معاً نحو بيت منظم و مرتب

السلام عليكم

شلونج اختي..

اول شي لازم تبدأين من الداخل ..

يعني الخزانات والدرورس..

افرزي الأغراض المهمة اللي تبينها خليها في مكان قريب منج.

والاغراض الزايدة عن حاجتج وديها في الخزانات فوق.

الاغراض اللي مستغنية عنها الصالح منها اتصدقي فيه عطيه خواتج، او قطيه عطيه الخدامة المهم اتصرفي فيه.

خلصنا من الخزانات

اول ما تقومين من النوم رتبي سريرج على الاقل عدلي الغطاء.

لمي الثياب الوسخة في سله .


وزعي سلة القمامة في كل غرف البيت وخلي فيها كيس عشان يسهل التنظيف.

ننتقل للحمام الله يعزكم

اشتري القطع اللي توضع في السيفون من كلوركس.

واخذي معطر الجو .

لا تستغنين عن الدخون والعود ..

ورتبي كل شي اول بأول، وغسلي مواعينج بعد بسرعة لا تتكدس وتطلع الريحة.

واذا ذكرت شي بكتبه.

واذكرو النظافة من الايمان والوساخة من الشيطان..

مسووزه :032:

معااج وبقووه بعد .!!

انا مالي شي معين امشي عليه :057:..
ويمكن هذا غلط ماادري ..

انظف كل ما شفت الشي محتاج ومرات اتخاايب :01:..
واتمنى موضوعج يساعدنا ونظف بنفسس خخخ ..!!

مرات انظف واهلك نفسي:056:
ومرات لو شنو ما اتحرك :010: ولا يصير لي نفس ..
وبتالي اتعب لانه تراكمت علي الاشياء ..!!
وما ادري وين ابداء ووين انتهي :091:

واكثر شي يضايقني الثيييياب والكوواي ..
صار لي فتره:058: كل نوديهم الكوواي ..!!

عموما

معااج خيتتو وان شاء الله نستفييد ..
ونعرف ننظم نفسنا ولا نستسلم :096:

هلا فيكم خواتي نورتوا الموضوع بمروركم

نور المدينه مشكورة على النصايح الحلوة و ياليت لو تفصلين لنا اكثر عن طريقتش في ترتيب الملابس مثلاً أو الأدراج وتنظيم أغراض المطبخ جدي يعني ولو تكون بالصور نور على نور


أم علاوي هلا و غلا اني بعد كان نظامي جدي و نفسيتي مثلش مرات اشن هجوم مسلح ومرات اتملل وما احب اشتغل بس شغلة تنظيف الي تطيح عيونا عليه مو كافيه لأن في أشياء ما تطيح عيونا عليها من جدي سويت لي جدول يومي و اسبوعي وشهري بس مو شرط التزم فيه لووووول


بس اهم شي يكون عندنا عزم للتوبه وعدم الرجوع للذنب ههاي وبعدين نتوكل على الله ونشمر عن سواعدنا و نبتدي


وعدتكم بطرقي الي استخدمتها في التنظيم بس شوي تعبانه الحين بس اوعدكم بها مره ثانيه متى ما الله اراد


انتظر تواصلكم ويانا

تسلم ايدك على الموضوع رووعه
بتكلم عن تجربتي الشخصيه وخااصه الي عندها بنوته حلوه عمرها 3 سنوات وفوق لان هااااذا العمر الي البنت تلبس وتبدل عشرين مره باليووووم اه اه اه اه عذاااااااااااب خخخ بس طبعا الحل عندي افا عليكم

تجيبين البوكسات الي يسمونها استورج بوكس تحطين فيها الملابس الي غير مهمه اقصد الي تكون زاايده يعني مثلا ماااله داااعي راااازين عشر بجااايم حطي بجامتين او ثلاثه والباجي حطيهم ببوكس انيق وخليهم بدرج مرتفع يعني يكون قريب منك يعني بوضوح اكثر يكون بنفس الكبت بس بالدرج العالي تخلين فيه

الجواريب ايظا لزم ينحطون بقسم خاص فيهم مع الاحذيه

لو الاطفال عندهم كتب اشتري مكتب للكتب ينظم ويلم الكتب والاوراق

بنسبه للمنظفات من الاهم والاولويه التفكير بمكان تخزينها اولا بعيد عن الاطفال والثاني بعيد عن الحراره يعني ماتنحط بالقرب من اشعة الشمس
وتنلم بكبة للمنظفات ويكون بعيد عن ايد الاطفال

وان شاء الله الكلام الي كتبته يكون في شي مفيد وكل الشكر على فتح الموضوع لطرح والاستفاده من تجاربكم

يعطيكم الف الف عافيه
ويسعدكم ربي وربي بتحلون مشاكل كثييييييييييير
انا مملكه باقي ماتزوجت
يعني ساكنه عند اهلي بس شغل البيت كله علي
ههههههههههه
وامي الله يسعدها تساعدني بس احيانا
اكره شغل البيت لانو بيتنا كبيييييييير وواسع مشاء الله ودورين
فيصعب علي ترتيبه
عشان كذا بكون متابعه لكم

موضوع حلو مسز وان شاء الله نستفيد من بعض
انا مثل أم علاوي..
ما عندي شي معين أمشي عليه..
خاصة اني ثقيلة الحين، متى ما احس بالنشاط اقوم اشتغل..!!

موضوع حلووو .. ومهم ..

اغلب البنات .. بشتكون من سالفه عدم كفاية الوقت ..

ان شاء الله هالموضوع يساعدهم ويكون مرجع لهم ..

مشكوورة مسز .. ويعطيج الف عافية ..

مشكوورة

تسلمين مسوزة على هالموضوع توه أمس كان في بالي أقول ما دامت مسوزة مواضيعها حلوة ليش ما أقترح عليها تفتح لينا تجمع يكون خاص بترتيب البيت يعني كل وحدة تدش تقول شسوت من تنظيفات ويش باقي عليها

اخ جبتوها على الجرح

مشكوووره مسوووزه على الموووضوووع
والله انااا ساااعااات اجوووفيني يوووم كااامل ما اقعد انظف
البيت كااامل وبذمة وضمير
وساااعاااات اتكيسل ما اسوووي شي

ليش فتحتي موضوع جديد ؟؟؟؟؟

انا هالشي اتبعته مؤخراً
وشفت ما فيه اي تعب ويا ليت اتبعته من زمان

\\

اول ما اطبخ على طول اغسل الصحون
ما اخلي شي يتراكم
ومرات اخليه لين بعد الوجبة واغسلهم
هذا بالنسبة للصحون

\\

الملابس جمعتهم كل يوم اغسل تقريبا غسلتين او ثلاث يعتمد
على التجفيف
والحمدلله ما باقي الا شوي واخلصهم طبعاً هذا عشان انا كنت احب التراكم
بس قررت انه كل ما صار عندي 10 قطع اغسلههم اول بأول عشان ما في شي يتراكم عندي
هذا النسبه للملابس

\\

كواي الملابس
قبل كنت اصفطهم .. وزوجي يوم يطلب اكوي له اسحب الشي اللي يبغيه واكويه وخلاص
هالمرة قلت بغير النظام اسهل علي
بعد غسيل الثياب اكوي الملابس والجلابيات واعلقهم بالكبت
متى ما حب عنده كل شي مكوي وجاهز

\\


الكبت اهم شي طوي وتقسيم الملابس
عشان ما يكون عفسه كل مرة ويبي لج تصفطين

\\

بما انه شقتي سجاد ف كل اسبوع مرة او مرتين اكنس
والحمدلله ما في شي يتعفس بما انه احنا شخصين بس


واذا في شي راح اقولكم اياه

مشكورين حبيباتي ع التفاعل

و سوري ما برد على كل وحده بروحها بس حبيت اقول اني في موضوعي شلون تنظمين يومج اتكلم عن تقسي الوقت بين الزوج و البيت و الأولاد و الاهتمام بالنفس و جدول اعمالكم و العناية بنفسكم و اخبار الكرف و اصوله


و في هذا الموضوع اتكلم عن تنظيم وترتيب البيت يعني شنو الشغلات الي تنظم الأدراج أو الملابس و ترتيب الحمامات و المطابخ


أتمنى فهمتوا قصدي و إذا تبون ندمج الموضوعين هني براحتكم انتظر رايكم


و أشكر جود ع المشاركة بخبرتها و أم نور ع الإطراء وهذا من ذوقش حبيبتي