بنتي ... والطفح الجلدي (صورة) !!

أ

أم سلمان وعائشة

مشرفة سابقة

30-12-2009 | 11:27 PM

اهلا امهات عروس :083:

مشكلة بنوتتي بدت بعد اسبوعين من ولادتها
بدا اول شي ويهها يصير دهني واااايد ..
وبعدين طلعت لها حبوب على خدودها وراسها .. وداخل شعرها
وزاد زاد لدرجة كبييييرة

انا كنت ولازلت متعودة اودي ولدي حق الدكتور ( محمد البستكي) اللي في الرفاع ..
هو الوحيد اللي الحمدلله نرتاح له والادوية اللي يعطينا بفضل من الله يستفيد منها
عاد انا ( اتنفس في بيت ابوي ) وبعيد عن الرفاع
فوديته عيادة الدكتور احمد محمود هناك دكتور عراقي
وصف لي هالدوا

وقلت له: مافيه كورتيزون؟
قال لي واذا فيه؟ اش بيها يعني؟ انا ولادي اذا يصيبهم اعطيهم هالدوا
هو في الاساس مرهم عيون فاخف شي يعتبر لبشرة الاطفال - حسب كلامه -

لكن عقب ما خلصت الاستخدام لمدة 5 ايام .. رد كل شي نفي قبل
شوفو خدودها فديت عيونها .. صاير فوقهم طبقة جااااافة يااابسة تعور القلب

بعدها قال لي استخدم هالكريم مدة شهر
واحين لي اول يوم

صاد عيالكم بسم الله عليهم هالون؟؟
اش سويتو؟
شستخدمتو؟

:083:

ا

ام هدواي القلب

مشرفة سابقة

31-12-2009 | 12:41 AM

الله يشفيها يارب لاتشليين هم ماعليها الا العافيه فديتها ربي يحفظها ماعندي فكره والله ها العلاج بس ابشري با الدعاء لها

م

ميس_الريم

عروس فضية

31-12-2009 | 12:56 AM

عزيزتي

لازم تغيرين الطبيب

وتعرضينها على طبيب اطفال مختص

اذا ماكانت اكزيما فهي حبوب شباب بسبب الهرمونات الزايده منك تاخذها البيبي

لازم تسون لها تحليل هرمونات

ويتاكد من اعضائها التناسليه والثدي مافيها افرازات

وينعطى لها دهان موضعي خاص على المنطقه المصابه

بدون الكورتيزون لانه راح يضاعف المشكله

لازم فحص حتى يتاكد الطبيب انو الغدد عندها اوكي بحكم انها بنوته ربي يخليها لك

فهو شائع وطبيعي بين البنوتات باول الشهور

وله علاج

موفقه يارب

.

.. أمــ عــلــيــ ..

عروس ماسية

31-12-2009 | 01:17 AM

والله ما عندي خبر عن الادوية اللي حطيتي صورتهم ’’

بس اختي ( ميس الريم ) ما قصرت قالت لك أحسن حل ’’’

لا تهملينها ’’ الله يخليها لك وتشوفيها أحلى عروسه ’’’

حبيبتي حطي لها ع الأقل فازلين يبرد عليهآ شوي ’’’ وزين للحساسيه ’’’

ا

ام عمـار

مشرفة سابقة

31-12-2009 | 01:23 AM

بعد عمري البنوتات

الله بشفيها

و انا اضم صوتي لميس الريم

م

ماريـا

عروس رائعة

31-12-2009 | 01:33 AM

بعد عمري عواشي ما تجوف شر :01:
اختي انا دكتورة و الكريم الي عطاكي اياة الدكتور اول شي فيه كورتيزون ! الثاني كلش زين للاطفال :ok:
بس انا رايي تودينها لدكتور جلدية احسن من دكتور اطفال وانصحج بدكتور هيثم في مستشفى الكندي ان شاء الله يكون قريب منج :02:

S

Soft Touch female

عروس ماسية

31-12-2009 | 01:34 AM

اختتتي انا وحدة من اهلنا صاد بنتها استخدمت سودا كريييم اتقول بسررعة راح ومرت اخوي بعد تستخدمه اتقول وااايد زين

ش

شاعرية

عروس متألقة

31-12-2009 | 02:56 AM

أهلين أختي

أنا ولدي صاده جدي من أول ما ولدته وضل معاه 5شهور تقريباً
ما ضل دكتور ولا عياده خاصه الا وديته
كان وجهه كله ملتهب وحتى راسه طلع له حبوب

وصف لي دكتور أول مرهم حطيتيه
بس ما كان على شكل مرهم كان غسول
أحط شوي براسه وأمسح مسحه خفيفه على وجهه
وجسمه ويوم ثاني أغسله
لكن قريت عنه انه مو زين للأطفال ...ووقفته ..
كانت نتايجه تبان بشل ملحوظ
بس اليوم الثاني ترد ترجع الحبوب

وكنت أعطي ولدي حليب نان ضد الارتجاع وهو يحتوي
على نشا البطاطس على ما أعتقد
وغيرته الى نان العادي واكتشفت بعدين ان الحليب سبب
من أسباب المشكله عند ولدي..

بإضافه انه دكتوره نصحتني بإستخدام شامبو
يكون محتواه طبيعي ونصحتني بماركه مذركير
واستخدمتها والحمدلله فادت ولدي كثيير ....

وطبعاً لا تستغني عن لوشن QV
قبل كل حمام ادهني جسم الصغيره بزيت الزيتون
وبعدين حمميها بشامبو مذركير وبعدين حطي اللوشن ...

