زوجك يعطيك مصروف شهري !!!ساعديني كيف اقنع زوجي يعطيني مصروف

زين قولي له انك تبين مصروف شهري لأنك ممكت تشترين اشياء وهو مايكون معاك

مثلا تكونين

طالعه مع أهلك أو صديقاتك


اختي كل الازواج جذي


تفاهمي معاه

والله يعين

حبيبتي حلوو....ذكرتيني بايام زمان

ههههه

كنت أعاني من نفس المشكلة
بس شوفي حبيبتي لا تحسسينه ان اللي يعطيك اياه قليل

بالعكس
خليه يشوف منك التقدير والشكر....وكل اللي يجي منه حلو
لحد ما يصير المبلغ ثابت كل شهر

ولا تقارني ابدا بأحد....سواء أخواته او غيرهم

واذا عندك مناسبة...زواج اقارب او اعياد او بتهادين صديقة
أطلبي منه زيادة
ما فيها شي...
ممكن مع الوقت يحس ان المبلغ اللي يعطيك هو مو كفاية

وانا كنت مثلك...لما اطلع معاه ما اشتري من الغالي عشان لا يتملل

بس اكتشفت ان هالشي غلط
صرت بالعكس اروح محلات غالية كثييير
وبرضه ما اشتري!!
بس عشان يعرف الفرق...وان طلباتي معقوله :038:

الله يوفقك ويسعدك يارب

[U][FONT=Arial][SIZE=3][COLOR=darkslateblue]والله المفروض تقولين له يعطيك مصروف ويتعود على هالشي الحرمه مصاريفها كثيره ملابس كريمات عطورات يعني اغراضها ما تخلص انا ما اقولك راح تشترين كل هذولا في شهر واحد بس لو كان يعطيك مصروف كان كل فتره وفتره تنزلين وتشترين اللي خاطرك فيه وبعدين راتبه حلو ماعليه غيره اقل منه وبعدين الواحد اذا عجز وتكاسل يصرف على زوجته بيصرف على مين فهميه وعلميه ان لك عليه حقوق مو بس اكل وشرب لا فيه مصاريف ثانيه وقوليله ان اناقة الحرمه وشياكتها وحضورها بين الناس بطريقه مرتبه دليل على ان زوجها كريم وما يبخل عليها بشي

ناسيه عدساتها في بيتها;10929172:
[U][FONT=Arial][SIZE=3]والله المفروض تقولين له يعطيك مصروف ويتعود على هالشي الحرمه مصاريفها كثيره ملابس كريمات عطورات يعني اغراضها ما تخلص انا ما اقولك راح تشترين كل هذولا في شهر واحد بس لو كان يعطيك مصروف كان كل فتره وفتره تنزلين وتشترين اللي خاطرك فيه وبعدين راتبه حلو ماعليه غيره اقل منه وبعدين الواحد اذا عجز وتكاسل يصرف على زوجته بيصرف على مين فهميه وعلميه ان لك عليه حقوق مو بس اكل وشرب لا فيه مصاريف ثانيه وقوليله ان اناقة الحرمه وشياكتها وحضورها بين الناس بطريقه مرتبه دليل على ان زوجها كريم وما يبخل عليها بشي

[COLOR=darkorchid]فعلا انا مع كلام الاخت
بس بقولج 200 يعني عندنا بالبحريني 20 دينار صح؟ و500 عندنا 50

حبوبه في ذمتج في هالزمن اي 20 واي 50 الي تكفي لثياب وغيره؟

تفاهمي معاه وحددي لج مبلغ حلو وقولي له هالمبلغ لكل اغراضج من صرف وعطور وملابس وغيره يمكن يقتنع وثبته لج.

وانتي اذا عطاج هالمبلغ الي طلبتيه تصرفيه في مثل ماتبين ورتبي امورج عليه كل شهر.

والله ييسر امورج انشاالله

والله يا اختي بالنسبه لي ما اخد مصروف يعني مخلتنها على المفتوح
استحي اطلب منه يمكن لاني اشتغل بس دايما اجي ويشوف بوكي ويحط لي مبلغ على حسب ميزانيته ولين نروح الجمعيه اخلين على راحتي اخد اللي ابيه غير لين بروح السوق او المناسبات او مصروف علوي
بس تقدرين تقولين ليه انش تبين مبلغ معين ولين فضل خليه يمكن تعتازينه مره ثانيه في اوقات غير

عزيزتي .. لا تعودين زوجك إنه ما يعطيك مصروف خصوصا إذا ما كنتين موظفة
قعدي معاه وفهميه إنج محتاجة مبلغ ثابت ينصرف لج مع كل راتب لأنه هذا من حقش كزوجة

اللي أشوفه إنه راتب زوجك مو قليل ..
يعني بالنسبة لراتبه أقل شي تطالبينه فيه 60 دينار يعني 600 ريال
حتى لو ما صرفتيها وخزنتيها عندك فهي من حقش ..
ومو من حقه يسألش وين صرفتيها
وترى حاجات المرأة ما تخلص .. وحزتها بتشوفين إنه حتى ال 600 ريال ما تكفيش
في البداية ميخالف طالبي ب 600 ريال وبعدها لما ينتظم معاج حاولي تطالبينه بأكثر شوي حسب حاجاتج ..
والمبلغ اللي ما صرفتيه جمعيه بتحتاجينه صدقيني

اطلبي منه كل اللي تحتاجينه ولا تستحين لأنه حقش .. لا تعودينه إنج ما تشترين الغالي حتى لو نفسج فيه ، أو تتنازلين عن أشياء أنتي محتاجتها بس عشان ما تبين تكلفينه ..

