النهاردة هنزلكم طريقتي في عمل المحشي
كان غدانا عبارة عن
محشي مشكل / فراخ محمرة / ملوخية /سلطات
المقادير
1 كيلو كوسة متقورة (( محفورة))
1 كيلو باذنجان
1/2 كيلو فلفل
1 كيلو طماطم معصورة ومتسبكة كوويس
3 بصلات متوسطين متقطعين قطع صغيرة
((بقدونس / شبت / كسبرة خضراء )) متقطعين نااعم اووي
1 كيلو ارز
زيت
بهارات ((ملح / فلفل اسمر/ كمون / بهارات / قرفة / كسبرة ناشفة / رشة كااري بسيطة))
الطريقة
اول حاجة نكون منضفين الخضار كوويس ونقوره وننقعه بمية وملح
بنحط الزيت / السمن علي النار لحد ما يسخن بعدين نضيف البصل
لما البصل يذبل شووية بنضيف الصلصة المتسبكة ونقلب شووية
بنطفي النار ونحط الخضرة بحب اعمل الحشو ني في ناس بتحب تسوويه شووية
بعدين الارز ونقلب
بنحط بقي التوابل المذكورة فوق ونحط معلقتين زيت ونقلبهم كوويس ونظبط الملح
بنحشي الكوسة
نحشي الباذنجان
نحشي الفلفل
ونرصصهم في الحلة كوويس بحيث يكونوا وااقفين
بنجهز المية اللي هنسقيه بيها
عبارة عن(( معلقتين صلصلة / كوب شوربة دجاج او لحم / كوب ماء / ملح وفلفل وبهارات ومعلقتين زيت )) بنقلبهم كوويس ولما يغلوا بنسقي بيهم المحشي ونرش شووية زيت علي وش المحشي بيخليه بيلمع وشكله جميل:093:
بالشكل ده
واول ما المية اللي في المحشي تغلي وتقل ونحس انه اتشربها كلها بنوطي عليه خاالص ونسيبه لحد ما يستوي
الطبق النهاائي
صورة كمان :016:
دعواتكم
سلااااااااااااااام
