طفح الحفاظ

خيو قنوت .. من تجربتي أحس الكريمات ما تسوي خبر بروحها
اني لما يصيد ولدي جدي أخليه فترة بدون الحفاظ تتهوى المنطقة ويساهم أنه المنطقة تشفى بسرعة

ما يشوف شر الصغيرون ..

بتي يوم صغيره صادها جدي واستخدمت اليها سودو كريم واجد نفعها لانه مافيه مواد كيماويه

مايشوف شر الحلو
انصحك وانصحك بكريم سودو روووووووووعه لطفح الحفاظ من اول تجربه بعد واذا كان الطفح قوي من ثاني تجربه او ثالث مره انشالله يروح

واسمعي نصيحتي واستعمليه صراحه ماراح تندمين

حطي له فازلين وخليه يتهوى واجد .. :)

اهم شى يتهوه والله ناسيه انا اسم كريم ممتاز كنت استعمله لولدى

اي فعلا كريم سودو رووعه .. انصحج فيه الصراحة ..

وحبيبتي حاولي مع كل تغيير حفاظ حطي له حتى لو خف الاحمرار بعد حطي له ..

وبعد ضرووري تغيير له الحفاظ كل ساعتين ..

موفقه ..

هذا كريم اسمه MULTILIND

فضيععع للطفح جربته لولدي الله يحفظه يارب احسن من السودو كريم مليون مررره بالذات للطفح الشديد

حطي من هعلى اصبعك وامسحي مسحه خفيفه جدااا جدااا على المكان الي فيه احمر ار من اول مره راح تشوفي النتيجه

عن تجربه

ربي يحفظ لنا عيالنا يارب والف سلامه على الضغيرون مايشوف شر

أختي : قنوت
أنا كذا كانت بنتي واستخدمت لها كذا نوع كريم لكن مانفع وصار ينزل دم كمان ..
لكن استعملت كريم أنا سويته بالبيت زيت زيتون مع نشا الذره حطيه بعلبه واخلطيه مع بعض الين يصير ع هيئة كريم واستخدميه بعد كل ماتغيرين الحفاظ ولازم تتركينه يتهوى شوي يعني تخلينه بعد ماتغيريله ربع ساعه تقريبا من غير حفاظ وصدقيني راح يتحسن من أول يوم بإذن الله ومايشوف شر إن شاء الله

حبيبتي انا استخدم مرهم كينا كومب روعه فيه نوعين كريم ومرهم اشتري المرهم
وبعد المرهم حطي زيت زيتون وانتبهي من الفازلين لانه يزيد الحاله
وحاولي ترخين البامبرز لاتسكرينه مره علشان يدخل الهوا والله بتدعين لي جربيها
ما يشوف شر

..قنوت مايشوف شر سيدان,,
الصراحة اني داخلة ارد عليك وادور حل بعد,,
لأن ولدي صاده طفح بس قليل بالنسبة للي في ولدك,,
وظليت استخدم له سودو كريم وساعات كريم سيباميد للطفح,, وساعات فازلين
بس قلت المفروض استمر على نوع واحد.. وظليت استخدم له فازلين كل مرة ابدل فيه الحفاظ
والحمد لله خف
لكن اليوم ناوية اخذه لعند الدكتور واشوف شنو ينصحني..

مايشوف شر الله يخليه لج

حبيبتي شايفه الشاي لما يبرد بللي قطنه وحطي على الاماكن الحمرا وخلي يتهواا موكل حفااظ
واستخدمي الكريم الي قالولك عنه البنات خاصه بليل لانه فتره ماراح تغيريله فيهااا يكون ناايم

ومايشوف شر

ياختي تعرفي النشاء اللي نستخدمه في المهلبيه المهم كلما غيرتي لولدك حطي له منه

راح تشوفي تنيجه مره حلوه

..قنوت شخبارك وشخبار سيدون الحين؟؟
إن شاء الله صار اشوة!!

وعدتك اذا رحت للدكتور اخبرك شنو يقول لي,, سألني شنو تستخدمين لولدك؟ قلت له ساعات سودو كريم وساعات كريم سيباميد لمناطق الاحمرار وساعات فازلين
بس الفترة الاخيرة استمريت على الفازلين اكثر..
وكان الطفح خفيف ورايح,, قال لي اوكي هو الحين خف وبيروح مع الوقت,, لأني ظليت على طول احط له فازلين
بس قال لي لاتغسلين المنطقة بصابون ولا اي مادة تنظيف,,
وصف لي هالغسول

..وقال لي كل ماتجين تغسلين المنطقة اخذي الغطاء وحطي فيه الغسول ونفس الكمية 10 مرات ماء
واخلطيهم في غرشة وغسلي له بها
يعني تخففينه بنسبة 1 من 10 ,, بعدين حطي له فازلين او اي كريم ولبسيه الحفاظ,,
وان شاء الله ينفع معاه

انا اسمع نشا الذره حلو اذاكان بس احمرار بدون دم اما اذا فيه تشققات ودم اسمع سودو كريم
وانا افتكر امي مع اختي الصغيره كانت تخليها من دون حفاظ ايام ماتكون تعبانه من الطفح
وسلامته العريس الصغير

ما يشوف شر لصغير

والخوات ما قصرواا

خذي سوودو كريم ووايد زين بس اهم شي انك تهوين المنتطقه لمه بنتي صار لها جذيه عادي اني حتى وهي قاعده ما البسها حفاظ بكون شويه متعب بس انتي وصبرك

او خلي يتهووى وهو نايم فقط وما يشوف شر الصغير

انا عندي لج كريم اسمه سودو كريم وكينا كوب مره حلوين ومجربين والف سلامه عليه

مشكورين بنات====انا من أول ما جبته استخدمت سودو كريم بس بعد طلع ليه وقلت للدكتوره اتم استخدمه قالت سودو كريم وقايه عن الحرار مو اذا صا ر حرار ودم ما يفيد :(

أختي بقولج عن كريم نستخدمه لمثل هالحالات في المستشفى خصوصا انه سودو كريم ما فاد وياج الكريم اسمه ميبو كريم وهو مصنوع من مكونات طبيعية جدا ممتاز لإلتهاب الحفاظات حاولي تخلينه مع كل تبديل ليومين وبعدين ثلاث مرات في اليوم واهتمي بتجفيف المنطقة من الماي.
وتنبيه للأخوات الي يستخدمون كريم كيني كومب أو بانديرم فعلا هو ممتاز للإحمرار بس لازم ما نستخدمه اكثر من اربعة ايام لانه يحتوي على الكورتيزون ومدام في بدائل طبيعية ما يحتاج نلجأ لهذي العلاجات القوية.
مليشوف شر سيدان