الرضاعة الطبيعية وتساقط الشعر

عادي انا صار لك كذا وانا ارضع طفلي

يتساقط بشكل فظيع بس هذي ضريبة الامومه


مالها علاج وهي شي طبيعي


بس لازم تاخذي فيتامينات عشان جسمك

وراح يرجع يكثر لاتخافين
موفقه

انا الحين نفس الشي وبنتي عمرها 5 شهور بس التساقط رهيب لدرجة صار عندي اكتئاب واقول لزوجي شعري خلص وفعلا يا بنات شعري صار جدا خفيف

صحووب====نفس المشكلة بالضبط من الشهر الرابع قااام يتساقط حتى المشط ما يبان من الشعر وصفووا لي كالسيوم وفيتامينات ان شاء الله يفيدون بس قلت أول بستشير طبيبة يمكن ما يناسب الرضاعة خبرش وسواس

حبيبتي الرضاعة ما تسبب لج هالشي

سوء التغذية اثناء الرضاعة اهي اللي تسبب

لانج تفقدين حديد وايد وتفقدين كالسيوم بعد

لازم تعوضين بالاكل الصحي المغيد الغني بالحديد وبعدها تشربين حديد

ولا تعتمدين على الحبوب بعدين تقولين ما وقف التساقط لازم الاكل الاخضر واللحوم الحمراء

انا مثلك شعررري يتساقط بشكل رهيب
ومن شهر صرت اخذ فيتامين وبعد مافي فايدة وماشوف الوضع تغير

اخذي فيتامينات من بعك ما تسالين الدكتورة

زوجي راح الصيدليه وقالهم زوجتي شعرها يتساقط من الرضاعه وعطوني حبوب اسمه novophane بس مادري ليش خايفه اخذه
في احد جربه

انا اخذت زيت كبد السمك

وهل نفع معاج؟؟

نفس مشكلتي بعد ولادتي بثلاثة او اربعة شهور
لا تخافين

مشكوووووووورين
بس انه خايفه اخذ القيتامينات اخاف تمتني

طيب انا مارضع طبيعي وشعري بالهبل يتساقط وش السبب من يوم دخلت الشهر الرابع بعد الولاده

السبب طبيعي جدا جدا ,,, هو تراجع هرمون الحمل ( البروجستيرون) واللي بالعادة يقوم بزيادة وتسريع نمو الشعر وبما انه انتهيتي من الحمل بالتالي شوي شوي هوو يقل بالجسم لحتى يصير بالكمية السابقة للحمل بالتالي من الشهر الرابع او الخامس يكون هالهرمون نزل لاقل مستوياته ويزيد هرمون الاستروجين وهو عكس الهرمون الآخر يعني يزيد بالتساقط بالتالي يبطأ من نمو الشعر ... فهاذي حالة طبيعية جداا الى ان يستقر جسمكـ وهرموناتك وممكن تلاحظين خربطة بالدورة وكل هذا اشارة الى ان الجسم قاعد يعيد تكوين نفسه مرة اخرى ليرجع لحالته الطبيعيه قبل الحمل ....

بالنسبة للفيتامينات والكالسيوم كل هاذي ماراح تنبت الشعر لاا هاذي عشان تحافظين على الشعرة اللي بتطلع فمثلاا بدل ماتطلع شعره باهته وضعييفه وسهل تكسرها تطلع شعره قووية ولامعه ...

بالنهاية بتلاحظين نموو الشعر يا اما بعد الشهر السادس او السابع او بنهاية السنة الاولى لطفلك حتى لو بالشي القليل يعني كل وحده وطريقة جسمها ونمو الشعر عندها ...

عن نفسي من الخامس كان يطيح وبقوة وصار خفيف بس بعدها من الشهر السادس او السابع قل التساقط وبدأ ينموو شعر جديد ,, واللي لاحظته بعد ما استخدم حبوب فيتامينات ب ماشاء الله يخف التساقط لانه معروف انه يساعد على تقليل التوتر و بنفس الوقت هو مايأثر على الرضاعه ....

ماتششوفين شر غناتي الله يشفيك

ان شاء الله البنات يفيدونج لانه ماعندي فكره

<<<< مب متزوجه




عروسسات مشاء الله مب مقصرات



الله يحفظهم

كنت هناااااا

مشكلة كبيرة تساقط الشعر ، قريب اتجنن من شعري يتساقط بشكل كبييييييييييييييييير ، بس ترا طمنتوني كنت خايفة انه في شيء خطير ، بس الحين تطمنت والحمدلله