احبه بسس ... شو أسوي ؟! أبا النصيحه

السلاام عليكم

طبعااا سالفتي اكيد شفتوو منها وايد .. بس ابا رايكم ونصيحتكم لي
وقريت وايد من هالمواضيع فالنت حاولت استفيد منها بس ماقدرت

ببدا فالموضوع من دون مقدمات

اول شي انا من النوع اللي مايحب العلاقات بين الشباب والبنات والتعارف بينهم وهالقصص الا بنيه الزواج لكن انا دخلت فهالعلاقه ..
من فتره كنت ادخل النت طبعا كنت اعرف انه هالاشياء ماتصير واني مستحييييل اتعرف على واحد كان شي مستحيييل بالنسبه لي لاني انا مب من البنات اللي يتعرفن على شباب وهالشي ماسمحه لنفسي ولا ارضاه لاهلي


دخلت النت من باب الفضول وطبعا ماكنت اتعرف على حد ابدددااا لا بنت ولا ريال مجرد كلام سوالف وانتهى الموضوع

بس مع الايام تعرفت على واحد وهو اكبر عني بسنه .. فالبدايه مارضيت بهالشي كلمته كم مره على الماسنجر وسويتله بلوك ودليت بس رد طرشلي رساله قالي رديني ومن هالكلام ورديته وطبعاا اكثر عن مره حذفته من عندي بس ارده .. مادري شو حسيت بهالانسان وليييش هو بالذات اللي استمريت وياه ..


انا يوم تعرفت عليه كان عمري 15 سنه ونص .. والحين عمري 19 سنه يعني لي ثلاث سنوات ونص اعرفه وعلاقتنا كلها كانت على النت بس
كنا ايام الاجازات كل يوم نكلم بعض وايام الدوام فالوكيند بس
وباسوورد ايميله عندي وباسووردي عنده

وانا من طبعي مااثق في اي انسان خصوصا النت وهو كان انسان واضح وياي بس اخلي احتياطي ومااقوله اي معلومات عني
المهم انا مع الايام حبيته وهو حبني
لين كملت 3 سنوات تقريبا وانا مثل ماانا بسس ع النت بس بعدين خذ رقم تلفوني وبينا مسجات بس مابقولكم ماكلمته .. لا كلمته كم مره وكانت دقايق بس
ولاني انا مارضيت اني اكلمه وطبعا مابرضاها
المهم انا ماتماديت بس حبي له خلاني اكلمه كم مره وشافني مره فمكان !

لكن بعد كل شي اسويه احس بتأنيب الضمير افكررر واايد واندم على كل شي
احس اني خاينه احس اني اخون ثقه اهلي فيني .. هلي واثقين فيني بدرجه كبيره
بس خايفه انه ايي اليوم اللي اخسر ثقتهم فيني
وغير هذا خوفي من ربي واخاف ربي يعطيني زوج يكون خاين او يعرف حريم
وخايفه انه مايوفقني في حياتي
لكني مااااقدر اتخلى عنه والله مااااقدر حاولت اكثر عن مره انقطع عنه كم يوم واتخيل انه علاقتنا انتهت بس ماقدرت
يمكن تقولون كيف ماتقدر وليش وانه سهل .. بس اللي ماجرب بشوفه سهل
والله اني اعيش بضييق يوم افارقه ولو كان لأي سبب حتى لو زعل او ظروف او اي شي كيف لو انتهت علاقتنا
حتى يوم حد يتقدملي غير الاسباب اللي خلتني ارفضهم .. اول مااسمع انه حد اتقدم تفكيري يروح له واتخيل اني بخليه واحس بضييق كيف بتخلى عنه

بس انا بعد تفكير طويل حاولت اني اخليه واطلع من حياته
ربي واهلي اهم شي عندي فالدنيا وحاولت انساه او اتخيل انه شي مب مهم في حياتي
قلتله خلااص بنسحب من حياتك واللي بينا بينتهي ووضحتله كل الاسباب
والله العظيم في حياتي ماحسيته يحبني كثر هاللحظه يوم قلتله هالكلام
قالي مايقدر يعيش من دوني والله انه احساسي نفس الشي بس مابينت له

انا قلتله انا مارضى اتم وياك تحبني واحبك ليين متى يعني ! كيف اكون لواحد يحبني ويتسلى بحبي لفتره معينه ويخليني بعدها ..
وهنيه اول مره يصارحني قالي انه هو مايحبني لتسليه مثل ماافكر انا وانه هو يفكر فيني وانه ناوي يتقدم لي

طبعا هو عرف عني كل شيييي كل شيي .. اسمي الكامل معلوماتي كلها اهلي شافهم كلهم من اكبر واحد لأصغر واحد
امم عرف جنسيتي طبعا هو جنسيته تختلف عني وانا هالشي ماكنت اشوفه مهم لكن توقعت لو عرف بيكون موقفه غير وانه يمكن يتضايق .. لكن كان عاااادي وماتغير شي

اكيد بتقولون كيف عرف هالاشياء هو بطريقته دور على هالمعلومات واهلي شافهم يوم شفته في مكان عام
ولو كان هالاشياء عرفها من قبل كنت يمكن اخاف او اتندم او او او .. لكن الحين عادي صرت اثق فيه
يمكن ثقتي زايده بس احس انه قد هالثقه
وهو يثق فيني مثل مااثق فيه
وبصراحه انا مابلقى مثله

بس حاولت اني اكون قويه واقرر وابتعد وانساه
وهو حاله تغير وصار متضايق واهله لاحظو عليه انه فيه شي وهو قالي هالكلام
وقالي حياته من دوني جحيم ويحس انه وحيد
من بعد يوم ماكلمته لا مسج ولا ايميل قلت بخليه ولا برد عليه خلوه هو بينساني
بس مااقدر قلبي يعورني والله
واشتاقله

ومايباني اخليه بأي طريقه

بس انا خايفه ان تميت وياه .. اخاف لاني عارفه ان اللي اسويه غلط وحرام وبعدني مستمره
واخاف ان حد من هلي يعرف اني اكلم واحد بخسر ثقتهم .. وخوف حتى لو اني استمريت وياه ومثل ماقال تقدم وخطبني
انا اخاف من الزواج اللي يكون بهالطريقه .. اخاف انه زواج فتره ومايستمر ولا يدخل الشك فحياتنا ..

قلتله بفكر خلني كم يوم لان بعد ماخليته ومارديت عليه ماقدرت ورديت عليه بمسج وقلتله اني فكرت فالموضوع بس رايي ماغيرته وانا مصره انه نفترق
بس كلامه يخليني اتردد هو يحبني ومصر اني اتم وياه لين يتخرج وانا مافهمت ليش لين يتخرج بس هو قالي من قبل انه اول مابيتخرج بيتزوج
وقالي هذا طلبي الاخير مابطلب منج شي

ماادري شوو اسوي تفكيري (( هلي ... )) ولا هوو

شو اسوي وشو اقوله احترت والله عايشه حياتي بين نارين ماعرف شو اسوي

ابا نصيحتكم