تجهيزاتنا للمولود الجديد و النفاس

هلا فيك ريمووو ، بالنسبة للكرسي لالالا ما مثل ما تتخيلي خخخ ، هو كرسي سيارة بالأصل ، بس أنا بستغله أجيبه البيت أسويه منز ،،

وفي نفس الوقت في مشاويري بخلي البيبي فيه مثل الحمالة بدل لا يتعود على اليد فهمتي علي ،،



بالنسبة للرضاعة بقدر الإمكان عطي البيبي صدرك ، ولو صار اللي خبرتك عنه عليك باللي موجود سواء كان كريمات أو حلمات السيلكون ومدري شو من اختراعات ،،
لأن بصراحة التشققات مؤلمة ومزعجة للأم ، وإذا فيه هالإختراعات عليك بها اشتريها ما خسرانة شي ،،

بالنسبة لي أيام كنت بكر بولدي تعبت منها كثير وما كان فيه هالإختراعات غير كريمات .. وما نفعني شي منها ،، وسويت زيت زيتون وزيت الخروع والحمد لله حسيتهم خفوا ،، لأني كنت أعرضهم للهواء عسب ينشفوا وما يكونوا رطبين تحت الصدرية ،،

عشان كذا أنصحك بالرضاعات لأن هي اللي ساعدتني في هالمرحلة العلاجية ، والله يسهل عليكم ،،

اشتري الكريم والكمادات وخلي الحلمة تبع السيلكون لأن شكلها يبالها مهارة والله أعلم ، ما سبق وشفت أحد تكلم عنها ،،

أعتقد الكمادات فيها مادة سائلة مثل الدوا أكيد بيعالج التشققات والإلتهابات ،،

شفتهم في البيبي أر أص ذيك المرة وعندهم أشكال وألوان ،،


الله يعينك على الثقل ، هل بديتي تمشي ؟

ضروري تبدي الحين عشان تهيئي الرحم ، الله يساعدنا ويقومنا بالسلامة يار ب ،،

السرير الي مسوين عليه تصفيه .. 190 $ و الدريس تيبل فري



بانيوو



جيك



فرش التنظيف



جهاز الشفط مع مرضاعة بلاستك و القطن حق الصدر



مرضاعتين من دكتور براون جزاز



و هذي المناديل جاتني فري



و حفاضات

ريموو ، ما شاء الله حلوة الأغراض تجنن الحين أجبرتيني أسير أصور اغراضي خخخخ

من وين شريتي بقية الأغراض باستثناء السرير ،،

لأني أشوف يعطونك عليهم حاجات فري خخخخ


يتهنى فيهم مولودك يا رب ،، حبيت اللون الليموني يناسب الجنسين كثير ،،

حوض السباحة نفس اللي شريته بالضبببببط ،،

الجيك اللي شريتيه فيه منه أنواع ، أنا من الوال مارت شريت اللي يجي من الأمام في نص الكوب بلاستيكة تمنع الماي يمشي في وجه البيبي ، فهمتي علي صح ؟

أم المهند ما بديت امشي .. بس اشتغل في البيت واايد = ( .. و الله تعبت

ما اقدر امشي الا بستشارة الدكتوره لأن اذا صارت لي ولاده مبكره لا سمح الله في احتمال كبير يصير نزيف

بعيد عني و عنكم

بالنسبة للحفاظات ، عيالي ما يناسبهم إلا البامبرز ، لين الحين ما شريت للنونو الجديد محتارة بين هجيز وبامبرز ،،

شكلي بستفتحها بهجيز ، بس يقولوا هجيز الأمريكي مو زي السعودي في الإمتصاص والله أعلم ،،

سلامتك حبيبيتي ريمووو ، ايش سبب النزيف إذا صار لك لا سمح الله ،

معقول باستشارة ، وبعدين تراه المشي أفضل من شغل البيت ، شو دراك ان شغل البيت ما يرهقك وتتعبين بزيادة ..

الله يعينك يالغالية ،

عندك المشيمة نازلة لا سمح الله مثلا ؟


وتراه يوم بتمشي ما كثير ولا تضغطين على حالك ،

ام مهند فهمت ,, شفته اصلا بس ما كان حق النيو بورن

هذا الي شريته مكتوب عليه صفر +

و كل مشترياتي من تويز ار اس

سجلت عندهم و عطوني كوبونات

حلووه 20 % خصم

و ارسلوا لي دفتر كله كوبونات استفدت منه الحمد لله

ريمو هنيه بأمريكا حبيت هالعروض وسالفة الكوبونات اللي يسووها ، خبرتكم عن كوبونات الجمبوري بعد ، رحت أمس وشريت لي بما قيمته 200 دولار ( مجانا ) بسبب هالكوبونات ، لأني كم مرة أشتري من عندهم وما شاء الله كسبت عدد كبير كوبونات ، يا ليت هالشي يطبق معانا في الخليج كله ضاحكين علينا ،،

يوم شريت أغراضي من البيبي أر أص خبروني عن سالفة التسجيل والبطاقة بس ما بغيتها ع أساس اني مروحة خلاص وعقب ندمت بربك ، خبرتني ان بهالبطاقة بتحصلي عروض ومدري شو بس لمن تقولي خخخ ،،

يلا خيرها في غيرها ،،

أمممممممم .. أنا شريت الحفاضات لان عليهم كوبونات و تخفيض

و كانوا معطيني 3 هديه فلمستهم و كان ملمسهم واااااااايد قطني و حلووو

بس صديقتي الحين ما تمدححه تقول يسرب و يسوي ريحه = (

النزيف يصير من مسيلات الدم الي اخذها

و شغل البيت غصبن عني = ( شاسوي .. مين بينظف لو انا ما نظفت ..

أم المهند;11099249:
ريمو هنيه بأمريكا حبيت هالعروض وسالفة الكوبونات اللي يسووها ، خبرتكم عن كوبونات الجمبوري بعد ، رحت أمس وشريت لي بما قيمته 200 دولار ( مجانا ) بسبب هالكوبونات ، لأني كم مرة أشتري من عندهم وما شاء الله كسبت عدد كبير كوبونات ، يا ليت هالشي يطبق معانا في الخليج كله ضاحكين علينا ،،

يوم شريت أغراضي من البيبي أر أص خبروني عن سالفة التسجيل والبطاقة بس ما بغيتها ع أساس اني مروحة خلاص وعقب ندمت بربك ، خبرتني ان بهالبطاقة بتحصلي عروض ومدري شو بس لمن تقولي خخخ ،،

يلا خيرها في غيرها ،،

إي و الله احنا من يدروون ان احنا محتاجين شي يقومون يرفعون الاسعااار

هههههههههه تخلللللللللللللف

لا و الله فاتتج العروض تنفع .. 40 % خصم .. و عروض ثانيه حلوه

مثل ما قلت لك ريموو ، ما ينفع هجيز الأمريكي بس يلا انتي جربيهم وتقدري تغيري عقب ،،

فديتش الحب ما تشوفي شر عشان شو تاخذينها المسيلات أول مرة أسمع فيها !

سلامتك من كل شر وفعلا تنظيف البيت بهدلة ، بس تصرفي مثلي خخخ والله أخلي زوجي هو يخم بالمكينة وهو مسكين بض الأحيان يغسل المواعين ، قولي الطبخ علي بس ولا تنسي أنا بعد عيالي فضغط أكثر بربك والله يسهلها علينا ،

المهم انتي تديري بالك على صحتك وكلها أيام وتعدي بإذن الله ..

وأنا أشهد اني طوفت علي الفرصة فعلا ، بشوف إذا لي روحة غير يمكن باخذ لي شرشف للكرسي تبع البيبي لأن هو اللي باقي لي بس من الأغراض وغير كذا الحمد لله خلصت كل التقضي افتكيت ما فيني أطلع بعدين وأنا ثقيلة زيادة ،،

أم المهند;11099259:
مثل ما قلت لك ريموو ، ما ينفع هجيز الأمريكي بس يلا انتي جربيهم وتقدري تغيري عقب ،،

فديتش الحب ما تشوفي شر عشان شو تاخذينها المسيلات أول مرة أسمع فيها !

سلامتك من كل شر وفعلا تنظيف البيت بهدلة ، بس تصرفي مثلي خخخ والله أخلي زوجي هو يخم بالمكينة وهو مسكين بض الأحيان يغسل المواعين ، قولي الطبخ علي بس ولا تنسي أنا بعد عيالي فضغط أكثر بربك والله يسهلها علينا ،

المهم انتي تديري بالك على صحتك وكلها أيام وتعدي بإذن الله ..

الله يسلمك حياتتي

يختتتتتتتتي احنا الي نقعد في البيت اكثر منهم

علشان جذي يهمنا ان يكون على طول نظييف و مرتب و يفتح النفس

ان شا الله ما يأثر فيني الشغل ..

اخذهم علشان التجلطات الي تصير في المشيمه .. و تمنع و صول الدم ..

بالمناسبة ريموو ، ما لاحظتي هنيه ما يببيعوا ( الوسادة ) الخاصة بالبيبي ؟

يختي دورتها من كلللل مكان وآخر مكان من البيبي أر أص ، سألتهم عنها فاستغربوا سؤالي خخخخ يقولوا نحن عيالنا بما معناه ما يناموا بالوسادة ،، تصدقي قريت مرة ان فعلا الوسادة خطر للبيبي ، بس عاد أنا ما أقصد الوسادة اللي هي قاسية ، فيه وسايد تجي من الوسط فجوة عشان راس البيبي يمسك فيها ، هاي معقولة جدا ،،

أم المهند;11099267:
وأنا أشهد اني طوفت علي الفرصة فعلا ، بشوف إذا لي روحة غير يمكن باخذ لي شرشف للكرسي تبع البيبي لأن هو اللي باقي لي بس من الأغراض وغير كذا الحمد لله خلصت كل التقضي افتكيت ما فيني أطلع بعدين وأنا ثقيلة زيادة ،،

و انا خلصت اكثر من نص الاشياء

و بقت تجهيزاتي .. شي بسيط منها ان شا الله طلعه وحده او 2 تكفيني

بس اذا لقيت المطلووووب ..

طيب ابسئلج عن تجهيزات شنطة البيبي .. كم لبسه احط له

و كم حفاض !!

و هل اسبحه في المستشفى و لا امسحه بس بالمناديل

تاخذينهم على شكل ابر رريموووو ، أعتقد نفس اللي تاخذهم أختي وقت الحمل ،

ديري بالك ملوين مرة صحتك أهم يا بوك لا تعرضي نفسك للإجهاد وبقدر الإمكان تسدحي .. الله يعدي هالأيام بالسلامة ،،

أم المهند;11099275:
بالمناسبة ريموو ، ما لاحظتي هنيه ما يببيعوا ( الوسادة ) الخاصة بالبيبي ؟

يختي دورتها من كلللل مكان وآخر مكان من البيبي أر أص ، سألتهم عنها فاستغربوا سؤالي خخخخ يقولوا نحن عيالنا بما معناه ما يناموا بالوسادة ،، تصدقي قريت مرة ان فعلا الوسادة خطر للبيبي ، بس عاد أنا ما أقصد الوسادة اللي هي قاسية ، فيه وسايد تجي من الوسط فجوة عشان راس البيبي يمسك فيها ، هاي معقولة جدا ،،

و الله ماااااااااااافكرت بالوساده :01: هههههههه نسيت موضوعها ..

بس لاحظت و الله

الأطقم ما فيها مخده ..

يلا دامها ضاره موو لازم نشتريها ..

و حتى اسفنجة السبوح مالقيتها في تويز ار اس

بدورها في الول مارت و التارجيت ان شا الله

أم المهند;11099281:
تاخذينهم على شكل ابر رريموووو ، أعتقد نفس اللي تاخذهم أختي وقت الحمل ،

ديري بالك ملوين مرة صحتك أهم يا بوك لا تعرضي نفسك للإجهاد وبقدر الإمكان تسدحي .. الله يعدي هالأيام بالسلامة ،،

ايوه ابرر

متعبيين متى نفتك بس ..

ريما;11099276:
و انا خلصت اكثر من نص الاشياء

و بقت تجهيزاتي .. شي بسيط منها ان شا الله طلعه وحده او 2 تكفيني

بس اذا لقيت المطلووووب ..

طيب ابسئلج عن تجهيزات شنطة البيبي .. كم لبسه احط له

و كم حفاض !!

و هل اسبحه في المستشفى و لا امسحه بس بالمناديل

شدي حيلك وفكي نفسك عسب ترتاحي وتجلسي في البيت بدل الدوارة ،، الله يوققك يا رب

ايش هي تجهيزاتك ؟

بالنسببة لشنطة البيبي ::
نفس سؤالي ، أقول مدري هنيه كيف وضعهم هل مثل عندنا ناخذ لهم لبسات وشغلات ولا كله من المستشفى أو على الأقل شي خفيف ناخذ والبقية على المستشفى ، وكنت أريد أسأل ( العضوة سعاد سالم ) إذا تعرفينها ، هي بالغربة وولدت بس مش بأمريكا .. وأذكر فيه وحدة من كولورادو ولدت بنفس المستشفى اللي راح أولد فيه اسمها شمس وقمر شي من هالقبيل كانت حاطة قصة ولادتها ،

قلت أسألهم قبل لا أتوهق بالشنطة اللي آخذها .. عشان كذا لين الحين ما أٌدر أجزم لك بالأغراض اللي تاخذينهم ،، وفي العادة بالبلد أنا أحط بشنطة البيبي التالي :

1- ثلاث لبسات ، كل لبسة عليها قماطها ودلاغها وقحفيتها
2- حفاظ كامل آخذه وياي أو نصه على الأقل
3- مناديل مبللة يوم يتبرز البيبي سهل بدل الماي
4- فوط صغيرة يوم يرضع البيبي تحطينها على كتفك وقت ما يتجشأ ، أو تستفيدي منها وقت الزوع وغيره وغيره ..
5- فوطة كبيرة خاصة به ..
6- عطر خفيف ويفضل من ماركة جونسون يجي بروائح مختلفة ،،
7- رضاعة صغيرة + حليب البودر + ترمس الماي الساخن ( تعبيها حتى من المستشفى )
8- مناديل رطبة لوجه البيبي ، بعض الأحيان يوم يرضع حليب تلاقي حوالين فمه يابس من الحليب اللي يطلع بره فمه وما يشيله إلا هالمناديل بدل لا تتعني بالماي ،،

وما آخذ له صابونيات وكريمات لأن بالمستشفى هم يسبحونه وإذا حبيتي تاخذي ششيلي بس الصابون السائل وكريم اللوشن والشامبو ..