بنات البحرين اريد حضانه ممتازة ضروري !!

ارجو من المشرفة عدم حذف الموضوع .. ادري ان في موضوع مثبت للروضات ولكن حالة هذا الطفل خاصة ... ويحتاج لمساعدة عاجله في اختيار الروضة المناسبة له ..

فيرست ستيب في مدينة عيسى ان شاء الله يستفييد

للرفع

اب وان شاء الله يفيدونج البنات

سمعت بنات قالوا عن روضات واجد في هالمنطقه ان شاء الله يفيدونش

بالمناسبه شخبار ولدش احاتيه من ديك المره شصار عليه الحين؟؟

هيونه الكرز ..
رفع الله قدرك في الدنيا والاخرة ..

مسز عادل ..
الحمد لله ولدي بخير وما فيه الا العافية ..

روضة الفاتح في أم الحصم ,, بجانب فندق تروبيكانا
الروضة على مستوى عالي جداااااا في التعامل مع الاطفال ,, دخلت بناتي من اعمارهم 2 سنتين

حضانة وروضة مدينة عيسى ، طبعا في مدينة عيسى

7abibt yousif

مدرسة الفاتح من اي عمر يآخذون؟

مثل مشكلة ولدي بالضبط والدكتورة بعد نصحتني اودية حضانة
وناوية ان شاء الله اودية الكورس الجاي حضانة وروضة علاء الدين طبعا معروفة في جرداب
واني سالت وحدة تقول وايد يهتمون في الاطفال
واني رحت حضانة وروضة مدينة عيس وكلش ماعجبتني احسها وايد قديمة

في الرفاع الأنفنت سكول
بصراحة احسن روضة على الأطلاق في نظري ((المدرسات بريطانيات)) والأهتمام بصراحة وايد زين

والثانية أحسن وأحسن
روضة بري بوديع سكول
حضانة البديع للأطفال
كلها بريطانيين وأجانب ورعاية وعناية
وفضييييييييييييييييييييعة بصراحة

حبيبتي افضل انه يودونه استشاري افضل ، يمكن عنده مشكله صحيه، بنتي كانت ما تسمع وتأخرت في تركيب الجمل والنطق لبعد الثلاث سنوات واكتشفنا ان كان عندها لحميه عند الأنف من داخل تقريبا مسكره المجرى التنفسي من الأنف ومأثره على السمع وحنا على بالنا طول الوقت انها تحقرنا ، ومن سوت العمليه ما شاء الله بسرعه صارت تكون الجمل والنطق واضح عندها بعد.. وندمنا على تأخرنا طول هالوقت ..

الدكتور اللي كشف عليها اهو د. عبدالرحمن غريب في مستشفى جوسلين للسكر وهو اللي سوى لها العمليه بعد فبرايي خل تطمن صديقتش ان ولدها مافيه شي اول ياثر على السمع والنطق وبعدين ممكن تدمجه في روضه وما عليه الا العافيه

مشكووورين حبيباتي جزاكم الله خيرا والله البنت محتاجه جدا تودي الياهل حضانه ..

mroom
انا ابني عنده مشكلة في اللحمية ولكن كشفنا علي السمع وكل شئ سليم ؟ الدكتور عبد الرحمن غريب تخصصه شنو ؟؟ وكم عمر بنتك يوم سويتو لها العملية ؟ انا عمر ابني سنة و8 شهور ..ولما ينام يشخر وصوته وااايد مرتفع حتى اخاف عليه يمكن ما يقدر يتنفس ..؟شنو تنصحيني ؟

ايوت حبوبة يعني طالعت الشحمية هي سبب انه مايسمع عدل؟؟

ايوت;10948271:
مشكووورين حبيباتي جزاكم الله خيرا والله البنت محتاجه جدا تودي الياهل حضانه ..

mroom
انا ابني عنده مشكلة في اللحمية ولكن كشفنا علي السمع وكل شئ سليم ؟ الدكتور عبد الرحمن غريب تخصصه شنو ؟؟ وكم عمر بنتك يوم سويتو لها العملية ؟ انا عمر ابني سنة و8 شهور ..ولما ينام يشخر وصوته وااايد مرتفع حتى اخاف عليه يمكن ما يقدر يتنفس ..؟شنو تنصحيني ؟

هلا خيوه، د.عبدالرحمن غريب تخصصه انف واذن وحنجره، اهو كل ما سوى البيبي العمليه وهو صغير افضل، ويترخص في نفس اليومعكس الكبار يرقدونهم. بنتي سوت العمليه هالسنه شهر واحد تقريبا كانت اربع سنوات وشي وفعلا كانت تشخر قبل العمليه وصادها زكام ( بس الخشم يصب، مدة طويييله بالاشهر) ،

في رايي روحوا له، اهو اختصاصي لهالسوالف على الاقل تطمنون

بالنسبة للتكلم والنطق انا ولدي الكبير تأخر شوي في تركيب الجمل وحتى في نطق الكلمات بشكل صحيح وكانت عنده مشكلة مع اللوز وخبرونا الدكاترة ان لو نسويه عملية استئصال اللوز بيتحسن وسويناه العملية بعمر ال3 سنوات ونصف وكان عنده لحمية بعد بس السبب الرئيسي هو اللوز والحمدلله بعد العملية صار التحسن مباااااشر وصار يتكلم واااايد على طول يهذر ههههههههههههه وعقب شهرين دخلته الروضة وصار احسن من اطفال وايد بعمره الحمدلله رب العالمين


فعلا تأكدوا اول شي ان ما عنده اي مشاكل صحية

بنات يعني اي احد يتاخر في النطق لازم يكون فيه مشكلة؟؟
لانة اني ولدي للحين مايكون جمل
بس ماشاء الله يقول الارقام والاحرف
وديتة لدكتورة ويوم عرفت السبب قالت لي لانة ماعنده جهال وياه ودية روضة وعطتني حق تحاليل ومواعيد بالاشهر طبعا واني ماسويت شي
لانة كل من يقول لي عاادي
واللحمية لازم يكون الشخص يشخر ؟؟
لانة عبادي الحمد الله ماايشخر ومااحس انه عنده مشكلة في السمع يعني مشكلة السمع اتوقع اتبين يعني هو ماشاء الله من بعيد يسمع لو هو في غرفة واحد فتح باب الشقة يعرف انه فيه احد على طول يركض يشوف مين
هل هالشي كافي
وممكن اعرف انه عنده مشكلة في السمع او لا من غير مااودية طبيب؟؟
لانة اخاف بعد الروضة يطلبون فحص يثبت انه مافي شي لانة للحين ماتكلم