تجهيزاتنا للمولود الجديد و النفاس

أم المهند;11202530:
ريموو لو تلاحظين هالأوفرولات المسكرة من القدم تلاقينها مخيوطة ، فيه حريم بالبلد أذكر ايش يسووا ، أول ما يكبر الطفل على هالملابس ذي النوعية يروحن يشيلن الخياط اللي في القدم ، بحيث ان الرجل تطلع وتتنفس ،،

بس أحسها شغلانة الصراحة ههههه ما فيني أشيل الخياط وشكلهم بعد يطلع مش مرتب أكيد ،،

تصدقين جات فبالي هالفكره

بس على قولتج موو مرتب ..

و خلاص مو خساره للبيبي الثاني ان شا الله ..

إلا بديتي تغسلين الملابس ؟؟

جهاز شفط الحليب <<< ما عمرها استخدمته خخخ

المفروض مباااااشرة بعد ما تخلصي منها تغسلينها بالطريقة العادية ،، ماله داعي التنقيع في كل مرة .. وتقدرين تنقعينها آخر اليوم فهمتي ؟

بس ضروري تغسلينها أول بأول بالماي العادي والصابون والفرشاة لأن الحليب يتراكم ويسوي جراثيم لا سمح الله ،،
وعاد آخر اليوم نقعيها في ماي حار لليوم الثاني وهكذا ،،

أهاااا ..

شغله و الله .. الله يعييييييييين ..

صج البيبي يشغغغغل ..

بس خايفه الاجزاء المطاطه البلاستيكيه موو زين عليها الماي الحار

ايه ريمووو هم على اختراعاتهم وأغراضهم يهبلون بالوحدة صدق ، بس عاد الخبيرة تعرف تتعامل كيف ،،

لأنك بكر فمعذورة الغالية ، مع كم طفل بعدين راح تشوفي فيه أغراض تجنن وحلوة بس ( ممكن الإستغناء عنها عادي ) ،،


الأوفرولات لا تشيلين الخياط ، عساها ملبوس الهنا للبيبي اللي بيشرف ، وسوي مثلي أول ما يكبر البيبي عليهم خبيهم للبيبي اللي بعد إن شاء الله ،،

نظمي وقتك يا ريموو بعدين إن شاء الله ، يعني سالفة ( المراضع والتعقيم ) خليها نهاية اليوم قبل النوم .. بحيث اليوم اللي بعده يكون وياك بطوله ما تسوي فيه شغل تنظيف ،،

ايه المشكلة البيبي سهل يلتقط الجراثيم لا سمح الله فضروري التعقيم أول بأول ،، فديتهم بس

بعدين بتشوفي الشغلة عادية وبتتعودي عليها ، ممكن الحين انتي مو متخيلتيها لكن حاولي يجيك شعور ممتع وانتي تسوي كل هالأمور عشان ما تتعبي كثير ،،

ربي المعين ،،

طحت عليكم وش تسواااااا ,,,,,,,,,,,,,هههههههه

ريموو على فكرة تراه فيه محاليل خاصة تنباع عشان تنظيف المراضع وجهاز التعقيم في البيبي أر أس لا تفوتيه عليك ،،

يجيك اما سائل أو على شكل حبوب ،،

بعض أنواع الحبوب المعقمة طبعا هي تقوم بدور الصابون ،، بعضها الله يسلمك يكتب على غلافتها انك ما تحتاجي تسخني الماي ، يعني يكفي الماي بدرجته العادية الدافية ، لأن العبرة هنيه بتكون في الحبوب مش في الماي فهمتي ،،

بس لو تريدي التعقيم بدون هالشغلات لااااازم ماي حار ، وما أعتقد البلاستيكات راح تتأثر أكيد معملة لهالشي ،،

هلا بالطش والرش ، نورتي يا أم عبادي تراش طحتي فينا وعورتينا الشيمة خخخخخخخخخ

صح أم المهند كل شي في بدايته صعب

لين ما نتعود .. بيصير روتين حتى ما نحس فيه ..

..

أم عبااادي

التجمع ناقصج يلا حملي خخخخخخخخ

هههههههههههههههههه ام المهند سلامتش من العوار ياعسل ,,,,,,,,,و اقولش انا الي فيا العوار جالسه افكر في الغسيل بكره بعد الي سوته فينا حواري اليوم

حلوو الحبووب اريح من تسخين المااي ..

