(ملتقى العراقيات المغتربات)

هلوووووووووو


شلونكم

اهلين ام عبودي الج وحشة


وبنت الرافدين ماعرف وين تغط يمكن بالثلج

اليوم راح احجيلكم على موقف هاذ هم بالاردن

اني واخوي الجبير واختي الاكبر مني يعني جنة زعاطيط هع

اخوي جان عندة دينار بس مشكوك بالنص وطبعا محد ياخذة ومنكدر نشتري بي سوينة خطة احنة الثلاثي المرح اكو مكتبة يبيعون طيارات هاي اللي اطير بالهوى اخوي جان عاجبة يشتري منهة والمكتبة صايرة باخر الشارع ومثل متعرفون الاردن جبال فالمكتبة يرادلهة مشي وصعدة يالة نوصل زين فاحنة شخططنة كلنة اول شي نختار الطيارة والشكل اليعجبنة بعدين من نطي الدينار طبعا الدينار احنة مصفطي ممبين انة مشكوك كلنة من نطي احنة ننهزم خخخخخخخ المهم رحنة والله وظلينة نختار ياطيارة تعجبنة استقرينة على وحدة وطينة للرجال لفوس وركض هوة فتح القاصة ويريد يفتح الدينار شافة مشكوك جان يصرخ تعالوووووووو بس احنة شنو نرررررررررركض سريع وهوة يركض ورانة وهوة صاير فوك محلة يعني النزلة سهلة وحنة نركض وهوة ورانة الا ان تعب وكف احنة كملنة بس شنو فحطنة خخخخخ اخوي كعد عل كاع من التعب واني اكولة كوم راح يجي الرجال ويلزمنة نط من مكانة وكملنة الركض وصلنة للبيت بسلام بس شنو جنة خربانين ضحك ومن دخلنة للبيت امي كالت شبيكم احنة ولا عبالك مسوين شي كلنة لا ماكو شي يعني محست بينة ابد لا هم عايزة تحس فوك التعب نحصل كتلة خخخخخخخ

لج ام تومة انتي متجوزين من سوالفج كم مرة اكلج عيب وتردين اتعيديهة خخخخخخخخخ

هلو سندرلا شلونج
اي خوش مشروع هااااذا هههههه

والله سوالفكم و مواقفكم حلوه

هلووووووووووووووووو حبايب اشونجن شكو ما كو شنو هاي ام تومه امبدعه او انتي واصغيره اشلونج سندولاوام عبودي او موسيقه هادئه اشونج انشاء الله تستفادين من عدنه او احن هم نستفاد منج حبي

هلووووووو


شلونكم

اي والله سندريلا انتي تفهميهة عل طاير والله اني من جنت صغيرة وكحة ماانجرع جانوا بالمدرسة يكلون الامي بنتك عن 10 ولد بس لان شاطرة من عاقبهة هاي واني بصف الاول

مرات اسولف الرجلي عن مغامراتي وشلون جنت انط نط عل حيطان وهوة هم جان اوكح اخوتة فمرات بنتي تصعد فوك ميز الطعام وضوج منهة هوة ايكولي اي طبعا منو امهة خخخخخ واني اكولة منو ابوهة واحد ايذبهة عل لاخ


وبالنسة للمشروع مال اختج خوش تفكر مخهة تجاري هع


تالا انتي ماعندج مواقف


سلام للكل

هلو سندريلا اشلونج وتالا وبسمت يسلمو حبي عالترحيب

هلووووووو


ام تومه لا مو كولش ماعندي هيجي مواااااهب :D

اني هادئه بس انتي مو دتحجين اني اذكر ماما نفس الوكااااحه


ماما هوايه تحجينه ع مغامراتها هيه وخواتهاااا


موسيقي هلو عيني شلونج

ام شنو انتي !!

صباح الخير شلونكم بنات ان شاء الله بخير

سندريلا
صدك يراد انشجع العراقيات على السوالف لان كل وحده تدخل وتكتب مختصر مفيد
والله ضوجه ولو اني دائما ضايجه بس شسوي ماكو شي التهي بي بس بنتي مكابلتها وكاعده وخطيه بدت تطلع لها اسنان والنهار كله تبجي
صدك احجيلكم على موقف صار بيه قبل كم يوم رحت للمول اتسوك ودخلت قسم الأكل والمعلبات وكلشي وكلاشي هههههه
وجان شنو اشوف يمشي على الحائط فارة كلش جبيره اني اشسويت رحت صحت واحد من العمال الهنود وكلته اكو فارة فوك كلت خلي انبهه اشو هذه راح يم الحائط وصفن وياشر يكول هذه كلتله اي طلع هوه ديباوع على الصورة الي على الحائط صورة مال كيك ومعجنات اشو هذه اجه وجان يكلي طبعا هذه الحجي بالانكليزي
والله اسف ماعدنه من هذه !!!!!!
اني شنو متت من الضحك وبعدها صحنه غير واحد وخليت يحجون ويا بالهندي وجان يكول اي عادي
طلعو يعبدون الفارة وميصير يأذوها
هههههههه
شفتو بله شلون غباء يعبد الفارة والله اني شفت اشكال والوان هنا وعندي موقف ثاني بي غير نوع من الحيوانات ههههههه
هسه احجيلكم ايا

لج هلو ام عبودي الورد ليش هيج المنتدى مديفتح عندي شسوي بيج

كمنة نتطشر منا ومنا خنب بالحظ بس اني مااعوف اعزاز كلبي ابد..

حبي تالا اني ام علاوي ..

هلو موسيقى هادئه شلونج وشلونها مصر؟

انهار ام عبودي تعالي شخبارج ترة بالي يمج والله طمنيني ان شاء الله مصار شي ؟.

هلو عيني نمنومة اني الحمدلله ومصر اتسلم عليكم وتحبكم كللش الحمدلله ايحبون العراقيين

تعالي شو منطيتيني السي في مالتج ؟ ويابة شتسوين بالهند عفتي هاي الدنيا الواسعة وبنجرتي بالهند

بس تدرين سوالفج حلوة عليهم خخخخخخخخخ


ساندريلا طبعا اني مجوعانة بس فتحتي نفسي على هل سندويشات انيال اهلج عليج .

هلووووووووو


اهلين انهار شصار وياج ان شاء الله صرتي احسن

وسندريلا بالعافية عليكم السندويشات وبالنسبة للعراقيات هنا هواي بس مثل مكلتي يحجن مختصر مفيد

انتي مو كلتي مزوجة اشو مجيبين طاري رجلج شنو مسويتيلة سندويش هع

نمنومة اي صحيح ايعبدون الفار والبقر واشكال الحيوانات

هاااااي

شلونكم وحده وحده

ام عبودي شلونج مشتاقتلج حبي

ام تومه شلونج ماعندج بعد موقف منا منا ههه

ام علاوي اهلا بيج داده اني بنت عمي بمصر عايشه ب اسكندريه

سندرلا لفاتج خطيره والله
الله يخليج لاهلج و يرزقج بزوج صالح يارب

صدوك بنت الرافدين ماكو مختفيه!!!