الغيره عمت عيني وش الحل

السلام عليكم بصراحه انا عضوة جديده وهاذي اول مشاركه لي بالمنتدى لاني مالي احد اشكي له بعد الله قلت اكيد خواتي بالمنتدى راح يساعدوني ندش بالموضوع انا متزوجه لي خمس سنين ونص والحمدلله ماشي الحال يوم حلو ويوم مر بس مشكلتي اني غيوره وايد على ريلي لدرجة اني دايما افتش موبايله لين هو صار مو صريح معاي وجدامي كانه مايطالع شي حتى لو جا مقطع خليع في فلم اوشي يغير القناة بشكل مبالغ فيه المهم قبل فتره فتشت موبايله كالعاده ولقيت فيه نكته ماسخه مع صوره عاريه لمراه وهو ماسحها بس بعد ما ارسلها لبعض معارفه وطبعا هنا كانت الطامه :039:اني ما قدرت امسك نفسي وتوجهت له مباشره وهاجمته بالكلام وطبعاردت فعله كانت انه زعل وقال مالك حق تفتشي موبايلي ومن هالكلام يعني قلب الطاوله علي وطبعا السبه تهوري بس ولنا كم من يوم على هالحال ما يكلمني ولايعطيني ويه انا داريه اني غلطت بس في نفس الوقت حاسه اني من قهري مو قادره اعتذر وانه هو المفروض اللي يعتذرلي وماني عارفه اشلون اتصرف اتقرب منه من دون اعتذار اخاف يصدني ولا اعتذر ولا اطنش واستناه هو يعتذرلي بس ما اظن مع اني اعتبر انه ارساله لهاي الرساله يه قلة احترام لي موعارفه كيف اوصل الصوره بس انشالله تكونو فهمتو علي لاني متوتره ماني عارفه شاسوي:091: وابي ردودكم