قصه رومنسيه انا وزوجي في غرفه الولاده

السلام عليكم

بقولكم قصتي الرومنسيه >>>>>:L:

انا ولدت بعد معانا 3 اياام من التعب مغص ودم كل ما اروح المستشفي يقولو ما في ولاده روحي بيتك

الموهم جااه الوجع الى من جد ما اقدر انام وع فكره كان يوم عرفه
وكان زوجي صاايم مسكين
رحنا المستشفى وجاتني الدكتوره بس ايش اقولكم عن الدكتوره متوحشه خخخخ
كانت الله يهديها بس
ماشاءالله عليهاا مليانه ويدها مليااااااااااااااااااااانه وكل ماتجي تقيس الرحم تجيها كم رفسه مسكينه
وكانت الدكتوره حامل بس حزنت عليها وياليتني اتوب كل ما تجي تاخد كم رفسه
والموضوع كلو من السااعه 11 ونص

طبعا ماا نزلت مويه مني وفقعت الموويه ساعه 4 عصر والرحم كان 3

وساعه 8 وكان الرحم 8
وقتها جاتني دكتوره ثانيه ماشاااءالله عليهاا طيبه مرره

جاه وقت الولاده طبعا طول الوقت زوجي معايه وياعمري كان صايم وفطر في المستشفي سندوشت :(
الدكتوره تقولو اطلع براء عشان لاتتدوخ هو يقولها لا بجلس هنا معاها
جات الدكتوره تقولي 10 خلاص ولاده
ياعيني ياعيني ياعيني

جات تلبس الاخضر عندي وجابو الاشياء وجا الشغل واقولها بروح الحمام وانتو بكرامه كل شويه اقولها بروح الحمام
تقولي خلاص الراس نازل

جاو الممرضات بصراحه كانو مره طيبين
يقول قولي يارب ربي قريب منك ادعي

كل شوويه ابكي واقول خلااص ما ابغااا ما ابغااا
بروح البيت زوجي يقولي وين تروحي بتولدين اقول الله يخليك بروح البيت حبيت البيت فجاه هههههههههههه

وكل شويه يقولو ادفعي اول ما ادفع احضن زوجي وابكي
يمكن اربع مرات او خمسه مرات وكل مره احضن زوجي وابكي واقوله احبك
شفتو الرومنسيه كيف وابوسو وحركات >>>>>من قلبها:L:
والممرضات يضحكو بس مو مشكله
خامس مره جاتني البنوته الاموره
وسميتها الين
وع فكره انا رحت المستشفى ساعه 11 صبح ولدت 11 وربع باليل نهار العيد
وماما ماكنت تتدري اتصل عليها زوجي يقولها بنتك جابت عروسه وماما جاتني تبكي معصبه مني اول ما شافت بنتي نسيت الزعل

بس وربي يا بنت الولاده مو زي ما نسمع موت ومدري ايش لا وربي مره وجع صح يعور بس تنسي الوجع بسرعه مجرد ما تشوفي البيبي
ربي يسهلها عليكم ياااااااااااااااااااااااااااااااااااااااااااااااااااااااااارب
:L::L::L::L::L::L::L::L::L::L::L::L::L::L::L: