بسم الله الرحمن الرحيم
السلام عليكم ورحمة الله وبركاته
راح ابدأ لكم قصة ولادتي ببنتي الغاليه (ريتال )وكانت في 31/10/2009
اعرف اني تأخرت في كتابتها لأني كنت تعبااانه في فترة النفاس بس الحين الحمد لله
من بداية التاسع والطفلة معترضه وكانوا حاطين لي احتمال ولادة قيصريه وكنت عند اهلي كل يوم اطلع امشي لانهم قالوا لي كثري مشي عشان الطفل يتعدل ويكون كل شي طبيعي
وكالعادة كنت متفقه مع اخواني اني باطلع معاهم المجمع منها امشي وانبسط معاهم لكن بدأ معاي ألم الطلق خفيف بس كنت احس بألم بطني وظهري يروح ويرجع ومارحت قلت لهم
مااقدر اروح والالم فيني سويت لي كوب دارسين دافي شربته وقعدت مع اهلي نسولف طبعا كانت الساعه8 الليل واستمرت الآلام الى الساعه 3 الفجر طبعا انا على الساعه وحده
حفيت جسمي كله وتسبحت واستشورت شعري وكانوا خواتي يضحكون يقولون لي ليه بتروحين تولدين وانتي كاشخه ويوم جت الساعه 4 الفجر كلمت صديقتي نسولف واقولها
ادعيلي لاني تعبت وابي والد وطبعا كان فجر الجمعه وقالت لي انها بتكثف لي الدعاء في الجمعه سكرت منها نمت وصحيت على الساعه سبعه الصبح وانتوا بالكرامه بادخل دورة
المياه وانتبه الا والدم نازل المهم يوم طلعت من دورة المياه وشوي الا والمويه نزلت وصحيت امي قلت لها وكلمت زوجي يجيني عشان بس يزود الألم اروح المستشفى وكانت
الساعه 7 الصباح ولما جت الساعه 10 بديت احس ان جسمي تعبان وموقادره امشي وزجي خاف ورحنا المستشفى وبس وصلت حطو لي التخطيط وشافوا اذا كانت المويه نزلت
والا بعد وشوي والا قالت الدكتوره لزوجي خلاص عندها ولاده كمل اجراءات الدخول ونقلوني لغرفة الولاده طبعا كان الطلق معاي باارد جدا وقالت لي الدكتوره لو نتركك يومين
ماتولدين على ذا الطلق البارد المهم حطوا لي طلق صناعي وانا الرحم عندي 3سم وكانت الساعه 11 الظهروالى الساعه 5 المغرب صار 4 سم وانا عندها تعبت كان لي يومين قبلها
مانمت الا ساعه او ساعتين في اليوم وماكنت ماكله اي شي فاعطتني الدكتوره مسكن عشان اقدر انام بس للأسف مانمت لاني كنت احس بالالم وعلى هذا الحال الى الساعه 10 بالليل
وراح زوجي البيت يرتاح شوي وبيرجع لي الصباح وجلست معاي امي وبهذا الوقت قالوا لي صار 5سم ومعاناة مع الالم الى الساعه 12 بالليل صار 8 سم وكل شوي يقولون
خلاص باقي شوي وانا ماسكه نفسي ومتحمله الألم والى ان صارت الساعه 2ونص قالوا لي خلاص 9ونص سم قلت الحمد لله هانت وشوي صار 10 سم وبدأ الالم الحقيقي ويقولون
لي ادفعي مع الطلق بس البنت اعترضت في النهايه وراسه باين بس مو قادره تطلع وشوي يقولون ادفعي وشوي يقولون لا تدفعين امسكي نفسك وانا مو قادره ومع الدفع والضغط
والارهاق بدأ انفي ينزف دم وانا مو حاسه شوي وصرخت عليهم امي تقولهم شوفوا حل لبنتي مو مهم اللي في بطنها وانا كنت اقولهم خلاااااص تعبت شوفوا لي حل مابي البنت تتعب
ولا ابي بعد التعب تقولون قيصريه قالوا لي ماعندنا اي حل غير انا ننتظر لانك بكريه والبكريه تطوول شوي وصرخت عليهم خلاص تعبت الحين الحين ابي حل قالوا مافي الا دكتور
قلت لهم اي شي بس ارتاح واستدعوا الدكتور ويوم شاف حالتي قالهم ليه ماسويتوا لها شي قالوا مانقدر لانها بكريه حط يد على بطني واليد الثانيه مسك راس البنت وبحركه غير
وضعيتها وقالي خلاص عشر دقايق ان شاء الله وتكوني والده بس بنحتاج للشفط شوي وراح غير ملابسه ورجع والله دفعت مرتين وولدت بعدها الحمد لله وكانت عندها الساعه 3
و46 دقيقه واخيرا طلعت بنوتي الحلوه وبعدها حسيت بيغمى علي وصار معاي نزيف شوي وهبوط بالضغط بس الحمد لله عدت على خير وكملت الدكتوره الخياطه والتنظيف ونظفوا
البنت بشكل بسيط وفحصوها ونمت بعدها ماحسيت بشي الا وهم يصحوني بعد الفجر وبينقلوني غرفتي وبس وصلت الاوزوجي عندي وامي ووابوي وبنتي والحمد لله كأنه حلم والله
واذكر اني بوست يد امي على التعب اللي شافته والحين الحمد لله بنتي قدامي وانا بخير ويارب يقوم كل حامل بالسلامه
