شحالكم خواتي الغاليات ...(:
اليوم حبيت احط لكم اللوك اللي سويته في عرس اليمعه الطاف ...
و هذا اول لوك لي .. شجعوني هاا خخ ..×؛×
بسم الله نبدى ..
:
اول شي الصبح .. عقب ما نشيت من الرقاد .. غسلت ويهي بصابونة البابايا ... و مسحته باسكينول ( احاول دايما اني ما ازود من مرات استخدامي للصابون ^؛^ )
::
و الظهر جي ... سويت ماسك اختي و حبيبتي شوشو " دلوعه × حبوبه " .. و اللي هي عباره عن ( حليب + عسل + طحين ) ..
::
و ع المغرب ... قبل لا ابدى بالميكب ... غسلت ويهي بماي بارد ... و حطيت مرطب نيفيا ( غلطتي ما ترييته ينشف عدل >؛< ) ..
::
و عقب بدينا بالميكب ..^؛^
اول شي السمر كيك عدل مدل ع الويه و الرقبه ...
::
و بعدين الكونسيلر ...
::
و عقبها البودرة المضغوطه من ديانا اوف لندن ..
::
و اخيراً ... اللوس باودر من بورجواس .. بأكبر فرشاه عندي ..
::
و طبعا الفرشاه اللي شعرها ابيض هع ... استخدمها في ازالة الشدو اللي يطيح من العين اثناء ما نحن نحط ..
::
يينا لأصعب مرحله ..>؛< مكياج العين ..×؛×
قبل كل شي ... هاي هي الفراشي اللي بنسخدمها في الشدو .. و بتشوفون كل واحد و استخدامه ..^؛* ( حاطه نجمه حمرا على اللي بنستخدمهم ) ..
و هذي هي العين اللي بنشتغل فيها خخخ .. السموحه رسمي مب لين هاكي الزود لوول ..=$
::
اول شي الشدو الفضي بدرجتين مختلفتين من مبروك على عظمة الحاجب يعني اضاءة .. بهالفرشاه و بهالطريقه ...
::
و عقب الشدو الاحمر على كامل الجفن المتحرك و شووي للجفن الثابت ..
و ندمج بهالفرشاه ..
::
و بهالفرشاه .. و بنفس اللون .. نرسم خط رفيييع تحت العين ...^؛^
::
و آخر خطوه بشدو العين .. اللون الاحمر المفاقع .. من ميس روز .. و بهالفرشاه ..
::
و هاي النتيجه ..
::
الحمدلله خلصنا ... و عقب الحين رسم العين بالجحال ...(:
نسوي من اول دمعة خط رفييييييييييع ارررفع ما يمكن على الجفن المتحرك .. و خط متين تحت .. و نمده لتحت و ننزله على آخره ..
و نستخدم الكحل الكريمي عشان نترس الفراغات ..
::
و عقب الماسكرا .. من ديانا اوف لندن ..
::
و الحين نيي للشفايف ... حدد الشفايف بكل مناسب بقلم تحديد من ريفلون .. و عقب روج بعد من ريفلون .. و آخيراً لب قلوس من ماكس فاكتور .. و كلهم باللون الاحمر ...(:
و ها عشان تشوفون الوانها ..
::
و ها اللوك النهائي لميكب العيوون ..^؛^
بزوايا مختلفه ..
::
و حطيت بلاشر بطيخي من اوفيس .. بأصغر فرشاه من الفراشي اللي فوق ...(:
::
و رسمت حواجبي بقلم بني مادري من اي ماركه و ما صورته خخخ ..
::
الحمدلله .. خلصنا من الميكب ... انيي للبس و الاكسسوارات ..^؛^
لبست هالتوب ( هالصوره من النت ) ... بس مالتي لونها احمر ... على بنطلون ربر خخخ ( تراني ما فصخت العباه ... ف عشان جي ما اهتميت غير بالتوب هع ) ..
::
و هالاكسسوارات ...(:
::
ما سويت شي بشعري ... اللهم رفعته لفوق و حطيت شباصه حمرا لوول .. و طلعت القذله ..^؛^
/
\
و بجي الحمدلله خلصنا اللوك .. و ان شاء الله يعيبكم ذوقي المتواضع خخخ ..
" يرجىى في حال نقل الموضوع ذكر المصدر ..×؛× "
إلى اللقاء في اللوك القادم لووول ...^؛^