مقادير العجينه لبيتزا وحدة كبيرة
2 كوب دقيق
ذرة ملح
معلقتين كبار زيت
نص معلقة خميرة فوريه ندوبها في ربع كوبايه ميه مع معلقة سكر
ونص كوبايه حليب او ميه
ومعلقتين كبار لبن نيدو ولو مفيش مش مشكله
هنعجن اول 3 حاجات سوا شويه
نضيف الخميرة والميه او الحليب ولبن نيدو
نعجبن لحد ما يبقى عندنا عجينه طريه مش بتلزق في الايد اوي ونغطيها ونسيبها تخمر ساعتين
نجهز صينيه البيتزا وكمان نجهز العجينه عشان نفردها
نفرد العجينه كويس في الصينيه وانا بحبها رفيعه شوية
ونسيبها في الصينيه لحد ما نقطع ونجهز الحو
هنعمل الصلصه
بصله صغيرة نحمرها ونضيف عصير طماطم ونسيبهم يتسبكوا وبعدين نضيف شوية اوريجانوا او زعتر ونص معلقة سكر ونص معلقة توم بوردة او فص توم مهروس
ونفردها على العجيننه
وانا ساعات بكبر دماغي وبحط كاتشب بيدي نفس النتيجة
دلوقت بقى دة الاساس بقى جاهز ونقدر نحشيها اي حاجة نحبها على مزجنا
انا المرة دي عملتها بالبسطرمة
وحطيت مع البسطرمة زيتون اسود وفلفل الوان
واهم حاجة جبنه الموتزاريلا جوزي بيحب اوي اني اتوصى بالجبنه جدا وفعلا بتبقى احلى وندخلها الفرن على 170 درجة لمدة 15 ل 20 دقيقة
http://www.3roos.com/files/ups/2010/101117/11262257136.gif
وهنا بعد ما طلعت من الفرن
يارب تكون عجبتكوا