[B]
[/B]خواتي الغاليات عضوات وزائرات منتديات عروس
رجعت لكم بموضوع جديد اتمنى يكون مفيد وخفيف عليكم
موضوعي اليوم هو قصه تعلقي وصداقتي الجديده مع مع عنصر من عناصر المكياج
الي صرت ما استغني عنه في اي لوك من لوكات
وصداقتي توطدت معاه مع زياده خبرتي بطريقه استخدامه و توزيعه بالطريقه الصحيحه
و طبعا صديقي الغالي هوووووو
PIGMENT
أو
LOOSE EYE SHEDOW
أو
STARE POWDER
أو
Eyeshadow powder
طبعا هذي كلها مسميات لشي واحد الي هووووووو الشدو السائب بأنواعه المختلفه
سواء الي بلمعه او المات
والحين ببتدي قصتي معاه وشلون تعرفت عليه؟؟؟ و وشو الي حببني فيه ؟؟؟:adore:
عرفت البيجمنت عن طريق النت وبحثي في مواقع المكياج وكنت حاطه فبالي اني
مستحيل اجربه لاني كنت مبتدأه بعالم المكياج ولين ذاك الوقت ماكانت عندي الخبره
الكافيه في عمليه الدمج و تثبيت الشدو وما الى ذلك ........... بس ألوان البيجمت
و لمعته شدتني كثير خصوصا وانه فيه الوان من البيجمنت الوان مستحيل تكون او
نحصلها من الاي شدو العادي عشان جذي قررت اني ازور ماك واشوفه عندهم وبعد
اول زياره تعرفت على طريقه استخادمه و تثبيته من الماكيره الي كانت هناك وفادتني
باشياء كثيره و من حظي كانوا بذاك الوقت منزلين كولكشن الهوليدي فما ترددت لحظه
اني اشتري المجموعتين الي كانوا نازلين.....
و استانست عليهم وووووووووايد لان صدق لمعتهم والوانهم فوق الوصف
<<<<<<<<< هذي كانت بدايه قصتي معاه و معرفتي بهالمنتج الرائع
استخداماته :
- يستخدم للعيون كشدو لحاله او لاضافه اللمعه للاي شدو الاساسي
- يستخدم كبلشر
- يستخدم كلمعه او اضاءه للوجه خصوصا الوان الذهبي , الابيض , البرونزي
- يستخدم للشفايف بدمجه مع الروج او القلوس
- ايضا ممكن ندمجه مع المنكير للحصول على الوان جديده
والحين بتحدث عن الماركات البسيطه الي استخدمتها وطبعا فيه غيرها كثير لا تعد ولا تحصى بس انا بتكلم عن الي جربتهم بس
بس قبل كل شي اوجه دعوه لكل وحده جربت ماركات ثانيه إن تعرض لنا تجاربها مع هالماركات حتى يكون الموضوع مرجع للبيجمنت لكل البنات
بسم الله ,,, تبارك الرحمنببتدي بالبيجمنت من ماكMAC
ماعرف شاقولكم عنهم بس مهما وصفت وقلت لكم ما بخلص كل شي فيهم
حلو لون , ثبات , لمعه , تميز بالالوان احبهم واااايد وصرت ما استغني عنهم
بأي لوك اسويه .... سواء باضافه البيجمنت فوق الشدو لتعزيز لمعته أو استخدامه
كلمعه لتحت الحاجب أو كلبشر و احلى شي لين استخدم اللون اللؤلؤي تحت العين يعطي
اضاءه للمكياج والوجه كله ... باختصار احب البيجمنت لكل شي بلوكاتي ...
[COLOR=#9932cc]بتلاحظون المجموعات الي عندي انهم كلهم من مجموعات الهوليدي [/COLOR]
الي تكون باحجام صغيره لاني احس انها افضل و الاحجام العاديه فيها
كميه كبيره جدااا ما احس اني محتاجتها عشان جذي احرص اني كل ما
ينزل كولكشن الهوليدي اخذ المجوعات الي تنزل فيه باستثناء اذا شفت
لون نزل لمتد ودااااش مزاجي حيل فاشتري الحجم الكبير منه ...
هذا [FONT=Impact][COLOR=darkorchid]الPink Bronz كان مع المجموعه الي فوق بس انسكر و جمعته وحطيته بهالعلبه[/COLOR][/FONT]
هاللون رهيب قمه في الروعه اخضر فاتح و لمعته رااااااااقيه حيل كان لمتد وانا لحقت على
اخر حبه :D وصدقوني يوم الي خذته كان فيسي جذي >>>:lol:
وهذا سامبل عطوني اياه بماليزيا طبعا هني ما يعطون شي ابد على كثر
ما ناخذ من عندهم :cool:
[B][COLOR=darkorchid]
[/COLOR][/B][B][COLOR=navy]
[/COLOR][/B] 
