فاطمة يا ضي عيني والنظر انتظارك طال يا أغلى البشر (قصة ولادتي)

بسم الله الرحمن الرحيم
والصلاة على محمد واله الميامين الطيبين

طبعا بعضكم يعرف قصتي السابقة المأساوية مع الحمل والاجهاض والادهى والأمر وفاة بنوتتي جنى بعمر 3 ايام فقط ولله الحمد

في لبداية حبيت اخبركم قصة حملي
اتصل فيني اخوي الساعة 4 الفجر قريب الاذان وخبرني ان مرته بتولد واهم الحين في المستشفى فرحت لهم من قلبي لاكن بنفس الوقت انكسر خاطري على روحي لأني اتمنى طفل يلي حياتي وحياة زوجي ويغير فيها اشياء وايد
المهم بعد ما سكرت التلفون من عنده وانا فيني الصيحة والنومة بنفس الوقت
********تم الحذف ********

وقعدت من النوم وانا احس براحة نفسية عجيبة اول مرة احس فيها من عقب كل اللي صار لي الحمدلله

بس ما خبرت اي احد عن هالحلم لأني عرفت معناه

وقررت اني بذاك اليوم احلل فاخذت تحليل حمل وخبرت زوجي اني بحلل وقال لي تو الناس
بس قلت لا انا حاسة اني حامل على الرغم من ان ما كان عندي اعراض ولا الدورة متأخرة وايد

المهم حللت وراويته زوجي وانا بطير من الفرح والخوف كان خط ضعيف باهت

فقال لي بدون اي علامة للفرح وانا ما الومة ابد بكرة روحي حللي دم

واذكر اني رحت احلل في يوم عيد الام كانت مناسبة حلوة وكنت اتمنى اني اكون ام بذاك اليوم بس الله ما كتب المهم

ورحت بيت ابوي العصر واحتفلنا بيوم الام مع امي الله يحفظها وانا حاملة هالسر معاي ومحد عرف فيه

ومن ذاك اليوم اتصلت اخذ لي موعد متابعة حمل لأني ادري اني احتاج مثبتات واجازة عن الشغل وراحة

المهم دكتورتي ما قصرت وعطتني راحة 3 شهور كل مرة اروح تكتبلي اجازة الله يجزاها الخير
وبعد ان عندي ابره كل اسبوع اخذها ومواعيدي بعد كل اسبوع من البداية علشان نشوف نمو البيبي واحواله

المهم وما خبرت اي احد بحملي لين صار عمره 5 شهور خفت اخش عن امي اكثر وبعدين لا سمح الله يصير شي مثل المرة اللي قبل واجهض وما اخبرها خير شر
فقلت خل اتوكل على الله واخبرها مع ان زوجي رافض خايف بس انا قلت خل افرحها هالمرة واللي فيها فيها

المهم خبرتها وفرحت من قلب ورفعت ايددها للسما وتقول الحمدلله
هني انا مشيت من البيت لأني كنت حابسة دموعي من منظر امي وهي فرحانة لي
واسوي تلفزيون واعرف انها بنوته ونقرر انا وابوها ان نسميها فاطمة قبل لا تنولد عقب ما خبرته بقصة الحلم اللي شفته
بس ما خبرنا احد بالحلم الا بعدين
ومرت باقي شهور الحمل بمعاناتها الحمدلله على كل حال وفي الشهر الثامن سوو لي التراساوند ايكو لقلب البيبي خوفا ان يكون فيها مثل المرحومة بنتي شي في القلب وخوفوني قالولي ان فيها فتحة بس هذي احتمال تروح وبعد تدفق الدم سريع في واحد من الشرايين الرئيسية وخوفوني بعد ما كنت عايشة على امل اني اصير ام من جديد وتميت كل صياح ونياح وبعد محد يدري بهالشي غير اني وزوجي بس ********تم الحذف ******** وقلت اللي الله كاتبة بيصير

وقالت لي دكتورتي ان اللي قالو لي عن الفتحة انها احتمال كبير تروح وفعلا انصكت وكتبت لي ان بعد الولادة لازم تصوير ايكو ثاني لقلب البيبي لأن التصوير للجنين محدود في الرحم وفيه اشياء مو واضحة
ويوم ما بقى علي الا اسبوع واكمل التاسع كان تاريخ ولادتي المتوقع في عيد الحج
واروح يوم الخميس موعدي المتابعة عادي
اتشوف الدكتورة البيبي وتقول كل شي تمام والحجم اوكي زيدي المشي علشان تولدين هالاسبوع بعدين قلتلها ان نزل علي ماي خفيف قبل ليلة ففحصتني من تحت الا تقول اكيد بينزل عليج ماي اتي متوسعة 2 سم انا هني صرت:02::093::01::047:
كل انواع الاحاسيس مرت علي