إن شا الله اجيبه ..

بس شلون شكله و فاي قسم القاه ؟؟

الا الشيمه ريماااا لا لاحقه على الحمل ان شاء الله خليني ارجع عمان وارتب اموري وامور عيالي وبعدين افضى للحمل ومشاغل الحمل

يلااااااااا ان شا الله تجيبين بنوته حلووه مثل حور مشا الله

ريما أذكر في ولادتي ببنتي شفت هالحبوب بالبلد في سنتر بوينت ، ومثلها شفت السائل أيضا ،،

هنيه شفتهم في البيبي أر أص صوب المعقمات والصوابين مال الأطفال ،، وتقدري تسألي عنهم ..

أنا بعد حاطتهم ببالي بس راح أسويهم طلب من النت خلاص ما أقدر أطلع ، اليوم كولورادو بدت تثلج بعد انقطاع 3 أسابيع ..

أم عبادي هيه قريت سالفتها الغالية بس ما علقت ، المجموعة حالها الليل هههههههههه ، اليوم باغية أعطي حق التجمع هنا كم يوم ما دخلت ،،

والله يرزقش الحمل السهل وقت اللي تريدي وتحبي ،،

ريمااا ايه تكون حلوه مثل حور بس اهم شي ما تطلع مخربه مثل حور ,,,,,,,,,,,, لو بس تعرفي وش سوت فينااا اليوم مصيبه
انا دخلت المطبخ اطبخ وابوهاا راح يجي عبادي من المدرسه ,,,,,,,,,راحت الاخت ودخلت الحمام وفتحت الماي في المغسله ورمت كلينكس وسكرت المغسله ,,,,,,,,,, وطلعت حضرتهااا وخلت الماي مفتوح ,.,,,, طبعااا يوم جاء زوجي سمع الصوت وراح الحمام ويصرخ عليااا تعالي بسرعه
والله الماي يسبح فكل مكان ,,,,,, وبسرعه لا خلينا فوط ولا شراشف ذيك الساعه ,,,, لحقنااا نمسح الا ونسمع اصوات الركيض في الدرج ,,,,, عمال السكن يدقون الباب بقوه ,,,, ويفتح زوجي الباب يقولوه وش صاير منفجر شي عندكم زوجي فهمه السالفه ,,, رد العامل قاله الماي واصل لتحت بيت الجيران واي الفشيله ,,,,,,, شوي ويدقوا مره ثانيه الباب علينااا والله صرنا طواري ,,,,, المهم جلسنااا نتغداء وش ذاك الاكل زوجي كله معصب وانا حسيا القمه ما تمشي ,,,,, خلصنا قمت انظف المطبخ الا زوجي ينادي مره ثانيه الماي دخل في كبت الحمام واي رحت بسرعه وطلعت الاغراض الحمد لله كل اغراض الكهربائيه في الكبت بس ماصابهاا شي ,,,,,, المهم وانا جالسه امسح الكبت يدقوااا الباب مره ثاني جايه شركه تشوف التسرب واصرخ على زوجي انتظر ولكن خلاص دخلوا وانا طبعااا بملابس مفتوحه والشعر برع ,,,,, والله كرهت عمري اليوم ,,,,,,,,,,,,وفي النهايه ارسلت زوجي للجيران علشان يعتذر لهم لانه الماي شكله تسرب لهم .

وهذي مغامرات اليوم مع بنوتي حور

ريمو جالسة أبحث لك عن الحبوب ولين أحصلها لك شفت لك هاي كثير حلوة فكرتها بعد
عبارة عن محارم مبللة لتنظيف الشفاطة ..


http://go.3roos.com/3J6rnsfI6dC

ام المهند انا استخدمت السائل المنظف ايام حوري فعلا حلو بس بعدني ما كنت استغنى عن التسخين سبحان الله شي وتعودنا عليه

أم عبادي وأنا مثلك ، صحيح اني شريت الحبوب والسائل وهذيلا ما يحتاج فيهم تسخني الماي ، عادي من ماي الصنبور مباشرة ،،

وأنا كنت أستسهل ( صحيا ) اني اغلي الماي ،،

وتبقى خيارات تقدم للأم هي عاد وراحتها ،

يلا حبوباتي بخليكم الحين ، وقت العاش ونومة الحلوين ،،