عرس اختي قريب ومب عارفين شو انسوي

معقولة باجي 3 أسابيع و الين الحين ما سويتوا شي:eek:

أنصحج بأنج تبحثين في المنتدى لأن كل الأشياء اللي تحتاجينها بتلقينها

وشكرا

اووووووووووووووف وايد متأخرين.....

انزين أختي انتي من وين عشان نعرف نساعدج.....؟؟؟

انزين أختي انتي من وين عشان نعرف نساعدج.....؟؟

هلا
اذا كنتي من جده ممكن اساعدكي بس كيق القاعه الي بتوا فيها الفرح



:z_bye:

حا ضرين اختي للطيبين بس عاد ما قلتيلنا انتي من وين:eek:

هلا اختي ربشه...

لا تشيلين هم 3 أسابيع مو كثيره.. بس ان شالله ما راح تتعطلين..

انتي بس خبرينا انت من وين وان شالله محد بيقصر معاج

ولو ترجعين للمواضيع في المنتدى بتحصلين كل اللي تبينه

:) :) :) :)

[c]السلام عليكم..

اول شي هدوا الاعصاب.. تراها اهم شي..
وسوي التالي:

الاسبوع الاول:

- تأكدي انج حجزتي كل المواعيد. من الصالون للشعر للمكياج..

- تاكدوا انكم محصلين الفستان.. واذا لا .. روحي شوفي المحلات اللي تأجر الفساتين.. (عندج رحمانيان - اسكاليني - اروشي) والكثير منهم

- حطي برنامج لاختج.. بحيث كل يوم تسوي شي.. يعني يوم لشراء قمصان النوم فقط .. يوم للبدل.. يوم للمكياج.. بحيث تبدأ بالاشياء المهمة اول واللي تحتاج وقت طويل لاعدادها مثل الجلابيات والمخاوير والمغربيات

صدقيني.. باذن الله.. اذا كل يوم حددتوا شي تشترونه.. بتخلصون.. باذن الله.. بس شوي شوي..

وخليها تكتب شو محتاجه.. عسب تعرف شو تشتري بدون ما تنسى شي.. :)

اتمنى اني قدرت اساعدج

[/c]

[c]السلام عليكم..

نسيت اقولج على المكياج.. انصحج بدولا .. في صالون دولا (بوظبي)
ولينا في صالون بافان.. روووووووووووعه مكياجها[/c]

هلا خواتي السموحة مادخلت اليومين اللي طافن

واقولكم انا من بوظبي وبالنسبة لصالون دولا اتصلنا فيها قالت انها مزحومة يوم عرسنا وفيه ناس حاجزين عندها وماتقدر

والحين حجزنا عن جويل بس الى الحين مب مقتنعيين


الغالية ملالالالاك اسكاليني - اروشي) وين مكانهم ؟؟؟ بالضبط

بعدين اقولج الغاليه احنا من يوم السبت بنبتدي انجهز للعرس وما ادري واين انسير اول شيء ؟؟؟؟؟؟؟ اتمنى اتفيدوني بسرعه لانه صدق ماباقي شيء

وووووووينكن يا بنااااااااااااااااات ؟ ؟؟ ؟ ؟ ؟ ؟ ؟ ؟ :confused: :confused: :confused: :confused: :confused:

ابدي بالاقمشه الي تريد خياطه هذا اهم شي لان باقي الاشياء جاهزه وممكن تشتريها من السوق . وبعدين ممكن تتساعدوا انتي وخواتك كل وحده تسوي شي عشان تخلصوا يعني مثلا وحده مهمتها تشتري المكياج والثانيه العطور ..............الخ يعني تعاونوا عشان ما تتوتر العروس :D وان شاءالله بيكون كل شي جاهز على العرس

هلا الغاليه...
بالنسبه للمكياج عندج باريس غاليري و ماك
الصالونات في ناس يعجبهم شغل جويل ...اذا سويتو برفا وعيبكم تمو عليها
عندج بعد ريتا الكورنيش رزدينس...
الغلاليب المغربي ماضني بتلاقون وقت لين يخلصن خذو جاهز وفصلو بس بيخلص عقب موعد العرس تدرين يباله شهر..جربي روحي عند النفيس احلى شي بس غاليه ومراكش وعندج الحسنا اسعارها ارخص..يمكن اتلاقين جاهز عندهم...
قمصان النوم والملابس الداخليه عندج في الحصن بلازا محل للملابس الداخليه ماركات مسوين تنزيلات فرصه..وعندج ابوظبي مول والمارينا فيهن محلات حلوه...
الشراشف عندج زهرتكس في المارينا وهوم سنتر وايكيا واذا تبين اتفصلين فرشه فخمه روحي عند انا و طفلي...
هذا الي اقدر اساعدج فيه ;)

[c]السلام عليكم..

