السلام عليكم ورحمة الله وبركاته
بنات...بآدخل في الموضوع مباشرة
آنه احين في فترة نفاس بعد اجهاض، يعني في بيت أهلي، مشكلتي معا زوجي اللي كان ما ايحافظ على أداء الصلاة، وسألت شيخ من السعودية وقال لي حاولي معاه لأنه فيه بذرة خير
المشكلة الثانية اللي معا ريلي اهي التدخين، اهوه لما تقدم لي كان تارك التدخين، واحين رجع له، بس للأمانة ما ايدخن جدامي ولا ايدخن وايد، يعني 3 جقاير في اليوم تقريباً
حاولت معاه بكل الطرق انه يتغير بس كان يوعدني ويتغير يومين وبعدين يرجع، وكانت حجته الضغط في الشغل
بيتنا يدرون بكل العيوب اللي في زوجي لأني كنت آقولها يوم بيوم حق امي لحد ما حسيت انهم خلاااااص كرهوا ريلي وكرهوا عيشتي معاه، وآنه ما اوتعيت حق هالشي الا احين
قبل يومين صار موقف معا ريلي وكانت القشة التي قصمت ظهر البعير.... يعني ابوي اتصل في ابوه وقاله عن كل العيوب اللي في ولده، وانه يوم يتقدم لي كان بشكل واحين بشكل ثاني
اللي صار انه ريلي وابوه يوا عندنا البيت وصارت مشادات كلامية بينه وبين امي وابوي، وصار ان ريلي غلط على امي في الكلام وبعدين اعتذر... والسبب لأني آعرف ريلي هو انه كان غير مدخن وايحاول يترك التدخين، فعشان جذي ما ايسيطر على كلامه
امي وابوي اكرهوا زوجي اكثر واكثر، واحين قاعدين ايفكرون في الطلاق... امي اتقول اشفيها لو تطلقتي؟ واشفيها لو ما تزوجتي عقبه؟؟ واشفيها لو ما صار عندج بيت ولا اعيال؟؟؟ ناس وايد جذي، وريلج مب ثقة يعتمد عليه ولا عنده مسؤولية وحياتج معاه بعدين بتكون خاربة وبتتبهدلين في عيشتج
آحس بصراع داخلي بيذبحني... هل آرجع له وآدوس على كرامة امي وابوي؟ جذي ما بيحسب لي احساب عقبها ولا بيكون عندي ظهر وعزوة وسند
والا آتركه وآطلب الطلاق رغم اني آحبه وآدري اني ما بآقدر آعيش بدونه...... وحتى لو تزوجت واحد ثاني بآقعد آقارن بينهم ولا بآقدر آنساه.... هاذي في حال تزوجت، لأني حزتها باكون مطلقة
آخر اللي صار انه ابوي قالهم لا اتيون الا اذا زوجي تغير... ولا ايكلم بنتي ولا له دخل فيها... وزوجي البارحة لامني ليش اني دخلت الاهل وكبرت الموضوع
هل كنت غلطانة لما كنت آشتكي حق امي؟؟؟ هل آنه المذنبة؟؟؟
هل غلطت لما قلت حق ابوي ايكلم ابوه في لحظة غضب مني خاصة اني في حالة نفاس ونفسيتي تعبانة؟؟؟؟
شآسوي احين؟؟؟ شوروا علي؟؟؟؟؟
علماً انه ما مر على معرفتي بزوجي اكثر من 8 شهور ما بين ملجة وزواج... وزواجنا كان مبني على خطوبة تقليدية وصليت الاستخارة في الزواج اكثر من شهرين
بنات...بآدخل في الموضوع مباشرة
آنه احين في فترة نفاس بعد اجهاض، يعني في بيت أهلي، مشكلتي معا زوجي اللي كان ما ايحافظ على أداء الصلاة، وسألت شيخ من السعودية وقال لي حاولي معاه لأنه فيه بذرة خير
المشكلة الثانية اللي معا ريلي اهي التدخين، اهوه لما تقدم لي كان تارك التدخين، واحين رجع له، بس للأمانة ما ايدخن جدامي ولا ايدخن وايد، يعني 3 جقاير في اليوم تقريباً
حاولت معاه بكل الطرق انه يتغير بس كان يوعدني ويتغير يومين وبعدين يرجع، وكانت حجته الضغط في الشغل
بيتنا يدرون بكل العيوب اللي في زوجي لأني كنت آقولها يوم بيوم حق امي لحد ما حسيت انهم خلاااااص كرهوا ريلي وكرهوا عيشتي معاه، وآنه ما اوتعيت حق هالشي الا احين
قبل يومين صار موقف معا ريلي وكانت القشة التي قصمت ظهر البعير.... يعني ابوي اتصل في ابوه وقاله عن كل العيوب اللي في ولده، وانه يوم يتقدم لي كان بشكل واحين بشكل ثاني
اللي صار انه ريلي وابوه يوا عندنا البيت وصارت مشادات كلامية بينه وبين امي وابوي، وصار ان ريلي غلط على امي في الكلام وبعدين اعتذر... والسبب لأني آعرف ريلي هو انه كان غير مدخن وايحاول يترك التدخين، فعشان جذي ما ايسيطر على كلامه
امي وابوي اكرهوا زوجي اكثر واكثر، واحين قاعدين ايفكرون في الطلاق... امي اتقول اشفيها لو تطلقتي؟ واشفيها لو ما تزوجتي عقبه؟؟ واشفيها لو ما صار عندج بيت ولا اعيال؟؟؟ ناس وايد جذي، وريلج مب ثقة يعتمد عليه ولا عنده مسؤولية وحياتج معاه بعدين بتكون خاربة وبتتبهدلين في عيشتج
آحس بصراع داخلي بيذبحني... هل آرجع له وآدوس على كرامة امي وابوي؟ جذي ما بيحسب لي احساب عقبها ولا بيكون عندي ظهر وعزوة وسند
والا آتركه وآطلب الطلاق رغم اني آحبه وآدري اني ما بآقدر آعيش بدونه...... وحتى لو تزوجت واحد ثاني بآقعد آقارن بينهم ولا بآقدر آنساه.... هاذي في حال تزوجت، لأني حزتها باكون مطلقة
آخر اللي صار انه ابوي قالهم لا اتيون الا اذا زوجي تغير... ولا ايكلم بنتي ولا له دخل فيها... وزوجي البارحة لامني ليش اني دخلت الاهل وكبرت الموضوع
هل كنت غلطانة لما كنت آشتكي حق امي؟؟؟ هل آنه المذنبة؟؟؟
هل غلطت لما قلت حق ابوي ايكلم ابوه في لحظة غضب مني خاصة اني في حالة نفاس ونفسيتي تعبانة؟؟؟؟
شآسوي احين؟؟؟ شوروا علي؟؟؟؟؟
علماً انه ما مر على معرفتي بزوجي اكثر من 8 شهور ما بين ملجة وزواج... وزواجنا كان مبني على خطوبة تقليدية وصليت الاستخارة في الزواج اكثر من شهرين