نصيحه لا تحطين لها فازلين كذا دكتور قال لي ...
وان شاءالله كلها فترة وتعدي وما تشوف بنتك شر

م

ميس_الريم

عروس فضية

31-12-2009 | 03:12 AM

وحبيت اقولك الكريم الازرق الثاني مرطب خاص للاطفال

يستخدم لاي مكان وباي وقت وخاصة بعد الاستحمام للاطفال غير المصابين

ر

رمــــش تركــــواز

عروس مبدعة

31-12-2009 | 01:47 PM

انا جاء لبنتي كذا والى الان بس مو مثلك بنتك ياقلبي عليها
جاء لبنتي بقعه في كل خد واستخدمت كريم كيناكومب من اول استخدام تبيض المنطقه
وتجف وتخشن وبعدين تتقشر يعني عاااااااادي لا تخافي ماعليها شر القمر كمان سمعت سودو حلو

R

ROSE3ROOS

مشرفة سابقة

31-12-2009 | 02:47 PM

اختي الغاليه ماتشوف شر بنوتك والي اعرفه انه اي طفل حديث الولاده تصيبه هالحبوب لتغير الهرومنااات وفي كريم مكتوب عليه اكزيما اهو الي استخدمته والحمدالله راح عنهاا ربي يطمن قلبك وماااتشوف شر

s

shaima83

عروس مبدعة

31-12-2009 | 03:17 PM

ياحبيبتي ياعواشي
انفان جسمها كله

اممم شنو تستخدمين لها صابون وشامبو؟
اذا بيبي جونسون غيري استخدمي شي في عطرخفيف او مافي

R

ROSE3ROOS

مشرفة سابقة

31-12-2009 | 03:24 PM

اختي لقيت هاذا الرابط للاخت نور العرب
http://forums.3roos.com/showthread.php?t=498190

أ

أم سلمان وعائشة

مشرفة سابقة

31-12-2009 | 03:35 PM

فديتكم كلكم :072:

ما قصرتو كللللكم ونستني ردودكم ودعواتكم الطيبة :)
ويارب في ميزان حسناتكم :065:

وحدة من الخوات يزاها الله خير شارت علي برسالة خاصة ان اشوف د. سميرة المتروك
عقب شوي بييي ابوها وباخبره ان شاء الله ونشوف وين نوديها
لان ماباقدر اجرب فيها اي كريم حتى لو شي مرطب (بدون وصة طبيب) :057:

اماني الغلا :083:
يزاج الله خير ياربي

ميس الريم:083:
بارك الله فيج معلومة اول مرة تمر علي .. باحطها في بالي اقولها للدكتور لي وديتها

أم علي :083:
ما تقصرين حبابه للدعاء
بس انا فيني حساسية من فازلين .. اخاف هي بعد فازيد عليها الطين بله اذا هي لا قدر الله تحسست منه
وفوق ذي .. هو يسد المسام ... لانه يشكل طبقة عازلة غلى الجسم

أم عمار:083:
فديتج ما تقصرين

أم ماريا:083:
ما تقصرين حبابه
باشوف الدكتور هيثم ضمن خياراتي ان شاء الله

سوفت تاج فيميل:083:
تسلمين يارب
باخبر الدكتور عن السودو كريم اذا ينصحني به
وبارك الله فيج

شاعرية:083:
يزاج الله خير حبوبة
وشامبو وصابون ماذر كير القاه في سنتر بوينت أو الاصلي؟
وما تقصرين فديتج

رمش تركواز:083:
الله يخفف عليهم يارب ... ومشكورة لمرورج الغالية

روز 2006:083:
بارك الله فيج من وين خذتي الكريم؟الصيدلية؟

لجند :083:
استخدم لها والله بيبي جونسون
وباسأل الدكتور عن احسن صابون شامبو مافيه عطر ان شاء الله

:083:

ا

ام البنوتة

عروس مبدعة

31-12-2009 | 03:44 PM

ماتشوف شر
ماعندي فكره

~

~ om 7o0or ~

عروس مشرقة

31-12-2009 | 04:16 PM

هلا حبيبتي
انه بنتي عمرها الحين 9 شهور ومن ولدتها كان فيها جفاف يروح ويرجع
وكنت استخدم المرهم ( مال العين ) بس كان يرد يرجع لها

بس كنت موديتها المركز حق الفحص وقال لي دكتور آخذ فازلين ( من عندهم ) لانه طبيعي واخلي لها

من استخدمت لها الفازلين وايد فاد معاها

تقريبا اختفى منها الجفاف (( كان على شكل بقع ))

آ

آل الميامين

عروس مبدعة

31-12-2009 | 04:17 PM

لا تستعملين اليها صابون معطر وأهم شي لا تحطين اليها عطر او كولونيا ولا حتى اليش اذا كنتين بالخصوص ترضعينها واستشيري طبيب افضل واذا ما استفدتين فعموم اطفال كثير يصيدنهم جدي وبعدين يروح وربي يبقيها اليش وتكبر وتتعفس ان شاء الله

R

ROSE3ROOS

مشرفة سابقة

31-12-2009 | 04:19 PM

انا موووبالخليج ياقلبي باستراليا اهو عمووما كريم مكتوب عليه اكزيما ولكن انتي اكيد لزم تراجعين الطبيب وربي يشافيها يارب

م

مغتربة سدني

مشرفة سابقة

31-12-2009 | 04:29 PM

الله يشفيها يااااااااارب

ب

بنت الاصايل

عروس ماسية

31-12-2009 | 04:55 PM

الله يشافيها
وما عليها شر..