اختي اروشي في جمـــــــــيرا تقريبا قريب حديقة الحيوانات..

وسكاليني.. ما اعرف اسم الشارع.. وانتي يايه من برجمـــــان سايرة جدى جسر المكتـــوم.. ع ايديج اليمين.. :)

اوكي..

ع موضوع الزهبة..
اول شي ابدوا بالمخاوير والمغربيات.. يعني الاشياء اللي تحتاج وقت لين تخلص.. والعبايات والشيل.. الاشياء اللي تجهيزها ياخذ وقت.. وخلي الاشياء الثانية وزعيها بالضبط بالتساوي.. :)

اوكي
[/c]

مشكورات على المساعدة ولكن بأخذ رايكم في شيء المغربيات لقينا وحده اتبيعهم جاهزين من روماندي بس اسعارها من 2000 و1500

شو رايكن هل هذا سعر غالي ولا ؟؟؟؟ بالنسبة للمكياج فكرنا انسوي بروفه عند اجويل واذا ماعجبنا بنحجز عند باريس غاليري



أختي ذوق اتوقع التنزيلات خلصت في بوظبي مول والمارينا لاني كنت عندهم الاسبوع االلي طاف وكان اخر يوم ايقولون ما ادري صدق ولا دعايه ،، اختي ذوق اشرايج في محل فتاة 2000 اللي في المارينا تتوقعين زين ناخذ للعروس من عنده ؟؟ ترى احنا ما نفهم في هالشغلات كلنا عزابيات :)





ملاك احنا بنأخذ اغراضنا من بوظبي مافينا على دبي يبالها مشوار

:rolleyes:

خواتي انا بعدني طمعانه في خبرتكن ومروركن على الموضوع بليز لاتنسونا:(

[c]السلام عليكم..

الغاليه بوظبي ماشاء الله فيها كل شي. من كل المحلات.. بس اللي بيخرب عليكن عاده انه هالوقت او هالموسم موسم تنزيلات يعني بضاعه ارف. الله يعينكم.. :)

بس ان شاء الله تحصلون شي.. ونصيحه لاختج.. قوليلها لا تتشرين وايد.. بس خذي اشياء ضروريه.. وبعدين اشتري عقب العرس.. لانه هذا كله بينحط في الكبت ..

هاي نصيحة قدموها لي اكثر عن وحده.. وكلهن معرســـــــــــات...
ربيعتي تقولي ما خليت شي ما اشتريته.. تقولي والله اني متغمضة عليه معقووووووووووق في الكبت.. :)

اتمنى اني قدرت اساعدج.. :)

وسلامتج..


[/c]

مشكووورة ياملاك :o بس والله فيه اشايء وايد حلوة يعني بالتنزيلات يكفي انها ماركة :)

تحياتي لج ربشة:D

[c]السلام عليكم..

هو شي اكيد.. بس سعات تنقهرين لانه ودج تكونين انتي وبس عندج هالاشياء.. يعني مب 99% من بنات لبلاد عندهم.. :)

العروس غير ترى..
هذا كل مافي الموضوع..

عسى ربي يتمم ع خير ان شاء الله..
ويسهل امورها.. واموركن...

انا عرسي بعده باقي عليه وايد وماكله هم الزهبه من الحين..
[/c] :D :o

[SIZE=2]اختي ملاك الإمارات مبروك مقدما..

أختي ربشه..
الله يعطيج العافيه.. أنصحج بصالون صوفيا بيوتي مكياجهم رائع وسعرهم معقول

بالنسبه لقمصان النوم يفضل ان اختج ما تكثر منها لضيق الوقت، يعني تاخذ لها مبدئياً 15 قطعه وبعدين الخير فيكم .. عندج وايد محلات لقمصان النوم أولهم نعومي بتحصلين عنده كل شي للعروس

وبعد فتاة 200 في المارينا يمدحونه

صحيح... بالنسبه للمغربيات أحس ان سعر اللي حصلتوهن شوي غالي

وإن شالله يمر عرسكم على خير[/SIZE]

[c]السلام عليكم..

الله يبارك فيج الغاليه ام عبدالملك..

والله يتمم ع خير اختي الربشــــــــــة.. :)
واذا احتجتي اي شي ترانا موجودين.. :)


[/c]