اول اكله وهي مكسيكيه وكلنا بنحبها
الفاهيتا
اهم مكون فيها هي التوابل الخاصه بالفاهيتا
باقي المكونات اللحم وبصل شرائح وفلفل الوان شرائح
بنشوح البصل في معلقتين كبار زيت زيتون وبعديم بنضيف له اللحم ونقلب ونسيبه 5 دقايق يستوي
وبعدين نضيف البصل الاخضر واذا احتاج ميه نضيف بسيط
نضيف الفلفل الالوان ونقلب ونضيف 3 معالق صغيره من التوابل مع الملح ونسيبه 5 دقايق
وهنا الفاهيتا جاهزة ونقدمها مع الساور كريم والجبن الشيدر المبشور وفرينش فرايز
الطبق التاني هو سلطه لذيذة جدا ومفيدة ومغذيه
عبارة عن سلطة الخضروات المشويه
هنحتاج خضروات زي اللى في الصورة
وهنا مقادير التتبيله
زيت زيتون وفلفل اسود وملح وريحان وخل بلسميك
هنقطع الخضراوات زي اللى في الصورة ونحط عليهم زيت زيتون ونقلبهم كويس في الزيت
عشان نجهزهم للشوي
نسخن الشوايه كويس اوي ونضيف ليها الخضار ودة شكله زي ما انتوا شايفين لذيذ
بعد ما الخضار كله اتشوى نحطه في صينيه ونغطيه بالفويل وندخله الفرن 20 دقيقه عشان الخضار يستوي كويس
خرجنا الصينيه من الفرن نسيب الخضار يبرد شويه وبعد كدة نبدا نقطعه
قطعنا كل الخضار وضيفنه التتبيله عباره عن ملح وفلفل حسب الرغبه ونص كوبايه خل بلسميك ونرش على الوش شوية ريحان
ودة شكلها
اخر طبق هو الكيش
وعجينته سهله جدا عباره عن كوب دقيق ونص كوب ذبدة من التلاجه وتقريبا معلقتين او 3 ميه ساقعه وذرة ملح ونخلطهم كلهم سوا
طبعا دة مقدار صغير كل واحد حسب الكميه اللى عايزها يقدر يضاعف المقادير
نفرد العجينه في صينيه التارت ونسيبها شويه في التلاجة على ما نجهز الحشوة
احنا ممكن نحشيها باي حاجة سواء دجاج او سبانخ اي حاجة تحبوها وكلها بنفس الطريقه
انا عملتها بالبسطرمة لان عندي كميه بسطرمه كبيرة اوي
ضفت على البسطرمة مشروم فرش شوحته في شويه زيت زيتون وبيضه ونص كوب كريمه او اكتر شويه وملح وفلفل وجبنه شيدر وقلبت كله وحطيته على العجينه
ودخلتها الفرن على درجة حرارة 180 لمدة نص ساعه لو حسب ما تلاقوا العجينه بقت لونها دهبي
ويارب تكون اكلاتي النهاردة عجبتكوا :083: