اليوم عشانا كان خفيف وسهل وسريع والأهم انه صحي :thumbs_up: ..
وهالطبق اهداء مني لهالموضوع :lol: ،، وفي انتظار الجائزة أهم شي :p
∞• عدنااااا مع موضوع الطلبات و المفااااجئات ∞•
طبعاً الطبق مو جديد عليكم بس ممكن الطرق تختلف .. والله أعلم :)
صورت لكم الطريقة وبإذن الله مفهومة للمبتدئات اياهن :D
نبدأ بسم الله تعالى مع المقادير ..
علبتين تونة مصفاة من سوائلها ..
حبة بصلة مقطعة مربعات صغيرونة ،،
حبة طماطة مقطعة شرايح ..
فص ثوم مهروس
عصير ليمونة
وطبعا استغنيت عن البهارات مالها ضرورة ولا الملح لأن التونة بالأساس فيه ملح ،، :)
الطريقة ،،
نحمس البصل والثوم في زيت زيتون ، ونحاول ما نخليه يذبل ولا يحمر كثير :D
نضيف الطماطة ونحاسب أيضا ما نخليها تذبل كثير
نضيف التونة ..
نحمس التونة مع البصل والطماط شوي بس ما نطول ، لين ما نحس إن الكل تجانس مثل هالصورة :) وبالأخير نضيف له عصير الليمونة ..
الحين نبدأ في مرحلة حشوها في التوست ( الروتي ) .. :p
جهزت الخبز بعد ما شلت منه الحواف ،، الأبيض للعيال والأسمر للكبار << صحي لااااه :lol:
\دهنتهم بالمايونيز ( اللايت ) ..
وعقب حطيت خلطة التونة في الخبز وقصيتهم مثلثات ، وبشرت في سطحهم جبن شيدر ،، :)
دخلتهم في الميكرويف بس عشان الجبن اللي في السطح يذووب ،، :adore:
وهنا اللوك الأخير للسندويتشات بعد خروجها من الميكرويف والجبن سايح على سطحها ،، وطبعا قدمتها ويا سلطنة مكونة من الخس والخيار فقط واللي ما مداني أصورها لأن الجوع كان واصل حده :p
هنا وعافية على قلوب الجميع ،، ولا تحرموني من دعواتكم .. :L:
