عمتي والقهوة

بنااااااااااااات اليوم استوالي موقف يمكن معظمكم بيشوفه عادي بس انا من النوع الحساس وما اتحمل اي رمسة

عمتي يايه تتغدا عندنا اهي وبناتها وحريم عيالها فجأة ريلي يووه شباب بدون موعد يعني على غفلة وقالي سووي جاي وقهوة بسرعه قلتله انت تعرف ان ما عندنا قهوة ولا نسوووي القهوة كان يسير يشتري قهوة ودش الصاله عند امه قالها سويلي قهوة بيوني شباب بعد شوووي كاااااان امه تبوز كان يقول لخواته وحده منكم تعرف تسوووي قهوة والا ترد امه وتقول خواتك مثل حرمتك ما يعرفون يسوووون شيء والا تنش حرمة اخووه وتقول انا بسير اسوووي

الصراااااااااااااحة انا اعرف اسووي كل شيء حتى سحلب ما يسوى علي يوم ما اعرف اسووي قهوة اعرف ان القهوة انكتها فوق الماي وانتهى الموضوع بس ما فكرت قبل اسوووي لان محد يزورني غير صديقاتي وهم مثلي ما يشربونها

انا رمستها زعلتني لانها صغرتي جدام حريم عيالها وجني اخرطي ما اعرف اسووي شيء طبعا انا يوووم ازعل يبين علي كان اسير غرفتي لحقني ريلي قالي شفيج قلتله الصراحة انا اتجنب هالرمسااااااااااااااات ومع ذلك توصلني وانا مشكلتي اني ما احب اقفط حد كنت بكل بساطه بقوولها الغاليه انا اعرف اسوووي كل شيء واسالي ولدج ومو مشكلتي يوم بناتج فاشلات بالمطبخ بس ما احب اكبر السوالف طبعا ريلي يلس يقولي والله انتي لو يالسه وياها بالبيت بتعرف انج راعيه مطبخ بس انتي بعيد ... قلتله المفرووض عيل انت تقولها نفس الوقت يمه حرمتي راعيه مطبخ مب تخليها تفر علي رمسه عسبت قهوة الصراحة ما يسوى علينا هالقهوة

الصرااااااااااااااااحة اللين الحين مقهووورة لاني سكت وخليت عمري مضحكة جدام اليالسين

لو رديت كان صح بتزعل اهي بس انا برتااااااااااااااااااااح