موفقة أختي .. ولا تنسين تخبرينا بجديدش

مثل ماقالوا البنات قعدي معاه وفهمية انج تبين مصروف كل شهر
وفهمية بطريقة غير مباشرة انه هذا الشي من حقش وحتى لو مااحتديتني الليهم من حقش يكون لج مصروف شهري وانتي اتسوين فيهم الي تبين

حسب علمي .,

إن النفقة الشهرية

هذي شرعاً واجبة على كل زوج لزوجته :01:

وماكو أي شرع أو قانون بيحرمها أو يخالفها !!!!!!

[MARK="#333333"]والحين إحنا بزمن ال 500 ريال ( 50 دينار ) ما تسوي شي , يعني يا دوبها !,[/MARK]

وبصراحة !..

سكوتج عنه أكبر غلط

وغير جذي يفتش البوك ويحاسبج وين راحت الفلوس

وتعالي عدي لي .. ريال , ريال , وين أنصرف ؟!!!! :047:

*

الزوجة أول ما ينعقد عليها

المفترض من أول شهر الزوج يصرف عليها من مصروف , ومن مآكل ومشرب ولبس .. إلخ

وما يقصر عليها بشي

*

مب يقصر عليها !..

وسكوتج عنه خلاه يتمادى ويتعود على ال 200 ريال :057:

*

أنا ما أقولج روحي تهاوشي مع زوجج أو أكرهيه لهالسبب

أو حتى إنه بخيل

بس لازم تتكلمين معاه بالتفاهم والهدوء

إن أنا زوجتج

ومن إحدى حقوقي النفقة

المفترض يخصص لج مبلغ معين كل شهر يعطيج إياه

تصرفينه وتقطعينه بالعافية

وماله حق يقصر عليج

ويطلعج السوق .. ويشتري لج أي شي ينقصج

أنا ما أقولج صيري مسرفة وأصرفي بالهبل

كل شي بالعقل والحاجة

*

وهو ما شاء الله راتبه مب شوي علشان بيقصر على زوجته

ولا عندكم أطفال ومصاريف كبيرة

بالذمة وين يروح كل هالرتب وإنتي بس يعطيج ال 200

[MARK="#333333"]ولا بعد بالغصب ؟!!!!![/MARK]

*

حاولي معاه , شهر .. شهرين

حسيته مثل ما أهو يده مغلولة عليج

ضروري جداً

تفاتحين أحد من أهلج بالموضوع ( أبوج , أخوج .. إلخ )

يقعدون معاه بالهدوء وبالكلمة الطيبة والزينة

ويقولون له ويفهمونه بالشرع وبالدين

إن هذي زوجتك

ومن حقها وغصباً عليك

تعطيها كل شهر نفقتها

*

إنتي الحين يحليلج

ساكتة ومخليه الموضوع إيزي ..,

والله في حريم

توصل فيهم يشتكون على الزوج ويجبرون بالدفع كل شهر

*

لا تسكتين عن حقج

[MARK="#333333"]والساكت عن الحق شيطان أخرس[/MARK]

والنفقة شي بسيط واجب على الزوج إتجاه زوجته

دامه الحين بخير ونعمة وما عندكم اطفال ومقصر عليج

الله أعلم !..

باجر لا جوا لكم الأطفال والمصاريف الزايدة , وش بيسوي

يمكن حتى ما يعطيج 50 ريال!!!!!!

ويتعذر لج بكثرة مصاريفه ومصاريف الأطفال

*

موفقة :065:

مرحبا اختي

راتبه زي ما قلتي 7500 ريال يستلم
غير المصاريف اتوقع يصفى من راتبه

قولي له ابغى مصروف شهري 500 ريال او 600 ريال

انا زوجي راتبه 2200 ومخصص لي راتب شهري 300 ريال واقول الحمدلله
ولو راتبه اكثر من ذا اكيد بيزيدني بس احيانا شهر يعطيني وشهر لا
بس ما اقول شي جد اتضايق بس الحمدلله

شوفي حبيبتي تفاهمي معاه بهدوء وكلميه عادي كأنك تكلميه بأي موضوع
قولي له انك محتاجه مصروف شهري حتى لو انت مو باخل علي
بس احيانا ابغا اطلع السوق او اروح مع هلي او كذا يحتاج مصرف بإيدي
راح يتفهم .. بس يبغى له احد يفهمه شوي شوي
بس لا تضغطين عليه

و الموظفه شلون تتصرف ؟

اختتتي قولي له الحين كلمن كذذا او انا رفيجاتي ازوااجهم يعطونهم على 1000 ريااال انا الحين طالببة النص مصروووف بس فياريت ماتدردني