السلام عليكم ورحمة الله وبركاته
راح ابدأ لكم قصة ولادتي ببنتي الغاليه (ريتال )وكانت في 31/10/2009
اعرف اني تأخرت في كتابتها لأني كنت تعبااانه في فترة النفاس بس الحين الحمد لله
من بداية التاسع والطفلة معترضه وكانوا حاطين لي احتمال ولادة قيصريه وكنت عند اهلي كل يوم اطلع امشي لانهم قالوا لي كثري مشي عشان الطفل يتعدل ويكون كل شي طبيعي
وكالعادة كنت متفقه مع اخواني اني باطلع معاهم المجمع منها امشي وانبسط معاهم لكن بدأ معاي ألم الطلق خفيف بس كنت احس بألم بطني وظهري يروح ويرجع ومارحت قلت لهم
مااقدر اروح والالم فيني سويت لي كوب دارسين دافي شربته وقعدت مع اهلي نسولف طبعا كانت الساعه8 الليل واستمرت الآلام الى الساعه 3 الفجر طبعا انا على الساعه وحده
حفيت جسمي كله وتسبحت واستشورت شعري وكانوا خواتي يضحكون يقولون لي ليه بتروحين تولدين وانتي كاشخه ويوم جت الساعه 4 الفجر كلمت صديقتي نسولف واقولها
ادعيلي لاني تعبت وابي والد وطبعا كان فجر الجمعه وقالت لي انها بتكثف لي الدعاء في الجمعه سكرت منها نمت وصحيت على الساعه سبعه الصبح وانتوا بالكرامه بادخل دورة
المياه وانتبه الا والدم نازل المهم يوم طلعت من دورة المياه وشوي الا والمويه نزلت وصحيت امي قلت لها وكلمت زوجي يجيني عشان بس يزود الألم اروح المستشفى وكانت
الساعه 7 الصباح ولما جت الساعه 10 بديت احس ان جسمي تعبان وموقادره امشي وزجي خاف ورحنا المستشفى وبس وصلت حطو لي التخطيط وشافوا اذا كانت المويه نزلت
والا بعد وشوي والا قالت الدكتوره لزوجي خلاص عندها ولاده كمل اجراءات الدخول ونقلوني لغرفة الولاده طبعا كان الطلق معاي باارد جدا وقالت لي الدكتوره لو نتركك يومين
ماتولدين على ذا الطلق البارد المهم حطوا لي طلق صناعي وانا الرحم عندي 3سم وكانت الساعه 11 الظهروالى الساعه 5 المغرب صار 4 سم وانا عندها تعبت كان لي يومين قبلها
مانمت الا ساعه او ساعتين في اليوم وماكنت ماكله اي شي فاعطتني الدكتوره مسكن عشان اقدر انام بس للأسف مانمت لاني كنت احس بالالم وعلى هذا الحال الى الساعه 10 بالليل
وراح زوجي البيت يرتاح شوي وبيرجع لي الصباح وجلست معاي امي وبهذا الوقت قالوا لي صار 5سم ومعاناة مع الالم الى الساعه 12 بالليل صار 8 سم وكل شوي يقولون
خلاص باقي شوي وانا ماسكه نفسي ومتحمله الألم والى ان صارت الساعه 2ونص قالوا لي خلاص 9ونص سم قلت الحمد لله هانت وشوي صار 10 سم وبدأ الالم الحقيقي ويقولون
لي ادفعي مع الطلق بس البنت اعترضت في النهايه وراسه باين بس مو قادره تطلع وشوي يقولون ادفعي وشوي يقولون لا تدفعين امسكي نفسك وانا مو قادره ومع الدفع والضغط
والارهاق بدأ انفي ينزف دم وانا مو حاسه شوي وصرخت عليهم امي تقولهم شوفوا حل لبنتي مو مهم اللي في بطنها وانا كنت اقولهم خلاااااص تعبت شوفوا لي حل مابي البنت تتعب
ولا ابي بعد التعب تقولون قيصريه قالوا لي ماعندنا اي حل غير انا ننتظر لانك بكريه والبكريه تطوول شوي وصرخت عليهم خلاص تعبت الحين الحين ابي حل قالوا مافي الا دكتور
قلت لهم اي شي بس ارتاح واستدعوا الدكتور ويوم شاف حالتي قالهم ليه ماسويتوا لها شي قالوا مانقدر لانها بكريه حط يد على بطني واليد الثانيه مسك راس البنت وبحركه غير
وضعيتها وقالي خلاص عشر دقايق ان شاء الله وتكوني والده بس بنحتاج للشفط شوي وراح غير ملابسه ورجع والله دفعت مرتين وولدت بعدها الحمد لله وكانت عندها الساعه 3
و46 دقيقه واخيرا طلعت بنوتي الحلوه وبعدها حسيت بيغمى علي وصار معاي نزيف شوي وهبوط بالضغط بس الحمد لله عدت على خير وكملت الدكتوره الخياطه والتنظيف ونظفوا
البنت بشكل بسيط وفحصوها ونمت بعدها ماحسيت بشي الا وهم يصحوني بعد الفجر وبينقلوني غرفتي وبس وصلت الاوزوجي عندي وامي ووابوي وبنتي والحمد لله كأنه حلم والله
واذكر اني بوست يد امي على التعب اللي شافته والحين الحمد لله بنتي قدامي وانا بخير ويارب يقوم كل حامل بالسلامه