وانا اقول الالام اللي احس فيها مجرد امنان لا طلعت عن جد الام طلق صجية
صار لي قبلها اتعر اسبوعين ويروح الالم شي مو طبيعي ما قدر اتنفس لما يجيني الالم بس الحمدلله ان كان بنتيجة وبتوسع الحمدلله

قالت لي الدكتورة تبين تولدين الليله وانا كلش احساسي ضايع اقول لها يعني فيه امل اولد الليلة؟
تقول لي تبين بنولدج اقول لها صج ولا تمزحين معاي دكتورة
تالي قررت ان ارجع لهم يوم ثاني الصبح علشان اكون كملت اغراضي وجهزت حالي

جانا ثاني يوم واقوم من النوم اللي اصلا ما نمت غير ساعة
ونروح ونمر عى امي اللي ما خبرتها اني بروح اولد بس خبرت اختي اللي اصغر مني بسنة توأمتي وحتى هي ما صدقت لأني عقب الموعد مع الدكتورة رجعت بيتنا وكنت بعدني اتعصر كل شوي ويقولون انهم حسو ان ولادتي قربت بس مو لهالدرجة

المهم ادخل الغرفة اللي حجزناها ويسوون لي تخطيط للبيبي وبعدين يودوني ولادة وانا الالام تروح وتجي ويحطون ليي حقنه كرمكم الله علشان تنظف بطني تالي قالولي قومي تمشي شوي
ومشيت في الممر مال الولادة يمكن نص ساعة تالي جيكوني مرة ثانية 4 لأن اول مارحت كان 3 الحمدلله الله هون علي كنت كل ما تجيني الطلقة اوقف في الممر اخذ نفس والستاف ما شاء الله عليهم حلوين وايد ويساعدون:025:

بعدين تميت على السرير وكل شوي تجيني طلقة تذبحني عطوني ابرة تدوخ وبعد الاكسجين مال الالم بس احس كل هذا ما سوى لي شي بس كنت متحمله انطر فطومة متى تطلع:083:

بعدين جت دكتورة وفتحت كيس الماي وعقبها صار الالم متواصل يانتظام

لين شفتهم كل شوي يجيكون التوسع وانا ما احس بس اسالهم جم ومحد يرد علي

تالي اقول لهم احس بدفع قالو لي صبري

وانامتفرعة اسالهم بين الراس ومحد ماعطني ويه

تالي اقولهم ما قدر بدفع خلاص

واعصر مرة ومرتين واحس روحي بتطلع خلاص

جان يقولون لي يلا دفعي بعد اكو بين راسها خلاص
وادفع بكل قوتي وتطلع فطومة حلم حياتي كلها الله يحفظها يوم 20/11/2009الساعة 11:14 الصبح:029:

ويحطونها على صدري واقولها احبش ماما انتظرتش وااااااااااجد:086:

واقول ليهم ودوها لأبوها يشوفها يقولون لي بنظفها وبنوديها وانا مو قادرة اصبر علشان زوجي يشوف بنته اللي انتظرها شهور اقول لهم ما يحتاج تنظفونها ودوها له يشوفها
تالي اخذوها ينظفونها وجا زوجي لعندي اقوله شفت بنتنا جان يقول لي لا
وكل حين اسال عنها قالو لي ان رحتي الغرفة بنوديها لش وكل حين احن ابي اروح غرفتي علشان يجيببونها لي وحشتني

اخر شي ودوني الغرفة وانا مو مهتمة للتعب اقول لهم ابي بنتي كنت ابي اقضي كل لحظه معاها من خوفي اني ما افرح فيها بس الحمدلله الله يحفظها لي ويخليها وسوو لها الايكو وراحت كل مخاوفي طمني دكتورها ن بنتي عروسة ومافيها الا العافية

وهذي قصتي بالتفصيل الممل :ok:

أمانة اللي تقراها تدعي لفطومتي الله يحفظها ويهديها ويبلغني فيها واجيب لها اخوة وخوات بسهالة يارب:016:
ويحفظ لي زوجي وامي ويحميهم من كل شر

واذا عجبتكم قصتي تقدرون تقيموني:072: