمال يمين والتحت فوق والفوق تحت علشان تعيش اكتر
ممكن بئة تقوليلي حبيبتي سمعتس ايه عن كتراكت دي وايه طبقاتها والف مبروك ليكي انتي كمان يا حبيبتي وربنا يتم لك على خير