عملتلكوا برجر بس بصراحة مش اي برجر
برجر على الطريق العربيه
مش قادرة اوصفلكوا قد ايه طعمه لذيذ جداااااااااا وجديد ومختلف
تعالوا شوفوا الطريقة وجربوه على ضمنتي وهتتبسطوا اوي منه ان شاء الله
مقادير البرجر
نص كيلو مفروم غنم
معلقتين كبار دبس الرمان
بصله كبيرة مقطعه صغير ومحمرة في زيت لحد ما بقت بني
معلقة كبيرة بقسماط
معلقه كبيرة اعشاب معطرة ( عودين بقدونس وعودين شبت وعودين كسبرة وريحان )
وملح حسب الرغبه
نحطالمكونات كلها على بعض ونقلبها كويس ونسيبها ربع ساعه تشرب كل المكونات
نقسم الخلطة ونعملها وحدات برجر ونسيبها في التلاجة ربع ساعه تتماسك
نخرجها من التلاجة ونسخن شوايه او طاسه مش بتلزق على النار من غير اي اضافات دهنيه ونحمر البرجر بتعنا كل وجه من 7 ل 10 دقايق
ودة البرجر بتعنا جاهز
مش عايزة اقولكوا ريحته عامله ازاي فظيعه
خبال على قولت اخواتي الخليجيات
دلوقت هنجهز باقي الاضافات وكمان الخبز الشامي
انا بحب اعمل الخبز في البيت هنا عجبن الخبز وسيبته يتخمر وقطعته وجاهز دلوقت لدخول الفرن
وهنا العيش الشامي الخاص بالبرجر العربي جاهز
والاضافات اكيد عربيه زي البرجر بتعنا
وهي عبارة عن متبل او بابا غنوج ومعاه شرايح من الباذنجان المقلي والفلفل المقلي
بنفتح الخبزة وندهن بالمتبل الاول وبعدين نح قطعه البرجر وفوقها شرايح الفلفل والباذنجان المقلي ولو حابينه حار يبقى اكيد معاه شطة كريستال
يارب يكون عجبكوا