Gahadaa;11006639:
الله يثبتج على دينج ويستر عليج بالدنيا والآخرة ،، شوفي اختي اغلب الحوامل يتابعون في حمد ويلجؤون للخاص سواء كانت عيادة او مستشفى المهم تكونين مرتاحة عند الدكتورة الخاصة
وسواء خاص او حكومي محد ينكشف ولله الحمد ،، والسترة عندنا موجودة ،، وغرف الولادة في حمد ممنوع دخول الرجال ،، ولهم اماكن انتظار معينة
بالخاص يقدر الزوج يدخل غرفة الولادة ،، بس محد ينكشف عليج وكله حريم ،، بس احيانا طبيب التخدير يكون رجل لو احتجتي او طلبتي ابرة الظهر وممكن تطلبين وحدة اذا متوافر عندهم وباقي الطاقم يكون نساء ما في رجال
اسعار الولادة بالمستشفيات الخاصة 10000 ريال وفوق هذا حسب المكان وحسب ولدتي طبيعي او قيصري ،، طبعا القيصري اغلى وممكن يكون الأطباء رجال بس هذا الشي يرجع لج
بالنسبة للغرف والنظافة ترى النظافة في كل المستشفيات الحكومية والخاصة الحمدلله ،، اما الأكل يرجع لذوقج بس اغلب الحوامل ازواجهم واهلهم يجيبون لهم اكل من برة وما يعتمدون على اكل المستشفيات ،، وبالنسبة للغرف الخاصة ممكن ما تتوافر بحمد بس هذا الشي ما يمنع انه زوجج يكون موجود طول الوقت او اغلب الوقت لأن كل وحدة لها ستارة تفصلها عن الثانية ،، لكن ممنوع ينام عندج لو الأم او الأخت او الصديقة ممكن
وانتي ما تقدرين تقررين الا اذا جيتي الدوحة وشفتي كل المستشفيات ،، والمكان اللي ترتاحين فيه روحي له ،، انتي متى جاي الدوحة ؟؟
اذا الميزانية عندج اوكي روحي المستشفى الأهلي احسن واكبر من مستشفى الدوحة والأطباء احسن واكثر ،، والخدمات والغرف افضل بس مثل ما قلتلج انه غالي ،، اذا زوجج عنده تأمين صحي يغطي التكاليف روحي الأهلي ،، بس على فكرة كل الحالات اللي تستعصي المستشفيات الخاصة يحولوها على حمد
اسفة طولت عليج بس حبيت اشرح لج الوضع كامل لعل تفهمين شي من الوضع عندنا ،، ولو عندج اي استفسار انا حاضرة ،، واذا وصلتي الدوحة انشاءالله بنقولج عن احسن الدكاترة في مستشفى حمد والأهلي
الله يبارك فيكي على الإجابة أختي الحمد لله إرتحت لمستشفي الاهلي لإني شفت كثير يشكرو فيه و الحمد لله زوجي عندو تأمين صحي بشغلو يعني بالنسبة للفلوس ما في مشلكة
و زوجي يريد الدخول معي عند الولادة إن شاء الله و يبقي معي بالغرفة ينام معي لإني أنا بكون لحالي بالدوحة من غير أهلي يعني هو ديما معي
و بالنسبة للطبيبة حسب ما شفت بالنت الكثير يشكر في الدكتورة زينات روزفي و الدكتورة سميرة هل تعرفيهم؟؟؟؟
و هل في بمستشفي الأهلي في طبيبة تخدير إمرأة؟؟
أنا إن شاء الله بعد 3 أسابيع أكون بالدوحة بإذن الله
و كمان سؤال من وين ممكن الواحد يشتري تجهيزات البيبي بأسعار معقولة؟؟