لازم اهاادي عشان انحب

بناااااااااات انا هالسالفة وااااااااايد مضايجتني يعني الواحد لازم ينااافق ويهادي 24 ساعه عسب ينحب

انا من اول ما عرست كنت اهادي ام ريلي بالمناسبات تقريبا وكانت علاقتنا عادية بعمري ما حسيت انها تكرهني والا تفر علي رمسة .. وبعد ما كملت سنتين من زواجي تزوجوا 2 من اخواان زوجي وحده ما تهادي عمتي ابدا لانها ما تشتغل اصلا ووحده 24 ساعه هدايا .. ومن يوم ما بدت هذي الهدايا حسيت ام زوجي كارهتني وتنتقدني انا وحرمت الولد الثانية اللي ما تجيب ...اما راعيه الهدايا ف 24 ساعه مديح

اليين شهر 6 اللي طاف سوتلي مشكلة كبيرة من لا شيء .. قررت اجرب اهاديها 24 ساعه واشوف اهي تكرهني لذاتي والا لاني ما اهاديها وااايد واستويت اسبوعيا او كل اسبوعين اييب له شيء من دلال وفنايين لعلب شوكلت لصواني بسكوت لدخون وعطور واسواره ذهب الخ

وعاد الحب اللي تحبني اياااه اتقولون كني بنتها.... ومن اسبوع اشووفها قالبه علي ومبوزة وقامت تنتقدني اتذكرت اني من يوم العيد اللي طاف ما هاديتها

والله احس اني منافقه 24 ساعه اهاديها عشااان ترضى علي... بالذمة لازم اهادي عشان انحب يعني

مع اني مسالمة ومو مالت مشاكل .. عيل لو جاينهم حرمة ولد مشكلجية شو يسووون

انا يا بنااااااااات بامكاااني اهادي 24 ساعه الحمد الله اشتغل بس والله قمت احس عمري بهالهدايا انحب مش عشان تصرفاتي واخلاقي .. الناس ليش جذي صايره استغر الله العظيم

طبعا انا ما صارحت ولا مخلوووق باللي داخلي بس احس بحزن كبير وكأن الهدايا باب للرضا متى ما تنقطع خلااااص يبدأا الكره